PAN-Aadhaar Card Link : Pan Card ला Aadhar Card लिंक करण्यासाठी लेटलतिफांची झुंबड; आयकर विभागाची वेबसाईट क्रॅश

PAN-Aadhaar Card Linking : आज, म्हणजेच 31 मार्चपर्यंत Pan Card ला Aadhar Card लिंक न केल्यास 1 एप्रिलपासून तुमचे Pan Card बंद होणार आहे. नंतर जर आधार लिंक करायचे असेल तर एक हजार रुपयांचा दंड भरावा लागणार आहे.

Aadhar_Card_Pan_Card_Link

मुंबई : Pan Card आणि  Aadhar Card लिंक करण्यासाठी आजचा शेवटचा दिवस असून 31 मार्चपर्यंत Pan Card ला  Aadhar Card लिंक केलं नाही तर तुमचे Pan Card बंद पडणार आहे. केंद्र सरकारने आता पॅन कार्डला आधार कार्ड लिंक करणे बंधनकारक असल्याचं स्पष्ट केलंय. एवढंच नाही तर आयकर कायद्याच्या नियमानुसार, या काळात जर आधार कार्ड हे पॅन कार्डला लिंक न केल्यास तुम्हाला एक हजार रुपयांपर्यंत दंड द्यावा लागेल असंही स्पष्ट करण्यात आलं आहे. परंतु, पॅन कार्ड आणि आधार कार्ड लिंक करण्यासाठी आजचा शेवटचा दिवस असल्यामुळे आयकर विभागाच्या साईटवर अनेकांनी गर्दी केल्याचं पाहायला मिळत आहे. त्यामुळे आयकर विभागाची वेबसाईट क्रॅश झाली आहे. यासंदर्भात अनेकांनी सोशल मीडियावर तक्रारही केली आहे. 

1 एप्रिल 2019 रोजी पॅन कार्ड आणि आधार कार्ड लिंक करणं अनिवार्य करण्यात आलं. गेल्या तीन वर्षांपासून आधार कार्ड आणि पॅन कार्ड लिंक करण्याविषयी सांगितलं जात आहे. कित्येकवेळा मुदत वाढही देण्यात आली आहे. अनेकदा केंद्र सरकारनंही पॅन कार्ड आणि आधार कार्ड लिंक करणं अनिवार्य असल्याचं स्पष्ट केलेलं आहे. या आधीही सरकारन पॅन कार्डला आधार कार्डशी लिंक करण्यासाठी अनेकदा मुदत वाढवली होती. गेल्या आठवड्यात लोकसभेत या संबंधी अर्थ विधेयक, 2021 पारित करण्यात आलं आहे. त्यानुसार आता नागरिकांनी आपल्या पॅन कार्डला आधार लिंक केलं नाही तर एक हजार रुपयांचा दंड भरावा लागेल. अशातच अनेकदा मुदत वाढ देऊनही अनेक जण अगदी शेवटच्या दिवशी पॅन कार्ड आणि आधार कार्ड लिंक करण्यासाठी सरसावले आहेत. याचाच परिणाम म्हणून एकाच वेळी अनेकांनी आयकर विभागाच्या वेबसाईटवर गर्दी केल्यामुळे वेबसाईट क्रॅश झाली आहे. 

पॅन आणि आधार लिंक करण्याचा प्रयत्न करणाऱ्यांना सर्व्हरमध्ये अडचण असल्याचं, साईट सुरु होऊ शकत नाही असे संदेश स्क्रीनवर दिसत आहेत. अनेकांनी यासंदर्भातील स्क्रीनशॉर्ट शेअर करत आता साईटच बंद असल्यावर आम्ही हे काम आजच्या आज कसं करायचं असा प्रश्न प्रशासनाला विचारला आहे. आयकर विभागाच्या ट्विटर हॅण्डलसोबतच अनेकांनी युआयडी म्हणजेच आधारच्या ट्विटर हॅण्डलला टॅग करुनही हे प्रश्न उपस्थित केले आहेत. अनेकांनी एकाच वेळी केलेल्या या तक्रारींमुळेच PANcard आणि Aadhaar हे दोन विषय ट्विटरवर टॉप ट्रेण्डमध्ये आलेत.

इतर सुविधांपासून राहणार वंचित

केंद्रीय प्रत्यक्ष कर बोर्ड  (CBDT) ने स्पष्ट केलंय की नागरिकांना त्यांना दिलेल्या वेळेच्या आत त्यांचे पॅन कार्ड आधारशी लिंक करावं. असं केलं नाही तर संबंधित पॅन कार्ड बंद होईल. त्यामुळे अनेक आर्थिक व्यवहार करता येणार नाहीत. तसेच बँक खाते उघडणे, बँकांचे व्यवहार, सरकारी पेन्शन, एलपीजी सब्सिडी, स्कॉलरशीप अशी अनेक सुविधांपासून वंचित रहावं लागेल. 

आपल्या पॅन कार्डला आधारशी लिंक खालील प्रकारे करता येईल.

1. आयकर ई-फायलिंग वेवसाइट
2.567678 किंवा 56161 या नंबरला sms करून. 

जर मोबाईलच्या माध्यमातून लिंक करायचं असेल तर आपल्या मोबाईल नंबरवर UIDPAN <12-digit Aadhaar> <10-digit PAN> टाइप करा आणि  567678 किंवा 561561 या नंबरवर sms पाठवा. 

ऑनलाइन पद्धतीने लिंक करता येईल

1. आयकरच्या वेबसाइटला https://incometaxindiaefiling.gov.in भेट द्या. 
2. त्यामध्ये पॅनला आधार लिंक करण्याचा  पर्याय समोर येईल. तो क्लिक केल्यानंतर एक फॉर्म समोर येईल. 
3. त्यावर तुमचा पॅन क्रमांक आणि आधार कार्ड क्रमांक टाकावा. तसेच इतर व्यक्तिगत माहिती भरावी लागेल. 
4.त्यावेळी तुम्हाला एक ओटीटी क्रमांक येईल. तो ओटीटी क्रमांक भरल्यानंतर लिंक आधार असा पर्याय समोर दिसेल. त्यावर क्लिक केल्यानंतर तुमच्या पॅन कार्डला आधार कार्ड लिंक होईल. 

महत्त्वाच्या इतर बातम्या :