Manipur CM Oath Ceremony : एन बिरेन सिंह दुसऱ्यांदा मणिपूरच्या मुख्यमंत्रिपदी विराजमान, राज्यपालांनी दिली शपथ
Manipur CM Oath Ceremony : एन बिरेन सिंह (N Biren Singh) यांनी सोमवारी दुपारी तीन वाजता मणिपूरचे मुख्यमंत्री म्हणून शपथ घेतली. एन बिरेन सिंह यांनी दुसऱ्यांदा मुख्यमंत्रिपदाची शपथ घेतली आहे.
Manipur CM Oath Ceremony : नुकत्याच झालेल्या पाच राज्यांच्या विधानसभा निवडणुकीत भाजपने चार राज्यात यश मिळवले आहे. पंजाब वगळता उत्तर प्रदेश, उत्तराखंड, मणिपूर आणि गोवा या चार राज्यात भाजप सत्ता स्थापनेचा दावा केला. एन बिरेन सिंह (N Biren Singh) यांनी सोमवारी दुपारी तीन वाजता मणिपूरचे मुख्यमंत्री म्हणून शपथ घेतली. एन बिरेन सिंह यांनी दुसऱ्यांदा मुख्यमंत्रिपदाची शपथ घेतली आहे. राज्यपाल एल गणेशन यांनी एन. बिरेन सिंह यांना मुख्यमंत्रिपदाची शपथ घेतली. बीरेन सिंह यांच्यासोबत नेमचा किपगेन, वाई. खेमचंद सिंह, बिस्वजीत सिंह, अवंगबौ न्यूमाई आणि गोविंदास कोंथौजम यांनी कॅबिनेट मंत्रिपदाची शपथ घेतली. या सोहळ्यासाठी भाजपचे राष्ट्रीय अध्यक्ष जेपी नड्डा उपस्थित होते.
N Biren Singh takes oath as the Chief Minister of Manipur in Imphal. pic.twitter.com/of0TNRh94p
— ANI (@ANI) March 21, 2022
भाजपने बहुमताचा आकडा पार केला
10 फेब्रुवारी ते 7 मार्च या कालावधीत देशातील पंजाब, गोवा, उत्तर प्रदेश, उत्तराखंड, मणिपूर या पाच राज्यामध्ये विधानसभेच्या निवडणुका पार पडल्या होत्या. या सर्व राज्याचे निकाल 10 मार्चला लागले होते. यामध्ये पंजाब वगळता अन्य चार राज्यात भाजपने चांगले यश मिळवले आहे. मणिपूर विधानसभेत एकूण 60 जागा आहेत. यामध्ये सत्ताधारी भाजपने 32 जागा जिंकून बहुमताचा आकडा पार केला. 2017 मध्ये, भाजपने राज्यात प्रथमच सरकार स्थापन केले होते. 2017 ला भाजपने 21 जागा जिंकल्या होत्या.
बिरेन सिंह यांचा परिचय
बिरेन सिंह यांनी 2002 साली राजकारणात प्रवेश केल्यानंतर काही काळातच ते काँग्रेसवासी झाले. काँग्रेसने 2003 मध्ये त्यांच्याकडे दक्षता राज्यमंत्री म्हणून जबाबदारी दिली. यानंतर 2007 मध्ये त्यांच्याकडे जलसंपदा मंत्रालयासह, पूर नियंत्रण आणि युवक कल्याण आणि क्रीडा खात्याचाही भार दिला. मात्र, ऑक्टोंबर 2016 मध्ये त्यांनी मुख्यमंत्री इबोबी सिंह यांच्याविरोधात बंड करुन आपल्या विधासभा सदस्यासह राज्य प्रदेश काँग्रेस कमिटी सदस्यत्वाचा राजीनामा दिला. त्यानंतर 17 ऑक्टोबर 2016 मध्ये त्यांनी भाजपमध्ये प्रवेश केला.
महत्त्वाच्या बातम्या
