अंबानींच्या नातवाला नवी ओळख; जाणून घ्या त्याच्या नावातील खास बाब

अंबानींचा मुलगा आकाश आणि सून श्लोका (Shloka and Akash) यांनी गोंडस बाळाचं स्वागत केलं. अंबानींच्या नातवाच्या जन्मानंतर विविध स्तरांतून या कुटुंबावर शुभेच्छांचा वर्षाव करण्यात आला होता.

मुंबई : रिलायन्स उद्योग समूहाचे (Reliance Industries (RIL) Chairman and Managing Director (MD) सर्वेसर्वा मुकेश अंबानी (Mukesh Ambani) यांच्या कुटुंबात काही दिवसांपूर्वीच एका नव्या पाहुण्याचं आगमन झालं. अंबानींचा मुलगा आकाश आणि सून श्लोका (Shloka and Akash) यांनी गोंडस बाळाचं स्वागत केलं. अंबानींच्या नातवाच्या जन्मानंतर विविध स्तरांतून या कुटुंबावर शुभेच्छांचा वर्षाव करण्यात आला होता.

मुलाच्या जन्माबाबत अधिकृत माहिती दिल्यानंतर आता अंबानी कुटुंबातील या चिमुरड्याचं नावंही जाहीर करण्यात आलं आहे. ज्यामुळं अंबानींच्या नातवाला खऱ्या अर्थानं एक वेगळी ओळख मिळाली आहे.

'भगवान कृष्णाची कृपा आणि धीरुभाई अंबानी यांच्या आशीर्वादानं कोकिलाबेन अंबानी यांना कुटुंबातील नव्या मुलाच्या जन्माची माहिती देताना अतिशय आनंद होत आहे. तो आहे पृथ्वी आकाश अंबानी', असं अंबानी कुटुंबाकडून प्रसिद्ध करण्यात आलेल्या अधिकृत पत्रकात सांगण्यात आलं. या पत्रकात अंबानी आणि मेहता अशा दोन्ही कुटुंबातील सदस्यांची नावंही पाहायला मिळाली. सध्या या पत्रकाचा फोटो सोशल मीडियावर कमालीचा व्हायरल होत असून अंबानींच्या नातवाचं हे नामकरण ट्रेंडमध्ये आलं आहे.

सूत्रांच्या माहितीद्वारे मुकेश अंबानी यांच्या मुलाचं नाव आकाश असल्यामुळं, आकाशच्या मुलाचं नाव पृथ्वी ठेवण्याचा निर्णय कुटुंबाकडून घेण्यात आला. त्यामुळं या नावाची ही खास बाबही अनेकांचंच लक्ष वेधत आहे.

मागील वर्षीच अंबानी यांचा मुलगा आकाश अंबानी याचा दिमाखदार विवाहसोहळा पार पडला. हिरे व्यापारी रसेल मेहता आणि मोना मेहता यांची कन्या श्लोका मेहता हिच्याशी आकाश विवाहबंधनात अडकला. मुंबईतील जिओ वर्ल्ड सेंटर इथं त्यांचा विवाहसोहळा थाटामाटात पार पडला होता.