Monsoon : मान्सून दक्षिण अंदमानच्या समुद्रात तीन दिवस आधीच दाखल, पुढील तीन-चार दिवसात बंगालच्या उपसागरात येणार
Monsoon Update : साधारणपणे 22 मे रोजी दक्षिण मान्सून हा अंदमानाच्या समुद्रात दाखल होत असतो, यावर्षी तो तीन दिवस आधीच दाखल झालेला आहे.
मुंबई: नैऋत्य मान्सून आता अंदमान समुद्राच्या काही भागात दाखल (Monsoon Update) झाला आहे अशी माहिती भारतीय हवामान विभागाने दिली आहे. पुढील तीन ते चार दिवसात दक्षिण बंगालच्या उपसागर, अंदमान समुद्र आणि अंदमान, निकोबारच्या आणखी काही भागांमध्ये मान्सून पुढे सरकण्यासाठी परिस्थिती अनुकूल असल्याचीही माहिती देण्यात आली आहे. तर 4 जून रोजी मान्सून केरळात दाखल होणार आहे.
साधारण 22 मे रोजी मान्सून हा अंदमानात दाखल होत असतो, या वर्षी मात्र तीन दिवस आधीच हा मान्सून दाखल झाल्याचं चित्र आहे. यावर्षी मान्सूनचे आगमन चार दिवस उशीरा होणार असल्याचा अंदाज भारतीय हवामान खात्याने व्यक्त केला आहे. त्यामुळे दरवर्षी 1 जून रोजी केरळमध्ये दाखल होणारा मान्सून हा या वर्षी 4 जून रोजी दाखल होणार आहे.
दरवर्षी मान्सूनची वाटचाल कशी असते?
22 मे - अंदमान
1 जून - केरळ
7 जून - महाराष्ट्र
स्कायमेट या खाजगी एजन्सीनंही अंदमानमध्ये मान्सून उशिरानं दाखल होण्याचा अंदाज वर्तवला आहे. पण यंदा मान्सूनची सुरुवात कमकुवत दिसतेय. त्यामुळं तो विलंबाने दाखल होईल असा अंदाज स्कायमेटच्या शास्त्रज्ञांनी वर्तवला आहे. दरम्यान, महाराष्ट्रात 9 जून आणि मुंबईत 15 जूनपर्यंत मान्सूनचं आगमन होण्याची शक्यता आहे.
महाराष्ट्रात 9 जून तर मुंबईत 15 जूनपर्यंत मान्सूनचं आगमन
वेगारीस ऑफ द वेदरकडून (Vagaries of the Weather) केरळात मान्सून उशिरा दाखल होण्याचा अंदाज वर्तवण्यात आला आहे. 4 जूनपर्यंत मान्सून केरळात दाखल होण्याची शक्यता आहे. तर महाराष्ट्रात 9 तारखेपर्यंत आणि मुंबईत 15 जूनपर्यंत मान्सूनचे आगमन होणार असल्याचं भाकित वेगारीस ऑफ द वेदरने वर्तवलं आहे.
'या' कारणामुळे मान्सूनचे ढग तयार होण्यास उशीर
दरम्यान दक्षिण भारतीय महासागर परिसरात एक चक्रीवादळ तयार होत असल्याने बाष्प तिकडे ढकलले जातील. अशात मादागास्कर परिसरात उच्च दाब तयार होण्यास आणखी काही दिवस लागण्याची शक्यता अशात मान्सूनचे ढग तयार होण्यास उशीर होण्याचा अंदाज आहे.
यंदा मान्सून कसा? स्कायमेट आणि आयएमडीचा वेगवेगळा अंदाज
स्कायमेटकडून यंदाचा मान्सून सरासरीपेक्षा कमी राहण्याचा अंदाज वर्तवण्यात आला आहे तर भारतीय हवामान विभागाकडून यंदाचा मान्सून सर्वसाधारण राहण्याचा अंदाज जाहीर करण्यात आला आहे. यावर्षी उत्तरेकडे जूनपर्यंत उष्ण हवामान कायम राहण्याचा अंदाज, त्यामुळे पेरणीला देखील उशील होऊ शकतो.
ही बातमी वाचा:
महत्त्वाच्या बातम्या
