Lightning Alert App : पावसाळ्यात वीज पडण्याच्या 15 मिनिटापूर्वी 'या' ॲपवरून माहिती मिळणार

Lightning Strikes : तुमच्या आजूबाजूला वीज पडणार असल्यास त्याची माहिती तुम्हाला 15 मिनिटापूर्वी मिळून जाते. 

Lightning Alert App : पावसाळ्यात वीज पडण्याच्या 15 मिनिटापूर्वी 'या' ॲपवरून माहिती मिळणार

Jalna News : मान्सुन कालावधीत विशेषत: जुन व जुलै या महिन्यात वीज पडून (Lightning Strikes) जिवीत हानी होत असते. वीज पडून जीवीत हानी होऊ नये यासाठी प्रतिबंधात्मक उपयायोजना म्हणून भारत सरकारच्या पृथ्वी मंत्रालय यांनी दामिनी ॲप तयार केले आहे. हे ॲप गुगल प्ले स्टोअरवर उपलब्ध आहे. विशेष म्हणजे वीज पडण्याच्या 15 मिनिटापूर्वी या ॲपमध्ये स्थिती दर्शविण्यात येते. त्यामुळे तुमच्या आजूबाजूला वीज पडणार असल्यास त्याची माहिती तुम्हाला 15 मिनिटापूर्वी मिळून जाते. 

दामिनी ॲप जीपीएस लोकेशनने काम करीत असून, वीज पडण्याच्या 15 मिनिटापूर्वी या ॲपमध्ये स्थिती दर्शविण्यात येते. आपल्या ॲपमध्ये आपल्या सभोवताली वीज पडत असल्यास त्या ठिकाणापासुन सुरक्षीत स्थळी जावे, तसेच त्यावेळी झाडाचा आश्रय घेऊ नये. त्यामुळे हे ॲप सामान्य नागरिकांना  डाऊनलोड करण्यास प्रवृत्त करावे याबाबतच्या सूचना उपविभागीय अधिकारी, तहसिलदार, गटविकास अधिकारी मुख्याधिकारी यांनी आपल्या स्तरावरुन निर्गमित करण्याचा सूचना जालना जिल्हा प्रशासनाकडून देण्यात आल्या आहेत. तसेच दामिनी ॲप प्ले स्टोअरवरुन डाऊनलोड करण्याचे व वापरण्याबाबत माहिती द्यावी व त्याबाबतच्या अहवाल जिल्हा प्रशासनास सादर करण्याच्या सूचना देखील देण्यात आल्या आहेत. 

सुरक्षात्मक उपययोजना म्हणून तालुक्यातील सर्व शासकीय यंत्रणा, शासकीय अधिकारी-कर्मचारी, नागरीक क्षेत्रीय अधिकारी, मंडळ अधिकारी अव्वल कारकुन, महसुल सहायक, गांव स्तरावरील सरपंच, पोलीस पाटील, तलाठी, ग्रामसेवक, कृषीसेवक, कोतवाल, आशा वर्कर, अंगणवाडी सेविका, आरोग्य सेवक, ग्रामपंचायत डाटा एंट्री ऑपरेटर यांनी हे ॲप डाऊनलोड करावे, असेही आदेश जालना जिल्हा प्रशासनाकडून देण्यात आले आहे.  तर गावातील सर्व स्थानिक शासकीय अधिकार-कर्मचारी यांना हे ॲप डाऊनलोड करुन त्यामध्ये प्राप्त होणाऱ्या अलर्ट नुसार आवश्यक पुर्वसूचना गावातील सर्व नागरीकांना देऊन होणारी जीवितहानी टाळण्याच्या अनुषंगाने कार्यवाही करावी, असे निर्देश निवासी उपजिल्हाधिकारी तथा मुख्य कार्यकारी अधिकारी (जिल्हा आपत्ती व्यवस्थापन प्राधिकरण) केशव नेटके यांनी प्रसिध्दीपत्रकाद्वारे दिले आहेत.  

जीवितहानी टाळता येईल...

गेल्या काही दिवसात झालेल्या अवकाळी पावसावेळी वीज पडून अनेकांचा जीव गेला आहे. विशेष म्हणजे मान्सुन कालावधीत जुन व जुलै या महिन्यात वीज पडून जिवीत हानी होण्याच्या घटना अधिक घडतात. मात्र दामिनी ॲप डाऊनलोड केल्यावर तुम्ही असलेल्या परिसरात वीज पडणार असल्यास याची माहिती 15 मिनिटापूर्वी तुम्हाला मिळून जाते. त्यामुळे तुम्हाला सुरक्षित ठिकाणी जाता येते. यामुळे जीवितहानी टाळता येऊ शकते. 

इतर महत्वाच्या बातम्या: