Lok Sabha Election 2024 : किरण खेर, रिटा बहुगुणांचे तिकीट कापले, लोकसभेसाठी भाजपची आणखी एक यादी जाहीर

Lok Sabha Election 2024 : भाजपने आतापर्यंत 425 हून अधिक उमेदवारांची घोषणा केली आहे. 80 जागा असलेल्या यूपीमध्ये भाजप 74 जागांवर निवडणूक लढवत आहे. 6 जागां मित्रपक्षांना सोडल्या आहेत.

Lok Sabha Election 2024

Lok Sabha Election 2024 : भाजपने लोकसभा उमेदवारांची आणखी एक यादी जाहीर केली. या यादीत 9 नावांचा समावेश आहे. भाजपच्या यादीत यूपीतील 7 जागांसाठी उमेदवार जाहीर करण्यात आले आहेत. चंदीगडमधून किरण खेर यांचे तिकीट कापून संजय टंडन यांना उमेदवारी दिली आहे. याशिवाय रिटा बहुगुणा जोशी यांचे तिकीट रद्द करून अलाहाबाद मतदारसंघातून नीरज त्रिपाठी यांना उमेदवारी देण्यात आली आहे. संजय टंडन यांना चंदीगडमधून तिकीट देण्यात आले आहे. या जागेवरून दोन वेळा खासदार राहिलेल्या किरण खेर यांचे तिकीट रद्द करण्यात आले आहे. किरण खेर यांनी 2014 आणि 2019 मध्ये दोनदा लोकसभा निवडणूक जिंकली होती.

4 जागांवर खासदारांची तिकिटे रद्द 

भाजपच्या या यादीत ज्या 9 जागांसाठी उमेदवार जाहीर करण्यात आले आहेत त्यापैकी 2019 मध्ये भाजपने 7 जागा जिंकल्या होत्या. मात्र यापैकी मछलीनगर आणि कौशांबी या दोनच जागांवर विद्यमान खासदारांना तिकीट देण्यात आले आहे, तर 4 जागांवर खासदारांची तिकिटे रद्द करण्यात आली आहेत. 2019 मध्ये भाजपच्या तिकिटावर आसनसोलमधून निवडणूक जिंकलेले बाबुल सुप्रियो यांनी आधीच राजीनामा देऊन टीएमसीमध्ये प्रवेश केला होता.

भाजपकडून आतापर्यंत 425 हून अधिक उमेदवारांची घोषणा

यूपीच्या मैनपुरी मतदारसंघातून जयवीर सिंह ठाकूर, कौशांबीमधून विनोद सोनकर, फुलपूरमधून प्रवीण पटेल, अलाहाबादमधून नीरज त्रिपाठी, बलियामधून नीरज शेखर, मछलीनगरमधून बीपी सरोज आणि गाझीपूरमधून पारस नाथ राय यांना तिकीट देण्यात आले आहे. रिटा बहुगुणा जोशी या अलाहाबादच्या खासदार होत्या. अलाहाबादचे उमेदवार नीरज त्रिपाठी हे माजी राज्यपाल केशरीनाथ त्रिपाठी यांचे पुत्र आहेत.

याशिवाय पश्चिम बंगालच्या आसनसोल मतदारसंघातून एसएस अहलुवालिया यांना तिकीट देण्यात आले आहे. भाजपने याआधी भोजपुरी स्टार पवन सिंह यांना या जागेवरून उमेदवारी दिली होती. मात्र नंतर त्यांनी तिकीट परत केले. या जागेवरून टीएमसीने अभिनेत्री शत्रुघ्न सिन्हा यांना उमेदवारी दिली आहे. भाजपने आतापर्यंत 425  हून अधिक उमेदवारांची घोषणा केली आहे. 80 जागा असलेल्या यूपीमध्ये भाजप 74 जागांवर निवडणूक लढवत आहे. 6 जागांपैकी मित्रपक्ष आरएलडी 2 जागांवर, अनुप्रिया पटेल यांचा स्वपक्ष 2 जागांवर निवडणूक लढवणार आहे. तर निषाद पक्ष आणि राजभर यांच्या पक्षाला प्रत्येकी एक जागा देण्यात आली आहे. भाजपने आतापर्यंत 74 पैकी 69 जागांसाठी उमेदवार जाहीर केले आहेत. भाजपने सर्वप्रथम 195 उमेदवारांची पहिली यादी जाहीर केली होती.  

इतर महत्वाच्या बातम्या