Kulbhushan Jadhav Case : कुलभूषण जाधव प्रकरणात वकिलाची नियुक्ती करण्यासाठी भारताला संधी द्यावी, इस्लामाबाद उच्च न्यायालयाचे निर्देश

Kulbhushan Jadhav Case : नोव्हेंबर 2021 मध्ये, पाकिस्तानच्या संसदेने कुलभूषण जाधव यांना त्यांच्या शिक्षेविरुद्ध पुनर्विचार अपील दाखल करण्याचा अधिकार देण्यासाठी कायदा केला.

Kulbhushan Jadhav

Kulbhushan Jadhav Case : आंतरराष्ट्रीय न्यायालयाच्या निर्णयानुसार कुलभूषण जाधव यांच्या फाशीच्या शिक्षेविरुद्ध अपील करण्यासाठी भारताला वकिलाची नियुक्ती करण्यासाठी आणखी एक संधी द्यावी, असे निर्देश इस्लामाबाद उच्च न्यायालयाने पाकिस्तान सरकारला दिले आहेत. पाकिस्तानच्या लष्करी न्यायालयाच्या दोषी आणि त्यांना सुनावलेल्या शिक्षेचे पुनरावलोकन करण्याबाबत चर्चा करण्यासाठी उच्च न्यायालयाने भारताला 13 एप्रिलपर्यंत कुलभूषण जाधव यांच्यासाठी वकील नियुक्त करण्यास सांगितले. कुलभूषण जाधव या 51 वर्षीय निवृत्त भारतीय नौदल अधिकारी यांना पाकिस्तानच्या लष्करी न्यायालयाने एप्रिल 2017 मध्ये हेरगिरी आणि दहशतवादाच्या आरोपाखाली फाशीची शिक्षा सुनावली होती. 

जाधव यांना कॉन्सुलर ऍक्सेस न दिल्याबद्दल भारताने पाकिस्तानविरुद्ध आंतरराष्ट्रीय न्यायालयात (ICJ) धाव घेतली होती आणि जाधव यांच्या शिक्षेला आव्हान दिले होते. दोन्ही बाजू ऐकून घेतल्यानंतर, हेग स्थित ICJ ने जुलै 2019 मध्ये एक निर्णय दिला ज्यामध्ये पाकिस्तानला जाधव यांना भारताचा वाणिज्य दूत प्रवेश देण्यास आणि त्यांच्या शिक्षेचे पुनरावलोकन सुनिश्चित करण्यास सांगितले.

इस्लामाबाद उच्च न्यायालयाने ऑगस्ट 2020 मध्ये मुख्य न्यायमूर्ती अतहर मिनाल्ला, न्यायमूर्ती अमीर फारूक आणि न्यायमूर्ती मियांगुल हसन औरंगजेब यांच्या तीन सदस्यीय मोठ्या खंडपीठाची स्थापना केली. पाकिस्तानचे अॅटर्नी जनरल खालिद जावेद खान यांचा युक्तिवाद ऐकल्यानंतर न्यायालयाने गुरुवारी भारताला जाधव यांच्यासाठी 13 एप्रिलपर्यंत वकील नियुक्त करण्यास सांगितले.

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha