Operation Sindoor: भारताचं पाकिस्तानवर एअर स्ट्राईक; ऑपरेशन सिंदूरद्वारे कोणकोणते दहशतवादी मारले गेले?, संपूर्ण यादी आली समोर
Operation Sindoor: एअर स्ट्राइकमध्ये अनेक दहशतवादी या एअर स्ट्राइकमध्ये मारले गेले आहेत. यात मसुद अजहरचा भाऊ रऊफ अजगर हा गंभीर जखमी असल्याची माहिती सूत्रांनी दिली.
Operation Sindoor: जम्मू-काश्मीरमधील पहलगाममध्ये झालेल्या भ्याड दहशतवादी हल्ल्याला आणि 26 जणांच्या मृत्यूचा बदला घेत भारताने आज (7 मे) पाकिस्तानच्या 9 दहशतवादी तळांवर एअर स्ट्राइक करत चोख प्रत्युत्तर दिलं. ऑपरेशन सिंदूरच्या (Operation Sindoor) या एअर स्ट्राइकमध्ये अनेक दहशतवादी या एअर स्ट्राइकमध्ये मारले गेले आहेत. यात मसुद अजहरचा भाऊ रऊफ अजगर हा गंभीर जखमी असल्याची माहिती सूत्रांनी दिली. कुख्यात दहशतवादी मसूर अझहरच्या कुटुंबातील 14 जणांचा खात्मा झाला. मुंबईत झालेल्या 26/ 11 च्या हल्ल्याचा सूत्रधार मसूद अजहर (Masood Azhar) असल्याचं सांगितलं जातं. त्यानंतर मसूद अजहरचा अनेक मोठ्या दहशतवादी कारवायांमध्ये सहभाग होता, अशी माहिती समोर आली आहे.
कोणकोणते दहशतवादी मारले गेले
- लश्कर-ए-तैयबाचा महत्वाचा कमांडर खालिद मोहम्मद आलम या हल्ल्यात मारला गेला आहे.
- धर्मांध इस्लामिक धर्मप्रसारक आणि कोटली दहशतवादी शिबिराचा मुख्य कमांडर कारी मोहम्मद इकबाल मारला गेला आहे.
- हिजबुल मुजाहिद्दीनचा मोस्ट वॉन्टेड दहशतवादी मौलाना मसूद अजहर याचा भाऊ आणि भारताचा मोस्ट वॉन्टेड दहशतवादी रऊफ असगर गंभीररित्या जखमी
- मौलाना मसूद अजहर याचा भाऊ आणि भारताचा मोस्ट वॉन्टेड दहशतवादी रऊफ असगरच्या पत्नीचा मृत्यू झाला आहे.
- भारताचा मोस्ट वॉन्टेड दहशतवादी रऊफ असगरचा मुलगा हुजैफा यांचा मृत्यू झाला आहे.
- याशिवाय मौलाना मसूद अजहर याच्या परिवारातील एकूण १४ लोकांचा मृत्यू झाला आहे.
- लष्कर ए तय्यबाचे दहशतवादी वकास आणि हसन यांनाही कंठस्नान घालण्यात आलंय.
- लष्कर ए तय्यबाचा मोस्ट वॉन्टेड अब्दुल मलिक आणि मुदस्सिर यांचा खात्मा केला आहे.
कोण आहे मसूद अजहर?
मौलाना मसूद अजहर हा जैश-ए- मोहम्मद या दहशतवादी संघटनेचा प्रमुख आहे .2019 मध्ये भारतातील पुलवामा येथे झालेल्या दहशतवादी हल्ल्याची जबाबदारी जैश-ए- मोहम्मद या दहशतवादी संघटनेने घेतली होती .पुलवामाच्या हल्ल्यात भारताचे 40 हून अधिक सैनिक शहीद झाले होते .पठाणकोटमधील दहशतवादी हल्ला घडवून आणण्याचा आरोपही मसूद अजहरवर होता . संयुक्त राष्ट्रांनी जागतिक दहशतवादी म्हणून घोषित केलेला जैश ए मोहम्मदचा प्रमुख मसूद अजहर आयएसआयने 2001 मध्ये संसदेवर केलेल्या हल्ल्याचा तसेच पुलवामा हत्याकांडासह भारतावर झालेल्या अनेक दहशतवादी कारवायांचा मास्टरमाइंड आहे .
जैश-ए-मोहम्मद (जेईएम) या बंदी घातलेल्या दहशतवादी संघटनेचा संस्थापक मौलाना मसूद अझहर बहावलपूरमध्ये कडक सुरक्षा असलेल्या परिसरात उघडपणे राहत आहे. 2002 मध्ये जैश-ए-मोहम्मदला अधिकृतपणे बेकायदेशीर घोषित करण्यात आले असले तरी, ही बंदी कागदावरच आहे, कारण हा गट दहशतवादाची प्रशिक्षण शिबिरे चालवतो.
1968 मध्ये बहावलपूर येथे जन्मलेला अझहर एकेकाळी अफगाणिस्तानातील हरकत-उल-मुजाहिदीन (HuM) चा सदस्य आणि धर्मगुरू होता. 1994 मध्ये दहशतवादाच्या आरोपाखाली भारतात अटक करण्यात आली होती, नंतर त्याला सोडण्यात आले आणि जानेवारी 2000 मध्ये कराचीमध्ये त्याने जैश-ए-मोहम्मदची स्थापना केली. कट्टरपंथी देवबंदी विचारसरणीवर आधारित हा गट तेव्हापासून भारतातील अनेक मोठ्या दहशतवादी हल्ल्यांमध्ये सहभागी आहे. ज्यात जम्मू-काश्मीर विधानसभा आणि भारतीय संसदेवरील हल्ले यांचा समावेश आहे.
2019 मध्ये संयुक्त राष्ट्रांनी जागतिक दहशतवादी म्हणून घोषित केलेल्या अझहरला मूत्रपिंडाच्या समस्या असल्याचे सांगितले जाते. त्यामुळे तो सार्वजनिकरित्या कुठेही उपस्थित राहू शकत नाही. जून 2024 मध्ये तो शेवटचा एका लग्नात दिसला होता. त्याचा भाऊ अब्दुल रौफ अझहर आणि वरिष्ठ कार्यकर्ते शाह नवाज खान आणि मौलाना मुफ्ती मोहम्मद असगर हे पाकिस्तान आणि मुझफ्फराबादमध्ये 300 हून अधिक दहशतवादी भरतीसह प्रशिक्षण शिबिरांचे निरीक्षण करतात असे वृत्त आहे. भारतीय सैन्याने 'ऑपरेशन सिंदूर' अंतर्गत मसूद अझहरच्या दहशतवादी अड्ड्यांवर क्षेपणास्त्र हल्ला केला असून यात बहावलपूरमधील त्याचा मदरसा आणि जैशचे मुख्यालय पूर्णपणे उद्ध्वस्त झाले.
पाकिस्तानवर एअर स्ट्राईक, 9 कॅम्प्स उद्धवस्त
(बहावलपूर (02), मुरीदके, मुझफ्फराबाद, कोटली, गुलपूर, भिंबर, चक आमरू, सियालकोट येथे हवाई हल्ले करण्यात आले). या हवाई हल्ल्यात या ठिकाणी असलेले अनेक दहशतवाद्यांचे अड्डे उद्ध्वस्त झाले.
1. बहावलपूर (2): जैश-ए-मोहम्मद मुख्यालय (जिथे 16 एप्रिल रोजी हमास कमांडरचे स्वागत करण्यात आले होते)
2. मुरीदके: लष्कर-ए-तैयबाचे मुख्यालय
3. मुझफ्फराबाद: हिजबुल मुजाहिद्दीनचा तळ
4. कोटली: दहशतवादी तळ
5. गुलपूर: दहशतवादाचे लाँच पॅड
6. भिंबर: दहशतवादाचे लाँच पॅड
7. चक अमरू: टेरर लाँच पॅड
8. सियालकोट: दहशतवादी तळ
महत्त्वाच्या बातम्या
