Coronavirus Updates : कोरोना रुग्ण घटले, मात्र धोका कायम; 21 कोरोनाबाधितांचा मृत्यू
Coronavirus Cases Today : देशात 2 हजार 401 नवीन कोरोना रुग्णांची नोंद झाली असून 21 रुग्णांचा मृत्यू झाला आहे. सध्याची कोरोना आकडेवारी जाणून घ्या.
Coronavirus Cases Today in India : सणासुदीच्या काळात देशातील कोरोनाचा आलेख (India Corona Update) घटताना पाहायला मिळत आहे. ही एक दिलासादायक बाब आहे. देशात कोरोना संसर्गात घट झाली असली तरी कोरोनाचा धोका कायम आहे. केंद्रीय आरोग्य मंत्रालयाच्या (Ministry of Health) आकडेवारीनुसार, देशात 2 हजार 401 नवीन कोरोना रुग्णांची नोंद झाली असून 21 रुग्णांचा मृत्यू झाला आहे. देशात काल 2 हजार 430 नवीन कोरोना रुग्णांची नोंद झाली असून 17 रुग्णांचा (Corona Death) मृत्यू झाला आहे. देशातील कोरोना रुग्णांच्या संख्येत 29 रुग्णांची घट झाली आहे, परंतु उपचाराधीन रुग्णांची संख्या वाढली आहे.
गेल्या 24 तासांत 21 कोरोनाबाधितांचा मृत्यू
एकीकडे देशातील कोरोना विषाणूचा संसर्ग कमी होत असल्याचं चित्रं असलं तरी दुसरीकडे कोरोना रुग्णांच्या मृत्यूच्या संख्येत वाढ झालेली दिसत आहे. गेल्या 24 तासांत देशात 21 रुग्णांचा कोरोना संसर्गामुळे मृत्यू झाला आहे. काल 15 ऑक्टोबर रोजी 17 रुग्णांचा मृत्यू झाला होता. तर त्याआधी 14 ऑक्टोबर रोजी 25 रुग्णांच्या मृत्यूची नोंद झाली होती. कोरोना रुग्णांच्या मृत्यूची ही आकडेवारी चिंताजनक आहे.
With 2,401 fresh cases, India's COVID-19 tally climbs to 4,46,28,828; death toll goes up to 5,28,895: Union health ministry
— Press Trust of India (@PTI_News) October 16, 2022
देशातील सक्रिय रुग्णांची संख्या वाढली
कोरोना रुग्णांच्या मृत्यूप्रमाणे देशातील सक्रिय कोरोना रुग्णांची (Active Cases) संख्याही वाढली आहे. देशात सध्या 26 हजार 625 इतकी झाली आहे. शनिवारी देशात सक्रिय रुग्णांची संख्या 26 हजार 618 इतकी होती. उपचाराधीन रुग्णांच्या संख्येतही किंचिंत वाढ झाली आहे. सध्या देशातील पॉझिटीव्हीटी रेट 0.06 टक्के आहे, तर रुग्ण बरे होण्याचे प्रमाण 98.76 टक्के आहे.
#Unite2FightCorona
— Ministry of Health (@MoHFW_INDIA) October 16, 2022
➡️ 2,401 New Cases reported in last 24 hours. pic.twitter.com/tY0KjqoZrf
कोरोनाचे नवे दोन व्हेरियंट
ओमिक्रॉन दोन नवीन सबव्हेरियंट BF.7 आणि BA.5.1.7 आढळून आले आहेत. हे व्हेरियंट चीनमध्ये आढळले आहेत. कोरोनाचे नवे सबव्हेरियंट ओमिक्रॉनपेक्षा अधिक धोकादायक आणि संसर्गजन्य असल्याचा धोका शास्त्रज्ञांनी व्यक्त केला आहे. त्यातच आता हवामान बदलाचा काळ आहे. त्यामुळे कोरोनाचा संसर्ग वाढण्याचा धोका शास्त्रज्ञांनी व्यक्त केला आहे.
महत्त्वाच्या बातम्या
ट्रेंडिंग न्यूज
