Independence Day 2022 PM Modi Speech : यंदाचं भाषण 1 तास 22 मिनिटं 32 सेकंदांचं; सर्वाधिक वेळ भाषणाचा रेकॉर्ड मोदींच्याच नावे
Independence Day 2022 PM Modi Speech : 1947 साली देश स्वतंत्र झाला तेव्हा तत्कालिन पंतप्रधान पंडित नेहरु यांचं भाषण 72 मिनिटे चाललं त्यानंतर सर्वात लांबलेलं भाषण नरेंद्र मोदी यांचं होतं .
Independence Day 2022 PM Modi Speech : आज देशाचा अमृतमहोत्सवी स्वातंत्र्य दिन... संपूर्ण देशभरात आज स्वातंत्र्याच्या अमृतमहोत्सवाचा जल्लोष आहे. सकाळी साडेसात वाजता पंतप्रधान नरेंद्र मोदींनी (PM Modi) दिल्लीत लाल किल्ल्यावर ध्वजारोहण केलं. यावेळी प्रथमच पहिल्यांदा स्वदेशी तोफांची सलामी देण्यात आली. त्यानंतर पंतप्रधान मोदींनी देशवासियांना संबोधित केलं. मोदींनी आपल्या भाषणाची सुरुवात देशवासियांना स्वातंत्र्यदिनाच्या शुभेच्छा देऊन केली. आतापर्यंत पंतप्रधान मोदींनी लाल किल्ल्यावरून दीड तासांचं भाषण करत सर्वाधिक वेळ भाषण करण्याचा विक्रम आपल्या नावे केला आहे. त्यामुळे यावेळी मोदी पुन्हा सर्वाधिक वेळ भाषण करुन विक्रम करणार का? असा प्रश्न उपस्थित होत होता. अशातच मोंदींनी देशाच्या अमृत महोत्सवी स्वातंत्र्य दिनी 1 तास 22 मिनिटं 32 सेकंदांचं भाषण केलं.
15 ऑगस्टला पंतप्रधान लालकिल्ल्यावरुन देशाला संबोधित करतात. 1947 साली देश स्वतंत्र झाला तेव्हा तत्कालिन पंतप्रधान पंडित नेहरु यांचं भाषण 72 मिनिटं चाललं. त्यानंतर सर्वात लांबलेलं भाषण होतं ते नरेंद्र मोदी यांचं 2016 साली. नरेंद्र मोदी सर्वाधिक 94 मिनिटं बोलले होते. 2014 पासून मोदी लाल किल्ल्यावरील भाषणात तीन वेळा 90 मिनिटं किंवा त्यापेक्षा जास्त वेळ बोलले आहेत. 2017 साली ते सर्वात कमी म्हणजे 56 मिनिटं बोलले होते. तर 2018 मध्ये 83 मिनिटं, 2019 मध्ये 92 मिनिटं, 2020 मध्ये 90 मिनिटं, तर 2021 मध्ये 88 मिनिटांचं भाषण पंतप्रधान मोदींनी केलं.
ल्या काही वर्षात कोणत्या पंतप्रधानांच भाषण किती वेळ चाललं?
| वर्ष | पंतप्रधान | भाषणाचा कालावधी |
| 2002 | अटलबिहारी वाजपेयी | 25 मिनिटं |
| 2003 | अटलबिहारी वाजपेयी | 30 मिनिटं |
| 2004 | मनमोहन सिंह | 45 मिनिटं |
| 2005 | मनमोहन सिंह | 50 मिनिटं |
| 2006 | मनमोहन सिंह | 50 मिनिटं |
| 2007 | मनमोहन सिंह | 40 मिनिटं |
| 2008 | मनमोहन सिंह | 45 मिनिटं |
| 2009 | मनमोहन सिंह | 45 मिनिटं |
| 2010 | मनमोहन सिंह | 35 मिनिटं |
| 2011 | मनमोहन सिंह | 40 मिनिटं |
| 2012 | मनमोहन सिंह | 32 मिनिटं |
| 2013 | मनमोहन सिंह | 35 मिनिटं |
| 2014 | नरेंद्र मोदी | 65 मिनिटं |
| 2015 | नरेंद्र मोदी | 88 मिनिटं |
| 2016 | नरेंद्र मोदी | 94 मिनिटं |
| 2017 | नरेंद्र मोदी | 56 मिनिटं |
| 2018 | नरेंद्र मोदी | 83 मिनिटं |
| 2019 | नरेंद्र मोदी | 92 मिनिटं |
| 2020 | नरेंद्र मोदी | 90 मिनिटं |
| 2021 | नरेंद्र मोदी | 88 मिनिटं |
| 2022 | नरेंद्र मोदी | 82 मिनिटं |
पंतप्रधान मोदी भाषणात काय म्हणाले?
बलिदान देणाऱ्यां प्रति नतमस्तक होण्याची संधी : पंतप्रधान मोदी
भारतातील असा एकही कोपरा नव्हता, असा कोणताही काळ नव्हता, जेव्हा देशवासियांनी शेकडो वर्षे गुलामगिरीविरुद्ध लढा दिला नाही, आपले आयुष्य पणाला लावलं नाही, यातना सहन केल्या नाहीत, बलिदान दिलं नाही. आज सर्व देशवासियांना अशा प्रत्येक महापुरुषाला, प्रत्येक बलिदानाला आणि त्याग करणाऱ्या प्रति नतमस्तक होण्याची संधी आहे, असं पंतप्रधान नरेंद्र मोदी यांनी म्हटलं आहे.
'मेड इन इंडिया' मोहिमेला चालना
देशाला आत्मनिर्भर बनण्याची गरज आहे, असं पंतप्रधानांनी म्हटलं आहे. मेड इन इंडिया मोहिमेला चालना मिळाली आहे. यंदा स्वातंत्र्याच्या 75 व्या वर्षपूर्ती वेळी स्वदेशी 21 तोफांची सलामी देण्यात आली. आत्मनिर्भर भारत योजनेचा उद्देश जगाला भारताची ताकद दाखवणं आहे. जागतिक बाजारात स्वदेशीला स्थान मिळवून देणं आपलं ध्येय असेल.', असंही पंतप्रधानांनी म्हटलं आहे.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
