Ghulam Haider: पहलगाम दहशतवादी हल्ल्यानंतर चले जावच्या आदेशाने सीमा हैदर भारतात अडचणीत; पहिला पाकिस्तानी पती काय म्हणाला?
Ghulam Haider: सीमा हैदरच्या पतीने पहलगाम हल्ल्याचा निषेध केला पण कोणत्याही पुराव्याशिवाय पाकिस्तानवर आरोप केले जात असल्याचे म्हटलं आहे.
Ghulam Haider: पाकिस्तानातून आपल्या प्रियकरासाठी भारतात आलेल्या सीमा हैदरच्या पतीने आता आपल्या मुलांना पाकिस्तानात परत पाठवण्याची मागणी केली आहे. सध्या सीमा हैदर ग्रेटर नोएडाच्या राबुपुरा येथे तिचा प्रियकर सचिन मीनासोबत राहते. पाकिस्तानी सीमा हैदरचा पहिला पती गुलाम हैदरने पुन्हा एकदा आपल्या मुलांना पाकिस्तानात परत पाठवण्याची मागणी केली आहे. पहलगाम हल्ल्यानंतर पाकिस्तानी नागरिकांना हद्दपार करण्यात येत असताना, गुलाम हैदरने म्हटलं आहे की, भारताने व्हिसा घेऊन गेलेल्यांना परत जाण्यास सांगितले आहे. परंतु बेकायदेशीरपणे सीमेवर प्रवेश करणाऱ्यांवर कोणतीही कारवाई केली जात नाही. हैदरने त्याची मुलेही पाकिस्तानी आहेत आणि त्यांनाही हद्दपार केले पाहिजे. सीमा हैदरच्या पतीने पहलगाम हल्ल्याचा निषेध केला पण कोणत्याही पुराव्याशिवाय पाकिस्तानवर आरोप केले जात असल्याचे म्हटलं आहे.
गुलाम हैदर यानी त्याच्या यूट्यूब चॅनलवर 37 मिनिटांचा व्हिडिओ बनवला आहे. पुन्हा एकदा सीमा हैदरला तुरुंगात टाकण्याची आणि त्याच्या मुलांना परत पाठवण्याची मागणी केली आहे. पहलगाम हल्ल्यानंतर भारत सरकारने पाकिस्तानी नागरिकांचे व्हिसा रद्द करण्याच्या निर्णयाचा उल्लेख करताना ते म्हणाले, 'मोदी सरकारने आता जे केले आहे ते म्हणजे पाकिस्तानी नागरिकांना परत जाण्यास सांगणे, हा दोन्ही देशांमधील विषय आहे. त्यांचे एकमेकांशी पटत नाही. मी मोदीजी आणि जयशंकरजींना सांगू इच्छितो की सीमा हैदर देखील तिच्या चार मुलांसह तिथे बेकायदेशीरपणे घुसली आहे. सीमा हैदरला सर्वात कठोर शिक्षा झाली पाहिजे. चारही मुले निर्दोष आहेत, ती पाकिस्तानी नागरिक आहेत. त्यांना परत पाठवले पाहिजे, असंही त्याने म्हटलं आहे.
'मग त्याने व्हिसाशिवाय भारतात प्रवेश करावा'
गुलाम हैदरने पुढे म्हटलं आहे की, काम आणि व्यवसायासाठी व्हिसावर भारतात गेलेल्या पाकिस्तानी नागरिकांना 48 तासांच्या आत देश सोडण्यास सांगण्यात आले आहे. पण व्हिसाशिवाय बेकायदेशीरपणे सीमेवर प्रवेश करणाऱ्यांना सोडले जात आहे. यामुळे असा संदेश जाईल की व्हिसाशिवाय भारतात प्रवेश करणे चांगले. जर तुम्ही व्हिसाशिवाय गेलात तर मीडिया तुमच्याशी बोलेल आणि तुम्हाला चांगल्या प्रकारे ठेवले जाईल. गुलाम हैदर यानी असेही म्हटले आहे की, जर त्याच्या चार मुलांना भारतीय नागरिकत्व दिले जात असेल तर सर्वप्रथम मुलांचे वडील गुलाम हैदरला नागरिकत्व मिळाले पाहिजे.
पहलगाम हल्ल्याबद्दल गुलाम हैदर यानी दुःख व्यक्त केले. पण त्याच वेळी पाकिस्तानचा बचाव केला आहे. तो म्हणाला, 'आम्हालाही दुःख आणि पश्चात्ताप झाला.' कोणी कोणाची हत्या केली याचा तपास झाला पाहिजे. कोणी मारले हे आम्ही सांगत नाही.कोणत्याही पुराव्याशिवाय विधाने करणे योग्य नाही. जेव्हा तुमच्याकडे पुरावेच नाहीत तेव्हा तुम्ही पाकिस्तानला दोष कसा देऊ शकता? दोन्ही देशांमधील बंधुता बिघडवण्यास भारतीय मीडिया जबाबदार आहे. असे आरोप करणे चांगले नाही. हल्ला कोणी आणि कसा केला हे आम्हाला माहित नाही. दोन मिनिटांत, कोणताही पुरावा नसतानाही पाकिस्तानवर दोषारोप केला जातो. काहीही न करता. सगळे म्हणतात. जोपर्यंत गोष्टी उघडकीस येत नाहीत तोपर्यंत कोणीही असा कोणताही निर्णय घेऊ नये ज्यामुळे कोणाचेही नुकसान होऊ शकेल. तुम्ही तुमचा भाऊबंदकी संपवू नये, असंही त्याने पुढे म्हटलं आहे.
महत्त्वाच्या बातम्या
