Friendship Day 2023 : मैत्री दिन 30 जुलै की 6 ऑगस्ट? जाणून घ्या नेमका कधी आहे 'फ्रेंडशिप डे'
Friendship Day 2023 : मैत्री दिन हा आपल्या मित्र-मैत्रीणींप्रती प्रेम, आदर आणि भावना व्यक्त करणारा दिवस आहे.
National Friendship Day 2023 : मैत्री दिन हा आपल्या मित्र-मैत्रीणींप्रती प्रेम, आदर आणि भावना व्यक्त करणारा दिवस आहे. प्रत्येकाची हा दिवस साजरा करण्याची पद्धत वेगवेगळी असते. काही जण या दिवशी आपल्या मित्रांना शुभेच्छा देतात तर काही गिफ्ट्स, फ्रेंडशिप बॅंड बांंधून हा दिवस साजरा करतात. एकूणच काय तर आपल्या मित्रांप्रती प्रेम व्यक्त करणारा हा दिवस सगळेच आनंदात साजरा करतात. मात्र, असे असले तरी मैत्री दिनाच्या बाबतीत अनेकांचे गैरसमज आहेत की हा दिवस नेमका कधी साजरा केला जातो. याच संदर्भात अधिक माहिती जाणून घेऊयात.
फ्रेंडशिप डे नेमका कधी साजरा करतात?
खरंतर मैत्री दिन हा प्रत्येकाच्या आयुष्यातील एक महत्त्वाचा आणि खास दिवस असतो. खरंतर, मैत्री दिन हा कोणत्याही एका तारखेपुरता मर्यादित नसतो. हा दिवस मैत्रीमधील प्रेमाचं नातं व्यक्त करणारा दिवस आहे. मैत्री दिन हा जागतिक स्तरावर 30 जुलै म्हणजेच आज (International Friendship Day) रोजी साजरा केला जातोय. तर भारतासह इतर देशांमध्ये ऑगस्ट महिन्याच्या पहिल्या रविवारी 6 ऑगस्ट रोजी (National Friendship Day) साजरा केला जातो.
मैत्री दिन हा आपल्या मित्र-मैत्रीणींप्रती प्रेम, आदर आणि भावना व्यक्त करणारा दिवस आहे. मैत्री दिन हा मैत्रीचं महत्त्व अधोरेखित करणारा दिवस आहे. हा दिवस प्रत्येकजण मित्रांना शुभेच्छा, भेटवस्तू देऊन साजरा करतात.
इ.स. 1958 पासून पेरुग्वेमध्ये सुरू झालेला हा जागतिक मैत्री दिन उपक्रम दक्षिण अमेरिकेतील बहुतांशी देशात आवर्जून साजरा केला जातो. या दिवशी मित्र- मैत्रिणी परस्परांना मैत्री दिनाच्या शुभेच्छा देतात. तसेच, हाताला रंगीत फ्रेंडशिप बॅंड्स बांधतात. फुलं देतात, अनेक गिफ्ट्सही देऊन शुभेच्छा देतात.
मैत्री म्हणजे प्रेम, आपुलकी, आनंद, समाधान आणि बरंच काही. मैत्री हे रक्ताच्या नात्याहूनही अधिक घट्ट असते. मैत्रीचे नात्यात जात, धर्म, वंश, वर्ण अशा प्रकारचे अडथळे कधीही येत नाहीत. भारतात मैत्रीच्या नात्याला एक खास असं स्थान आहे. म्हणूनच मैत्रीच्या नात्यावर बॉलिवूडमध्ये अनेक चित्रपट आणि हिट गाणी तयार झालेली आहेत.
'फ्रेन्डशीप डे' चा इतिहास
भारतामध्ये ऑगस्टच्या पहिल्या आठवड्यात जरी फ्रेंडशिप डे साजरा करण्यात येत असला तरी जागतिक स्तरावर तो 30 जुलैला साजरा करण्यात येतोय. युनायटेड नेशन्सनी 2011 साली आपल्या 65 व्या सेशनमध्ये 30 जुलै हा फ्रेन्डशीप डे म्हणून साजरा करण्याची घोषणा केली होती.
आंतरराष्ट्रीय स्तरावर फ्रेंडशिप डे ची सुरुवात ही 1958 साली झाली असं सांगण्यात येतंय. जॉय हॉल या नावाच्या व्यक्तीचा हॉलमार्क कार्ड्स चा व्यवसाय होता. लोकांनी फ्रेंडशिप डे साजरा करुन आपल्या मैत्रीच्या नात्याला अधिक घट्ट करावं अशी त्याची इच्छा होती. त्यातूनच त्याने फ्रेंडशिप डे साजरा करायला सुरवात केली.
जागतिक स्तरावर आज फ्रेंडशिप डे साजरा केला जातो. मात्र, भारतात हा दिवस ऑगस्टच्या पहिल्या आठवड्यात साजरा केला जातो. मैत्रीचा दिवस हा कधीही साजरा केला जात असला तरी मात्र, आपल्या मित्र-मैत्रीणींवरील मैत्रीची साक्ष देणारा हा दिवस प्रत्येकासाठी खासच असतो.
महत्त्वाच्या बातम्या :
Before You Go
Raj Thackeray Special Report : मुंबई-गोवा महामार्गावरुन राज ठाकरेंचे सरकारला खडेसवाल : ABP Majha
महत्त्वाच्या बातम्या
