Dehradun Shatabdi Express Fire : दिल्लीहून देहरादूनला जाणाऱ्या शताब्दी एक्स्प्रेसला आग; कोणतीही जीवितहानी नाही
शॉर्टसर्किटमुळे दिल्ली-देहरादून शताब्दी एक्सप्रेस ट्रेनच्या बोगीला आग लागली. उत्तराखंडचे मुख्यमंत्री तीरथ सिंग रावत यांनी ट्विट केले की कोणतीही जीवितहानी झाली नसून सर्व प्रवासी सुरक्षित आहेत.
नवी दिल्ली : दिल्लीहून देहरादूनला जाणाऱ्या दिल्ली-देहरादून शताब्दी एक्सप्रेसच्या बोगीला आग लागली. ही ट्रेन रायवाला ते देहरादून जात असताना कांसरो स्थानकाजवळ ही घटना घडली. राजाजी व्याघ्र प्रकल्पाच्या मुख्य भागात कांसरो स्टेशन येते. ज्या डब्यात आग लागली त्या कोचला वेगळं करण्यात आलं. या घटनेत अद्याप कोणतीही जीवितहानी झाली नाही.
मिळालेल्या माहितीनुसार ही आग शॉर्टसर्किटमुळे लागली. या घटनेनंतर रेल्वेमध्ये गोंधळ उडाला. घटनास्थळावर कांसरो रेंजमधील रेंजर व त्यांच्या कर्मचाऱ्यांनी तातडीने घटनास्थळी जाऊन बचावकार्य सुरू केले. ज्वालांनी वेढलेली बोगी मुख्य रेल्वेपासून वेगळी करण्यात आली.
A fire broke out in the C4 compartment of the Delhi-Dehradun Shatabdi Express today, due to a short circuit. The incident happened near Kansro. All passengers were safely evacuated, no injuries reported: Uttarakhand DGP Ashok Kumar pic.twitter.com/iTIwSkxCWS
— ANI (@ANI) March 13, 2021
उत्तराखंडचे डीजीपी अशोक कुमार यांनी सांगितले की आग लागलेल्या दिल्ली-देहरादून शताब्दी एक्सप्रेसच्या सी -4 डब्यात लागलेल्या आगीवर नियंत्रण मिळवण्यात यश आले आहे. सर्व प्रवासी सुरक्षित असून शताब्दी एक्स्प्रेस देहरादून स्थानकात दाखल झाली आहे.
दिल्ली से देहरादून जा रही शताब्दी एक्सप्रेस के एक कोच में राजाजी टाइगर रिजर्व की कांसरो रेंज के पास आग लगने का समाचार मिला। भगवान बद्री विशाल और बाबा केदार की कृपा से घटना में किसी के भी हताहत होने की सूचना नहीं है। सभी यात्री सुरक्षित हैं।
— Tirath Singh Rawat (@TIRATHSRAWAT) March 13, 2021
उत्तराखंडचे मुख्यमंत्री तीरथ सिंग रावत म्हणाले की, "दिल्लीहून देहरादूनला जाणाऱ्या शताब्दी एक्स्प्रेसच्या एका डब्यात राजाजी व्याघ्र प्रकल्पाच्या कांसरो रेंजजवळ आग लागल्याची माहिती मिळाली. भगवान बद्री विशाल आणि बाबा केदार यांच्या कृपेने कोणीतीही जीवितहानी या घटनेत झाली नाही. सर्व प्रवासी सुखरुप आहेत."
महत्त्वाच्या बातम्या
