CRPF Raising Day : सीआरपीएफच्या 83 व्या स्थापना दिनाचा उत्साह, गृहमंत्री अमित शाहांनी वाढवलं जवानांचं मनोबल

CRPF Raising Day : सीआरपीएफच्या 83 व्या स्थापना दिनानिमित्त गृहमंत्री अमित शाह यांनी जवानांना संबोधित केले. त्यांनी सांगितले की, सीआरपीएफची वार्षिक परेड देशाच्या विविध भागात साजरी करण्याचा निर्णय भारत सरकारने घेतला आहे.

CRPF Raising Day

CRPF Raising Day : आज केंद्रीय राखीव पोलीस दलाचा (CRPF) 83 वा स्थापना दिवस साजरा केला जात आहे. या निमित्त जम्मू आणि काश्मीरमधील मौलाना आझाद स्टेडियममध्ये कार्यक्रम आयोजित करण्यात आला. या कार्यक्रमात देशाचे गृहमंत्री अमित शाह (Amit Shah) सहभागी झाले. जवानांना संबोधित करताना गृहमंत्री शाह म्हणाले की, 2014 मध्ये नरेंद्र मोदी भारताचे पंतप्रधान झाल्यानंतर जम्मू-काश्मीरमधील परिस्थिती सुधारली आहे.

जम्मू-कश्मीरमधील सर्वात मोठे यश म्हणजे आपल्या सैन्याने राज्यातील दहशतवादावर नियंत्रण मिळविण्यात मिळवलेले मोठे यश. या कार्यक्रमात परेडचे निरीक्षण केल्यानंतर तेथे उपस्थित सैनिक आणि अधिकाऱ्यांना संबोधित केले. यावेळी गृहमंत्र्यांनी सांगितले की, सीआरपीएफची वार्षिक परेड देशाच्या विविध भागात साजरी करण्याचा निर्णय भारत सरकारने घेतला आहे. देशाच्या आणि सीमांच्या सुरक्षेसाठी कार्यरत असलेले सैनिक देशाच्या विविध भागात जाऊन जनतेशी जिव्हाळ्याचे नाते निर्माण करणे हा त्यामागचा उद्देश आहे.

Union Home Minister and Minister of Cooperation Sh. @AmitShah takes salute of the splendid 83rd #CRPFDay parade at the Maulana Azad Stadium, Jammu. It is for the first time that the #CRPFDay parade is being held outside Delhi. pic.twitter.com/vR1ItLCpUA

— 🇮🇳CRPF🇮🇳 (@crpfindia) March 19, 2022

 

केंद्रीय गृहमंत्री अमित शाह यांनी जवानांना सांगितले की, 'निवडणुका हा लोकशाहीचा सण आहे आणि निष्पक्ष निवडणुका हा लोकशाही देशाचा आत्मा आहे. भारतात जेव्हा जेव्हा लोकसभा किंवा विधानसभेच्या निवडणुका होतात तेव्हा देशभरात शांततेत निवडणुका पार पाडण्यासाठी CRPF महत्त्वाची भूमिका बजावते. सीआरपीएफने भारतातील नागरिकांना सुरक्षा आणि सुरक्षिततेची भावना देण्यासाठी दीर्घकाळापासून काम केले आहे. देशातील बिकट परिस्थितीत सीआरपीएफ जवानांमुळे नागरिकांनी सुटकेचा नि:श्वास सोडला आहे.'

महत्त्वाच्या इतर बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha