Coronavirus : देशात गेल्या 24 तासांत 291 नव्या रूग्णांची नोंद; सर्वाधिक प्रभावित देशांमध्ये भारत 'या' क्रमांकावर

Coronavirus In India : एका दिवसात 291 नवीन कोरोना व्हायरस रुग्णांची वाढ झाली असून, भारतातील COVID-19 ची संख्या 4,46,72,638 वर पोहोचली आहे.

Coronavirus In India records 291 Covid cases

Coronavirus In India : भारतात (India) गेल्या 24 तासांत कोरोना विषाणू संसर्गाच्या (Coronavirus) 291 नवीन रुग्णांची नोंद समोर आल्यानंतर, देशात आतापर्यंत संक्रमित लोकांची संख्या 4,46,72,638 झाली आहे, गुरूवारी सकाळी केंद्रीय आरोग्य मंत्रालयाने (Ministry of Health) जारी केलेल्या आकडेवारीनुसार, गेल्या 24 तासांत संसर्गामुळे आणखी दोन रुग्णांचा मृत्यू झाल्याने मृतांची संख्या 5,30,622 वर पोहचली आहे. जागतिक स्तरावर सर्वाधिक प्रभावित देशांमध्ये भारत देश ऐंशीव्या क्रमांकावर आहे.

 

 

Single day rise of 291 new coronavirus infections push India's COVID-19 tally to 4,46,72,638, death toll climbs to 5,30,622:Govt

— Press Trust of India (@PTI_News) December 1, 2022

आज बरे झालेल्या 377 रुग्णांची नोंद
30 नोव्हेंबर रोजी एकूण 66,194 लोकांचे कोविड-19 लसीकरण करण्यात आले असून, भारतात लसीकरण झालेल्यांची एकूण संख्या 2,199,276,276 वर पोहोचली आहे. दरम्यान, भारतात बरे झालेल्या रुग्णांची संख्या 44,137,249 असून 1 डिसेंबर 2022 रोजी बरे झालेल्या 377 रुग्णांची नोंद झाली आहे.

• गेल्या 7 दिवसात भारतात 2,155 कोरोना रुग्णांची नोंद आहे.
• भारताने आतापर्यंत 2,199,276,276 लसीचे डोस दिले आहेत.
• 30 नोव्हेंबरच्या तुलनेत 1 डिसेंबर रोजी संपूर्ण भारतात सक्रिय रुग्णांची संख्या 88 ने कमी झाली.
• भारतात कोरोना पासून बरे झालेल्यांचा दर 98.80% आहे, तर मृत्यू दर 1.19% आहे.

2020 मध्ये देशात एक कोटींचा आकडा पार

19 डिसेंबर 2020 रोजी या कोरोना रुग्णसंख्येने देशात एक कोटींचा आकडा पार केला होता. तर 4 मे 2021 रोजी कोरोना बाधितांची संख्या दोन कोटींच्या पुढे गेली होती. 23 जून 2021 रोजी ती तीन कोटींच्या पुढे गेली होती. यावर्षी 25 जानेवारी रोजी कोरोना संसर्गाची एकूण रुग्णसंख्या चार कोटींच्या पुढे गेली होती.

पाच सर्वाधिक कोरोना प्रभावित राज्ये
महाराष्ट्र - 8135800
केरळ - 6826290 
कर्नाटक -4071268 
तामिळनाडू -3594144 
आंध्र प्रदेश - 2339054

सर्वाधिक सक्रिय रुग्णसंख्या असलेली पाच राज्ये
केरळ - 1653 
कर्नाटक -1619
महाराष्ट्र -395
गुजरात -199
तामिळनाडू -199 

या पाच राज्यांमध्ये सर्वाधिक मृत्यू
महाराष्ट्र -148407 
केरळ -71497
कर्नाटक -40303 
तामिळनाडू -38049 
दिल्ली -26518  

इतर महत्वाच्या बातम्या