Coronavirus Cases Today : देशात गेल्या 24 तासांत कोरोनाचे 5476 नवे कोरोनाबाधित, 158 जणांचा मृत्यू

Coronavirus Cases Today in India : गेल्या 24 तासांत देशात कोरोनाचे 5 हजार 476 नवीन रुग्ण आढळले असून 158 जणांचा मृत्यू झाला आहे. काल 5 हजार 921 प्रकरणे आणि 289 मृत्यूची नोंद झाली.

Coronavirus Cases Today

Coronavirus Cases Today in India : देशात आजही कोरोना विषाणूच्या रुग्णांमध्ये थोडी घट झाली आहे. गेल्या 24 तासांत देशात कोरोनाचे 5 हजार 476 नवीन रुग्ण आढळले असून 158 जणांचा मृत्यू झाला आहे. काल 5 हजार 921 प्रकरणे आणि 289 मृत्यूची नोंद झाली. म्हणजेच कालच्या तुलनेत आज रुग्णांची संख्या कमी झाली आहे. जाणून घ्या देशातील कोरोनाची ताजी स्थिती काय आहे.

सक्रिय प्रकरणांची संख्या 59 हजार 442 इतकी कमी

केंद्रीय आरोग्य मंत्रालयाने जारी केलेल्या आकडेवारीनुसार, शनिवारी दिवसभरात देशात 13 हजार 450 लोक बरे झाले होते. त्यानंतर सक्रिय प्रकरणांची संख्या 59 हजार 442 इतकी झाली आहे. त्याचबरोबर कोरोनामुळे जीव गमावणाऱ्या रुग्णांची संख्या 5 लाख 15 हजार 36 झाली आहे. आकडेवारीनुसार, आतापर्यंत 4 कोटी 23 लाख 88 हजार 475 लोक संसर्गमुक्त झाले आहेत.

आतापर्यंत सुमारे 178 कोटी डोस देण्यात आले

देशव्यापी लसीकरण मोहिमेअंतर्गत आतापर्यंत सुमारे 178 कोटी कोरोना प्रतिबंधात्मक लसींचे डोस देण्यात आले आहेत. शनिवारी दिवसभरात 26 लाख 19 हजार 778 डोस देण्यात आले, त्यानंतर आतापर्यंत 178 कोटी 83 लाख 79 हजार 249 डोस लसीचे डोस देण्यात आले आहेत. केंद्रीय आरोग्य मंत्रालयाच्या म्हणण्यानुसार, आरोग्य कर्मचारी, कोरोना योद्धा आणि इतर आजारांनी ग्रस्त असलेल्या 60 वर्षांपेक्षा जास्त वयाच्या लोकांना दोन कोटींहून अधिक प्रतिबंधात्मक लसी देण्यात आल्या आहेत. देशात कोविड विरोधी लसीकरण मोहीम 16 जानेवारी 2021 पासून सुरू झाली आणि पहिल्या टप्प्यात आरोग्य कर्मचाऱ्यांना लसीकरण करण्यात आले. 

महत्त्वाच्या इतर बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha