Coronavirus Cases Today : देशात कोरोनाची तिसरी लाट ओसरतेय, गेल्या 24 तासांत एक लाख 7 हजार नवे रुग्ण, 865 बाधितांचा मृत्यू

Coronavirus Cases Today in India : जगभरात 39.41 कोटींहून अधिक लोकांना कोरोना महामारीची लागण झाली आहे. यापैकी 4.21 कोटी लोक भारतातील आहेत.

Coronavirus Cases Today in India

Coronavirus Cases Today in India : देशात आज प्राणघातक कोरोना विषाणूच्या रुग्णांची संख्या कालच्या तुलनेत कमी झाली आहे. गेल्या 24 तासांत कोरोनाचे 1 लाख 7 हजार 474 नवे रुग्ण आढळून आले असून 865 जणांचा मृत्यू झाला आहे. कालच्या तुलनेत आज कोरोनाचे कमी रुग्ण आढळले आहेत. काल एक लाख 27 हजार 952 केसेस आल्या. देशातील सकारात्मकतेचे प्रमाण सुमारे आठ टक्के आहे. जाणून घ्या देशातील कोरोनाची ताजी स्थिती काय आहे.

सक्रिय प्रकरणांची संख्या 12 लाख 25 हजारांवर 
केंद्रीय आरोग्य मंत्रालयाने जारी केलेल्या आकडेवारीनुसार, सध्या देशातील सक्रिय रुग्णांची संख्या 12 लाख 25 हजार 11 इतकी झाली आहे. त्याचबरोबर कोरोनाच्या साथीमुळे प्राण गमावणाऱ्यांची संख्या 5 लाख 1 हजार 979 झाली आहे. आकडेवारीनुसार, काल दोन लाख 13 हजार 246 लोक बरे झाले, त्यानंतर 4 कोटी 4 लाख 61 हजार 148 लोक संसर्गमुक्त झाले आहेत.

Koo App

COVID19 Update | 6 February 2022 🔹169.46 cr vaccine doses have been administered so far under Nationwide Vaccination Drive 🔹Recovery Rate currently at 95.91% 🔹2,13,246 recoveries in the last 24 hours increases Total Recoveries to 4,04,61,148

View attached media content

- Prasar Bharati News Services (@pbns_india) 6 Feb 2022

 

आतापर्यंत सुमारे 169 कोटी डोस देण्यात आले
देशव्यापी लसीकरण मोहिमेअंतर्गत आतापर्यंत 169 कोटींहून अधिक कोरोना प्रतिबंधक लसींचे डोस देण्यात आले आहेत. शनिवारी दिवसभरात 45 लाख 10 हजार 770 डोस देण्यात आले. तर, आतापर्यंत लसीचे 169 कोटी 46 लाख 26 हजार 698 डोस देण्यात आले आहेत.

संबंधित बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha