Corona India Update | देशभरात कोरोनाबाधितांचा आकडा सव्वा लाखांवर, 51 हजारांहून अधिक कोरोनामुक्त

कोरोना व्हायरसच्या संकटापुढे संपूर्ण जग हतबल झालं आहे. भारतात देखील याचा प्रादुर्भाव वाढतोय. भारतात कोरोनाबाधितांचा आकडा 1 लाख 25 हजारांवर गेला आहे. दिलासादायक बाब म्हणजे भारतात 51 हजारांहून अधिक रुग्ण बरे झाले आहेत.देशातील कुठल्या राज्यात कोरोनाची काय स्थिती आहे? जाणून घ्या...

संग्रहीत छायाचित्र

मुंबई : देशात कोरोनाबाधित रुग्णांची संख्या सातत्याने वाढत आहे. मागील 24 तासात 6 हजार 654 जणांना कोरोनाची लागण झाल्याचं समोर आलं आहे. तर 137 जणांचा मृत्यू झाला आहे. आरोग्य मंत्रालयाच्या ताज्या आकडेवारीनुसार देशात आता कोरोनाबाधित रुग्णांची संख्या 1 लाख 25 हजार 101  झाली आहे. त्यापैकी 3 हजार 720 जणांचा मृत्यू झाला आहे. तर 51 हजार 784 जण कोरोनामुक्त होऊन घरी परतले आहेत. म्हणजेच देशाचा रिकव्हरी रेट 41.39 टक्के आहे. सध्या देशात कोरोनाची लागण असलेले म्हणजेच अॅक्टिव्ह रुग्ण  69 हजार 597  आहेत. देशभरात सर्वाधिक कोरोना रुग्णसंख्या महाराष्ट्रात आहेत. महाराष्ट्रात काल 2940 कोरोनाबाधितांची वाढ झाली. दिलासादायक म्हणजे 857 रुग्ण बरे झाले आहेत. राज्यात सध्या कोरोनाबाधितांचा आकडा 44 हजार 642 झाला आहे. त्यातील 12 हजार 583 बरे झाले आहेत. महाराष्ट्राचा रिकव्हरी रेट 28.18 टक्के आहे. तर राज्यात आतापर्यंत 1 हजार 517 जण मृत्यूमुखी पडले आहेत. मुंबईत 27 हजार 251 कोरोनाबाधित सापडले आहेत त्यातील 882 जणांचा बळी गेले आहेत.

 विविध राज्यातील कोरोना रुग्णांची संख्या

केरळमध्ये 732 रुग्ण त्यातील 512 बरे झाले. 4 मृत, रिकव्हरी रेट 69.94 टक्के. गेल्या दहाबारा दिवसात केरळमध्ये रुग्णांची संख्या हळूहळू वाढतेय त्यामुळे रिकव्हरी रेट 94 टक्क्यांवरुन 70 टक्क्यांवर आला आहे.

महाराष्ट्रा खालोखाल महत्वाची टॉप सात राज्य 

तामिळनाडू 14753 रुग्ण,  7128 बरे झाले, मृतांचा आकडा 98, रिकव्हरी रेट  48.31 टक्के

गुजरात  13238 रुग्ण, 5880 बरे झाले,  मृतांचा आकडा 802, रिकव्हरी रेट  44.41 टक्के

दिल्ली  12319 रुग्ण, 5897 बरे झाले, मृतांचा आकडा 208, रिकव्हरी रेट  47.86 टक्के

राजस्थान  6494 रुग्ण, 3680 बरे झाले, मृतांचा आकडा 153 , रिकव्हरी रेट  56.66 टक्के

मध्यप्रदेश 6170 रुग्ण, 3089 बरे झाले, मृतांचा आकडा 272, रिकव्हरी रेट  50.06टक्के

उत्तरप्रदेश 5735 रुग्ण, 3238 बरे झाले, मृतांचा आकडा 152, रिकव्हरी रेट 56.46टक्के

पश्चिम बंगाल 3332 रुग्ण, 1221 बरे झाले , मृतांचा आकडा 265, रिकव्हरी रेट  36.64 टक्के

जगभरात  कोरोनाचा कहर सुरुच 

जगभरातील 213 देशांमध्ये कोरोनाचा कहर सुरुच आहे. जगभरात कोरोनाचे 53 लाखांहून अधिक रुग्ण झाले आहेत. मागील 24 तासात जगातील 213 देशांमध्ये 107,706 नवीन कोरोना केसेस समोर आल्या आहेत तर कोरोनामुळं 5,245 बळी गेले आहेत. वर्ल्डोमीटरच्या आकडेवारीनुसार जगभरात जीवघेण्या कोरोना व्हायरसची लागण 5,303,715 लोकांना झाली असून आतापर्यंत मृत्यूंची संख्या 3 लाख 39 हजार 418 वर पोहोचली आहे. दिलासादायक बाब म्हणजे जगभरात  21 लाख 56 हजार 288 रुग्ण बरे झाले आहेत. जगातील 75 टक्के कोरोनाबाधित हे केवळ बारा देशांमध्येच आहेत. या बारा देशांमध्ये कोरोनाबाधितांचा आकडा 40 लाखांच्या घरात आहे.

कोणत्या देशात किती कोरोनाबाधित

• अमेरिका: कोरोनाबाधित- 1,645,084, मृत्यू- 97,640
• ब्राझील: कोरोनाबाधित- 330,890, मृत्यू- 21,048
• रशिया: कोरोनाबाधित- 326,448, मृत्यू- 3,249
• स्पेन: कोरोनाबाधित- 281,904, मृत्यू- 28,628
• यूके: कोरोनाबाधित- 254,195, मृत्यू- 36,393
• इटली: कोरोनाबाधित- 228,658, मृत्यू- 32,616
• फ्रांस: कोरोनाबाधित- 182,219, मृत्यू- 28,289
• जर्मनी: कोरोनाबाधित- 179,713, मृत्यू- 8,352
• टर्की: कोरोनाबाधित- 154,500, मृत्यू- 4,276
• इरान: कोरोनाबाधित - 131,652, मृत्यू- 7,300

12 देशांमध्ये प्रत्येकी एक लाखांहून अधिक कोरोनाबाधित

अमेरिका, जर्मनी,स्पेन, फ्रांस, टर्की, इराण, रशिया, ब्राझिल, यूके, इटली, भारत आणि पेरु हे बारा देश असे आहेत ज्या देशांमध्ये कोरोना बाधितांचा आकडा हा एक लाखांच्या वर गेला आहे. तर अमेरिका, स्पेन, इटली, फ्रांस, ब्रिटन या पाच देशांमध्ये 25 हजारांहून अधिक लोकांचा मृत्यू कोरानामुळं झाला आहे. एकट्या अमेरिकेत हा आकडा 97 हजारांवर गेला आहे.