Coronavirus Update : देशात कोरोनाची तिसरी लाट शिगेला? काय म्हणाले केंद्रीय आरोग्य मंत्रालय : वाचा सविस्तर
Coronavirus Update : सध्या महाराष्ट्र, उत्तर प्रदेश, दिल्ली आणि हरियाणामध्ये कोरोनारुग्ण कमी नोंदवले जात आहेत. केंद्रीय आरोग्य मंत्रालयाचे म्हणणे आहे की, तिसरी लाट शिगेला पोहोचली आहे, असे म्हणणे चूकीचं आहे.
Coronavirus Update : देशात कोरोना संसर्ग सुरुच आहे. देशात गुरुवारी 22 लाखांहून अधिक सक्रिय रुग्ण नोंदवले गेली, तर कोरोना रुग्ण सकारात्मकतेचा दर 17.75 टक्के इतका आहे. दरम्यान, केंद्रीय आरोग्य मंत्रालयाने म्हटले आहे की, काही राज्यांमध्ये जेथे कोरोना रुग्ण आणि पॉझिटिव्ह दर खूप जास्त होते, त्यामध्ये घट झाली आहे, परंतु अजूनही काही राज्यांमध्ये कोरोनाचा संसर्ग वाढत आहेत. त्यामुळेच कोरोनाची तिसरी लाट शिगेला पोहोचली आहे, असे म्हणणे योग्य नाही. केंद्रीय आरोग्य मंत्रालयाने जारी केलेल्या आकडेवारीनुसार, महाराष्ट्र, उत्तर प्रदेश, दिल्ली, हरियाणामधील नवीन प्रकरणांव्यतिरिक्त, रुग्ण सकारात्मकता दरामध्येही घट झाली आहे.
महाराष्ट्र, यूपी, दिल्ली आणि हरियाणामध्ये कोरोना संसर्गाचा वेग कमी
- महाराष्ट्रात गेल्या आठवड्यात या आठवड्यात एकूण 2,79,356 नवीन रुग्ण आढळले आहेत.
- महाराष्ट्रातील सकारात्मकता दर 23.7 टक्क्यांवरून 23.3 टक्क्यांवर आला आहे.
- उत्तर प्रदेशात गेल्या आठवड्यात 1,11,507 नवीन रुग्ण आढळले होते जे आता 98211 वर आले आहेत.
- उत्तर प्रदेशामध्ये सकारात्मकता दर 8.7 टक्क्यांवरून 7.3 टक्क्यांवर गेला आहे.
- दिल्लीत गेल्या आठवड्यात 1,30,250 प्रकरणे नोंदवली गेली होती, आता 63,031 प्रकरणे समोर आली आहेत.
- दिल्लीतील सकारात्मकता दर 29.1 टक्क्यांवरून 14.7 टक्क्यांवर गेला आहे.
- हरियाणामध्ये गेल्या आठवड्यात 60,821 प्रकरणे होते, जी या आठवड्यात 53,869 वर आली आहेत.
- हरियाणात सकारात्मकता दर 31 टक्क्यांवरून 27 टक्क्यांवर आला आहे.
- राजस्थानसह काही राज्यांमध्ये प्रकरणे आणि सकारात्मकतेचे दर वाढत आहेत.
काही राज्यांमध्ये कोरोनाच्या प्रकरणांमध्ये घट झाली आहे, तर काही राज्यांमध्ये अजूनही मोठ्या प्रमाणात रुग्ण आढळून येत आहेत. केंद्रीय आरोग्य मंत्रालयाच्या म्हणण्यानुसार, कर्नाटक, केरळ, तामिळनाडू, गुजरात, आंध्र प्रदेश आणि राजस्थान या राज्यांमध्ये रुग्ण आणि सकारात्मकतेचे प्रमाण वाढत आहे. म्हणजेच, काही राज्यांमध्ये रुग्ण कमी झाली आहेत आणि काहींमध्ये अजूनही वाढत आहेत. त्यामुळेच कोरोनाची तिसरी लाट शिगेला पोहोचली आहे, असे म्हणणे योग्य नाही.
लस आणि खबरदारी हेच कोरोनापासून संरक्षण
केंद्रीय आरोग्य मंत्रालयाचे संयुक्त सचिव लव अग्रवाल म्हणाले की, “देशात काही ठिकाणी आजही संसर्ग वाढत आहे, रुग्णांची संख्या वाढत आहे. तर, काही राज्यांमध्ये केस आणि संसर्गाचे प्रमाण कमी झाले आहे, परंतु धोका संपला आहे असे म्हणणे पुरेसे नाही. काही राज्यांमध्ये, परिस्थिती चिंताजनक आहे. त्यामुळे खबरदारी आणि लस हे सर्वात मोठे संरक्षण आहे.
इतर महत्त्वाच्या बातम्या :
Omicron : कोरोनाची तिसरी लाट ओसरतेय? आरोग्य मंत्रालयाने दिली महत्त्वाची माहिती
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha
महत्त्वाच्या बातम्या
ट्रेंडिंग न्यूज
