Commenting on Women Figures : महिलांच्या फिगरवर कमेंट करणे गुन्हाच! मेसेजमध्ये सतत सेक्शुअल कमेंट करणाऱ्या अधिकाऱ्याला उच्च न्यायालयाचा झटका
महिलेने आरोप केला होता की, आरोपीने 2013 पासून तिच्याविरुद्ध अपमानास्पद भाषा वापरली आणि त्यानंतर 2016-17 मध्ये आक्षेपार्ह मेसेज आणि व्हॉईस कॉल पाठवण्यास सुरुवात केली.
Commenting on women figures : महिलेच्या फिगरवर (शरीराची रचना) टिप्पणी करणे लैंगिक छळाच्या बरोबरीचे असल्याचा महत्त्वपूर्ण निर्वाळा केरळ उच्च न्यायालयाने दिला आहे. महिलेच्या फिगरवर (शरीराची रचना) टिप्पणी करणे लैंगिक छळाच्या बरोबरीचे आहे. न्यायमूर्ती ए बद्रुद्दीन यांनी केरळ राज्य विद्युत मंडळाच्या (केएसईबी) माजी कर्मचाऱ्याची याचिका फेटाळताना हा निकाल दिला. कार्यालयात काम करणाऱ्या महिला कर्मचाऱ्याने दाखल केलेला लैंगिक छळाचा गुन्हा रद्द करण्याची मागणी आरोपीने केली होती.
आक्षेपार्ह मेसेज आणि व्हॉईस कॉल पाठवण्यास सुरुवात
महिलेने आरोप केला होता की, आरोपीने 2013 पासून तिच्याविरुद्ध अपमानास्पद भाषा वापरली आणि त्यानंतर 2016-17 मध्ये आक्षेपार्ह मेसेज आणि व्हॉईस कॉल पाठवण्यास सुरुवात केली.
महिलेच्या प्रतिष्ठेला धक्का पोहोचतो
केएसईबी आणि पोलिसांत आरोपींविरुद्ध तक्रारही दाखल करण्यात आल्याचा दावा महिलेने केला आहे. असे असतानाही ती व्यक्ती आक्षेपार्ह मेसेज पाठवत राहिली. मात्र, आरोपीच्या वतीने वकिलाने न्यायालयात युक्तिवाद करताना केवळ आकृतीबंधावर भाष्य केले. हा लैंगिक छळ मानू नये आणि त्याच्यावरील खटला रद्द करण्यात यावा. न्यायालयाने आरोपींचा युक्तिवाद फेटाळला. न्यायालयाने म्हटले की, आरोपीचा उद्देश महिलेला त्रास देणे आणि तिच्या प्रतिष्ठेला धक्का पोहोचवणे हा होता.
असाच एक प्रकार मुंबईत 2 वर्षांपूर्वी उघडकीस आला होता
2023 मध्ये मुंबईच्या सत्र न्यायालयाने रिअल इस्टेट कंपनीत काम करणाऱ्या दोन कर्मचाऱ्यांना जामीन देण्यास नकार दिला होता. कार्यालयातील महिला सहकाऱ्याच्या फिगरवर भाष्य केल्याचा आरोप त्यांच्यावर होता. कोर्टाने म्हटले होते की, ऑफिसमधील महिला सहकाऱ्याला सांगा की तिची फिगर चांगली आहे आणि तिने स्वत:ला व्यवस्थित सांभाळले आहे. हे लैंगिक छळाच्या श्रेणीत येते. पीडित महिला एका रिअल इस्टेट कंपनीत फ्रंट ऑफिस एक्झिक्युटिव्ह म्हणून काम करत होती. त्याच कार्यालयातील 42 वर्षीय असिस्टंट मॅनेजर आणि 30 वर्षीय सेल्स मॅनेजर त्यांना अनेक दिवसांपासून त्रास देत होते.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
