Lalu Prasad Yadav : लालूप्रसाद यादव, राबडीदेवींसह 16 जणांविरोधात CBIकडून चार्जशीट - काय आहे प्रकरण
Bihar Land for Jobs Scam: बिहारचे माजी मुख्यमंत्री आणि माजी केंद्रीय मंत्री लालू प्रसाद यादव (Lalu Prasad Yadav) यांच्या कुटुंबाच्या अडचणीत पुन्हा वाढ होत असल्याचं दिसून येत आहे.
Bihar Land for Jobs Scam: बिहारचे माजी मुख्यमंत्री आणि माजी केंद्रीय मंत्री लालू प्रसाद यादव (Lalu Prasad Yadav) यांच्या कुटुंबाच्या अडचणीत पुन्हा वाढ होत असल्याचं दिसून येत आहे. नोकरीच्या बदल्यात जमीन घोटाळ्याप्रकरणी सीबीआयने आरजेडी प्रमुख लालू प्रसाद, त्यांची पत्नी राबडी देवी (Rabri Devi) आणि अन्य 14 जणांविरुद्ध आरोपपत्र दाखल केले आहे. सीबीआयने आरोपपत्रात लालू यादव आणि तत्कालीन व्यवस्थापकांना आरोपी केले आहे. यासोबतच लालू प्रसाद यादव यांच्या कुटुंबातील इतर सदस्यांना देखील चौकशीच्या कक्षेत ठेवले आहे.
सीबीआयने लालू यादव, राबडी देवी, त्यांची मुलगी मीसा भारती आणि अन्य 13 जणांचं नाव आरोपी म्हणून दिले आहे. सीबीआयने 23 सप्टेंबर 2021 रोजी रेल्वेतील कथित घोटाळ्याबाबत प्राथमिक चौकशी नोंदवली होती, जी 18 मे रोजी एफआयआरमध्ये रूपांतरित झाली. हा घोटाळा 2004 ते 2009 दरम्यान झाला होता, जेव्हा लालू प्रसाद यादव यूपीए सरकारमध्ये रेल्वेमंत्री होते.
नोकरीच्या बदल्यात जमीन घेतली
लालू यादव हे देशाचे रेल्वेमंत्री असताना रेल्वे भरतीत घोटाळा झाला होता आणि नोकऱ्या देण्याच्या बदल्यात अर्जदारांकडून जमीन घेण्यात आल्याचा आरोप त्यांच्यावर आहे. एजन्सीच्या म्हणण्यानुसार, उमेदवारांना रेल्वे अधिकाऱ्यांनी अर्ज केल्यानंतर तीन दिवसांच्या आत गट ड पदांवर नियुक्त केले होते. नंतर जेव्हा या भरती केलेल्या व्यक्तींनी किंवा त्यांच्या कुटुंबातील सदस्यांनी त्यांची जमीन दिली तेव्हा त्यांना नियमित करण्यात आले, असा आरोप आहे.
CBI files a charge sheet against former Union railways minister & RJD chief Lalu Prasad Yadav, his wife Rabri Devi along with his daughter Misa Bharti & 13 others in “Land-for-job-scam” case: CBI sources
— ANI (@ANI) October 7, 2022
लालूप्रसाद यांच्या कुटुंबावर काय आरोप?
ही जमीन राबडी देवी आणि त्यांच्या दोन मुलींच्या नावे केल्याचा सीबीआयचा आरोप आहे. केंद्रीय एजन्सीने आरोप केला आहे की पाटण्यातील सुमारे 1.05 लाख चौरस फूट जमीन लालू प्रसाद यांच्या कुटुंबीयांनी विक्रेत्यांना रोख रक्कम देऊन संपादित केली होती.
इतर महत्वाच्या बातम्या
महत्त्वाच्या बातम्या
