कर्नाटकात भाजप सरकार स्थापन करण्याची शक्यता, राजीनामा दिलेले आमदार मुंबईतल्या हॉटेलमध्ये दाखल

लोकसभा निवडणुकीत झालेल्या जोरदार पराभवानंतर कर्नाटकमधील जेडीएस-काँग्रेस सरकारला काल (शनिवारी) जोरदार धक्का बसला आहे. शनिवारी सत्ताधारी काँग्रेसच्या 8 आणि जेडीएसच्या तीन आमदारांनी राजीनामा दिला आहे.

बंगळुरु : लोकसभा निवडणुकीत झालेल्या जोरदार पराभवानंतर कर्नाटकमधील जेडीएस-काँग्रेस सरकारला काल (शनिवारी) जोरदार धक्का बसला आहे. शनिवारी सत्ताधारी काँग्रेसच्या 8 आणि जेडीएसच्या तीन आमदारांनी राजीनामा दिला आहे. गेल्या काही महिन्यांमध्ये आतापर्यंत काँग्रेसच्या 13 आमदारांनी राजीनामा दिला आहे. त्यामुळे कर्नाटकमधील कुमारस्वामी सरकार धोक्यात आलं आहे. कर्नाटकमध्ये काँग्रेस-जेडीएसच्या आमदारांची संख्या सातत्याने घटत आहे. राज्यात विधानसभेच्या एकूण 224 जागा आहेत. बहुमतासाठी 113 आमदारांची आवश्यकता असते. काँग्रेसकडे विधानसभा अध्यक्षांसह एकूण 80 आमदार होते. तर जेडीएसकडे 37 आमदार होते. तसेच त्यांच्याकडे बसपाच्या एका आमदाराचा पाठिंबादेखील आहे. तिन्ही मिळून 118 आमदारांच्या संख्याबळावर जेडीएस-काँग्रेस सत्तेत आले होते. गेल्या काही महिन्यांमध्ये काँग्रेसच्या 13 आणि जेडीएसच्या 3 आमदारांनी राजीनामा दिला आहे. सर्व राजीनामे विधानसभा अध्यक्षांनी स्वीकारले, तर ही संख्या 102 होईल. तर दुसऱ्या बाजुला भारतीय जनता पक्षाकडे 105 आमदार आहेत. तसेच एका अपक्षाच्या पाठिंबादेखील आहे. त्यामुळे 106 आमदारांच्या संख्याबळावर भारतीय जनता पक्ष कर्नाटकात सत्ता स्थापन करण्याच्या तयारीत असल्याची चर्चा सुरु आहे. पाहा कर्नाटकात नेमकं काय घडलं? दरम्यान शनिवारी राजीनामा देण्याऱ्या आमदारांपैकी 10 आमदार मुंबईत दाखल झाले आहेत. यावेळी जेडीएसचे आमदार ए. एच. विश्वनाथ म्हणाले की, "काँग्रेस आणि जेडीएस मिळून 14 आमदारांनी राजीनामा दिला आहे. तसेच राज्यापालांना याबाबतची माहिती देण्यात आली आहे."

Maharashtra: 10 Karnataka Congress-JD(S) MLAs are staying at Sofitel hotel in Mumbai. 11 Congress-JD(S) tendered their resignations yesterday in #Karnataka. pic.twitter.com/5mfmC7btRi

— ANI (@ANI) July 7, 2019