Army Day 2023 : आज 75 वा भारतीय 'सैन्य दिवस', जाणून घ्या आजच्या दिवसाचा इतिहास 

Army Day 2023 : दरवर्षी 15 जानेवारीला भारतीय 'सैन्य दिवस' (Army Day 2023) साजरा केला जातो. आज 75 वा सैन्य दिवस आहे.

Army Day 2023

Army Day 2023 : देशात दरवर्षी 15 जानेवारीला भारतीय 'सैन्य दिवस' (Army Day 2023) साजरा केला जातो. आज 75 वा सैन्य दिवस आहे. हा दिवस साजरा करण्यामागे खास कारण आहे. 15 जानेवारी 1949 रोजी भारतीय सैन्याची ब्रिटिशांपासून मुक्तता झाली होती. त्यानंतर याच दिवशी जनरल के एम करियप्पा (General K. M. Cariappa) यांना भारतीय लष्कराचा कमांडर इन चीफ म्हणून घोषित करण्यात आलं होतं. तेव्हापासून दरवर्षी 15 जानेवारीला सैन्य दिवस साजरा केला जातो. पंतप्रधान नरेंद्र मोदी यांनी ट्वीट करत आजच्या या सैन्य दिनाच्या शुभेच्छा दिल्या आहेत. 

आजच्या या सैन्य दिनाच्या दिवशी  भारतीय जवानांचे कर्तृत्व, देशसेवा, अतुलनीय योगदान देणाऱ्यांचा गौरव केला जातो. तसेच देशासाठी बलिदान देणाऱ्या विरांना अभिवादन केलं जातं. आजचा दिवस हा भारतीय सैन्य दलाच्या सर्व मुख्यालयात साजरा केला जातो. दरम्यान, मागील वर्षीचा आर्मी डे हा कोरोना प्रादुर्भावाच्या पार्श्वभूमीवर कोरोना नियमावलीनुसार साजरा केला होता. यावर्षी मात्र, कोरोनाचा धोका कमी झाल्यानं आर्मी डे साजरा करण्यासाठी काही नियमावली नसणार आहे. मोठ्या उत्साहात यावर्षीचा आर्मी डे साजरा केला जाणार आहे.

आज का साजरा केला जातो आर्मी दिवस?

दरवर्षी 15 जानेवारीलाच आर्मी दिवस का साजरा केला जातो? असा प्रश्न पडला असेल. तर 15 जानेवारीला आर्मी डे साजरा करण्याची दोन कारणे आहेत. एक म्हणजे 1 एप्रिल 1895 ला भारतीय सैन्याची अधिकृतपणे स्थापना झाली. मात्र, 15 जानेवारी 1949 रोजी भारतीय सैन्याची ब्रिटिशांपासून मुक्तता झाली होती. आणि दुसर कारण म्हणजे याच दिवशी जनरल केएम करियप्पा यांना भारतीय लष्कराचा कमांडर इन चीफ म्हणून घोषित करण्यात आलं होतं. तेव्हापासून 15 जानेवारीहा दिवस आर्मी डे म्हणून साजरा केला जातो. जनरल सर फ्रान्सिस बुचर यांनी करियप्पा यांच्याकडे भारतीय सैन्याची कमान सोपवली होती. त्यानंतर लेफ्टिनेंट करियप्पा हे भारताचे पहिले सेना प्रमुख बनले होते. 1947 च्या पश्चिमी सीमेवर पाकिस्तान विरोधातील युद्धात लेफ्टनंट जनरल करियप्पा यांनी भारतीय सैन्याचं नेतृत्व केलं होतं.

आज सैन्यांची परेड होते

आज सर्व कमांड मुख्यालयासह नवी दिल्लीत भारतीय सैन्याच्या मुख्यालयात सेना दिवस साजरा केला जातो. यावेळी सैन्य परेड देखील होते. तसंच या दिवशी भारतीय सैन्याने मिळवलेल्या किंवा सैन्यात सहभागी केलेल्या नव्या टेक्नॉलॉजीचं प्रदर्शन केलं जातं. तसंच फील्ड मार्शल एम करियप्पा परेड ग्राऊंडवर कार्यक्रमांचं आयोजनही करण्यात येतं. 

महत्त्वाच्या बातम्या: