​Indian Army Recruitment 2023: देशसेवेची संधी, ​भारतीय लष्करात भरती, कसा कराल अर्ज?

​Indian Army SSC Technical Recruitment 2023: भारतीय सैन्यात अभियांत्रिकी पदवीधरांच्या 191 पदांवर भरती जारी करण्यात आलीये.

​Indian Army SSC Technical Recruitment 2023​Indian Army SSC Technical Recruitment 2023

​Indian Army SSC Technical Recruitment 2023: नोकरीच्या शोधात असलेल्या उमेदवारांसाठी एक महत्त्वाची बातमी. भारतीय लष्करातील 191 पदं काढण्यात आली आहेत. ज्यासाठी उमेदवार अधिकृत साईट www.joinindianarmy.nic.in वर जाऊन अर्ज करू शकतात. या भरतीसाठी उमेदवार 09 फेब्रुवारीपर्यंत अर्ज करू शकतात. 

भारतीय लष्करानं जारी केलेल्या भरती मोहिमेद्वारे, भारतीय सैन्यात अभियांत्रिकी पदवीधरांच्या 191 पदांची भरती केली जाईल. ज्यासाठी अर्ज करणाऱ्या उमेदवारांनी मान्यताप्राप्त विद्यापीठातून सिव्हिल/इलेक्ट्रिकल/मेकॅनिकल/कॉम्प्युटर सायन्स इत्यादी विषयातील अभियांत्रिकी पदवी आणि इतर विहित पात्रता असणं आवश्यक आहे. 

वयोमर्यादा 

अधिसूचनेनुसार, या भरतीसाठी अर्ज करणाऱ्या उमेदवाराचं किमान वय 20 वर्ष आणि पदानुसार कमाल वय 27/35 वर्ष निश्चित करण्यात आलं आहे.

कशी होणार निवड? 

भारतीय लष्करानं जारी केलेल्या भरती प्रक्रियेतील पदांवर उमेदवारांच्या निवडीसाठी शॉर्टलिस्टिंग प्रक्रिया / SSB मुलाखत / वैद्यकीय चाचणी आयोजित केली जाईल. एसएसबी मुलाखतीला उपस्थित असलेल्या उमेदवारांच्या कागदपत्रांची पडताळणी केली जाईल.

भरती प्रक्रियेसंदर्भातील महत्त्वाच्या तारखा 

• अर्ज प्रक्रिया सुरू होण्याची तारीख : 11 जानेवारी 2023
• अर्ज करण्याची शेवटची तारीख : 09 फेब्रुवारी 2023
• पोस्टानं अर्ज जमा करण्याची शेवटची तारीख : 24 फेब्रुवारी 2023

महत्त्वाची कागदपत्रं 

• आधार कार्ड
• कास्ट सर्टिफिकेट
• लेटेस्ट फोटो
• ईमेल आयडी, मोबाईल नंबर
• मार्कशीट

कसा कराल अर्ज? 

अधिकृत वेबसाईटला भेट देऊन उमेदवार या भरतीसाठी अर्ज करू शकतात. याशिवाय, उमेदवार ऑफलाईन पद्धतीनं या भरतीसाठी अर्ज करू शकतात. या मोहिमेसाठी उमेदवार 09 फेब्रुवारी 2023 पर्यंत अर्ज करता येणार आहे. याशिवाय, उमेदवारांनी अर्ज आणि आवश्यक कागदपत्रं 24 फेब्रुवारी 2023 पर्यंत अधिसूचनेत दिलेल्या पत्त्यावर पाठवणं आवश्यक आहे. अधिक तपशीलांसाठी उमेदवार अधिकृत वेबसाईटची मदत घेऊ शकतात.

अनेक तरुण सरकारी नोकरी मिळवण्यासाठी प्रयत्न करत असतात. अनेकदा वेळीच माहिती न मिळाल्यामुळे नोकरीची संधी हातातून जाते. त्यामुळेच नोकरीच्या शोधात असलेल्या तरुण-तरुणींसाठी एबीपी माझा खाजगी आणि सरकारी क्षेत्रातील नोकरीसंबंधातील माहिती जॉब माझा या विशेष कॅटेगरीमध्ये दररोज प्रकाशिक करतं. वेगवेगळ्या कंपन्या, संस्थांतील नोकर भरतीबाबत जाणून घेण्यासाठी एबीपी माझाच्या वेबसाईटला नक्की भेट द्या.  

महत्त्वाच्या इतर बातम्या :