Delhi Pollution: दिल्लीमध्ये हवेची गुणवत्ता खालावली, अनेक भागात AQI 400 पार; दोन दिवस शाळाही बंद राहणार

Delhi Air Quality Index: दिल्ली-एनसीआरमध्ये प्रदूषणाचा सामना करण्यासाठी अनेक उपाययोजना केल्या जात आहेत. जेव्हा हवेची गुणवत्ता गंभीर श्रेणीपर्यंत पोहोचते तेव्हा GRAP चा तिसरा टप्पा लागू केला जातो.

Delhi Air Quality Index

Source : PTI

नवी दिल्ली : दिल्ली-एनसीआरमधील हवेची गुणवत्ता गंभीर श्रेणीत पोहोचली आहे. ज्यामुळे फेज्ड रिस्पॉन्स अॅक्शन प्लॅन (GRAP) चा तिसरा टप्पा लागू करण्यात आला आहे. अनेक भागात हवेच्या गुणवत्ता निर्देशांकाने (AQI) 400 चा टप्पा ओलांडला आहे. वृत्तसंस्था पीटीआयने दिलेल्या माहितीनुसार, गुरुवारी संध्याकाळी 5 वाजता दिल्लीचा हवा गुणवत्ता निर्देशांक (AQI) 402 होता. त्याचवेळी दिल्लीत दिवसा अशी परिस्थिती होती की धुक्यामुळे सूर्य लपला होता.

दरम्यान याच पार्श्वभूमीवर दिल्लीतील शाळा या पुढील दोन दिवस बंद राहणार आहेत. यासंदर्भात दिल्लीचे मुख्यमंत्री अरविंद केजरीवाल यांनी ट्वीट करत म्हटलं की, "वाढत्या प्रदूषणाच्या पातळीच्या पार्श्वभूमीवर, दिल्लीतील सर्व सरकारी आणि खाजगी प्राथमिक शाळा पुढील 2 दिवस बंद राहतील. प्रतिकूल हवामान आणि शेतात आग लावणे  हे दिल्लीतील प्रदूषण वाढण्याचे कारण मानले जात आहे. लोकांना श्वासोच्छवासाचा त्रास वाढू शकतो असा इशारा डॉक्टरांनी दिला आहे. त्याचवेळी शास्त्रज्ञांनी येत्या दोन आठवड्यांत दिल्ली-एनसीआरमध्ये प्रदूषणाची पातळी वाढण्याचा इशारा दिला आहे.

#WATCH | Light haze engulfs Delhi, air quality in 'very poor' category

(Visuals from Anand Vihar) pic.twitter.com/vPu2KV11L9

— ANI (@ANI) November 2, 2023

दिल्लीतील 'या' भागात हवेची गुणवत्ता गंभीर 

गुरुवारी दिल्लीतील अनेक भागात हवेची गुणवत्ता गंभीर श्रेणीत नोंदवण्यात आली. यापैकी पंजाबी बागेत AQI 439, द्वारका सेक्टर-8 मध्ये 420, जहांगीरपुरीमध्ये 403, रोहिणीमध्ये 422, नरेलामध्ये 422, वजीरपूरमध्ये 406, बवानामध्ये 432, मुंडकामध्ये 439, आनंद विहारमध्ये 452 आणि आनंद विहारमध्ये 452 अशी नोंद करण्यात आली आहे. 

आठवडाभर दिल्लीचा AQI कसा होता?

दिल्लीचा AQI दिवसा 3 वाजता 378 वर पोहोचला होता. त्याच वेळी, 24 तासांची सरासरी AQI बुधवारी 364, मंगळवारी 359, सोमवारी 347, रविवारी 325, शनिवारी 304 आणि शुक्रवारी 261 नोंदवण्यात आली.

याआधी दिल्लीत प्रदूषण केव्हा झाले?

सरकारी आकडेवारीनुसार, ऑक्‍टोबर 2023 मधील दिल्लीतील हवेची गुणवत्ता 2020 नंतर सर्वात वाईट होती. हवामान तज्ज्ञांनी पावसाचा अभाव हे त्याचे कारण मानले आहे. दिल्लीला अनेकवेळा प्रदूषणाच्या समस्येला तोंड द्यावे लागते. याची गांभीर्यता लक्षात घेता, दिल्लीतील शाळा पुढील दोन दिवस बंद ठेवण्यात आल्या आहेत. दरम्यान सरकारकडून देखील दिल्लीतील प्रदूषण नियंंत्रणात ठेवण्यासाठी अनेक उपाययोजना करण्यात येतात. तर यंदा सरकार यावर कोणत्या उपाययोजना करणार हे पाहणं देखील महत्त्वाचं ठरणार आहे. 

हेही वाचा :