अचानक गाय आडवी आली, ड्रायव्हरने ब्रेक मारताच कार थेट कालव्यात कोसळली, एअर होस्टेसचा करुण अंत
Air Hostess Met a Tragic End : या अपघातात दोन मित्रांना किरकोळ दुखापत झाली. पोलिसांनी गाडी चालवणाऱ्या जयविरुद्ध निष्काळजीपणे गाडी चालवल्याचा गुन्हा दाखल केला आहे.
Air Hostess Met a Tragic End : भरधाव वेगाने जाणाऱ्या कारसमोर अचानक गाय येताच ड्रायव्हरने ब्रेक मारल्याने थेट भोपाळमधील कोलार कालव्यात कोसळली. या अपघातात एअर इंडियाच्या एअर होस्टेस हर्षिता शर्मा (वय 21) यांचा मृत्यू झाला. ती तिच्या दोन मित्रांसोबत फिरायला गेली होती. गाडी चालवणारा मित्र जय म्हणाला की, अचानक एक गाय समोर आली आणि तिला वाचवण्याचा प्रयत्न करत असताना गाडी नियंत्रणाबाहेर गेली आणि कालव्यात पडली. हर्षिताला गंभीर अवस्थेत एका खासगी रुग्णालयात नेण्यात आले, आज शुक्रवारी सकाळी हर्षिताचा मृत्यू झाला. या अपघातात दोन मित्रांना किरकोळ दुखापत झाली. पोलिसांनी गाडी चालवणाऱ्या जयविरुद्ध निष्काळजीपणे गाडी चालवल्याचा गुन्हा दाखल केला आहे. पोस्टमॉर्टम रिपोर्ट आल्यानंतर गुन्ह्यांच्या कलमांमध्ये वाढ होण्याची शक्यता आहे.
भावाला सांगितले होते, मी माझ्या वाढदिवशी भोपाळला येईन
एअर होस्टेस हर्षिताचे वडील प्रदीप शर्मा यांनी सांगितले की, ती अनेकदा शहराबाहेर राहत असे. बुधवारी रात्री तिने तिच्या भावाला व्हॉट्सअॅपवर सांगितले होते की ती शुक्रवारी भोपाळला येत आहे. ती गुरुवारीच भोपाळला पोहोचली आहे हे आम्हाला माहीत नव्हते. ती मीनल रेसिडेन्सीजवळील एका हॉटेलमध्ये राहिली.
मित्रांनी मला फोनवर सांगितले ती रुग्णालयात
हर्षिताची मैत्रिण शिवानीने फोन करून तिला रुग्णालयात दाखल केल्याची माहिती दिली तेव्हा कुटुंबाला अपघाताची माहिती मिळाली. रुग्णालयात पोहोचताच डॉक्टरांनी सांगितले की हर्षिता ब्रेनडेड झाली आहे. शुक्रवारी सकाळी मृत घोषित करण्यात आले.
मित्र म्हणाला, हर्षिताने मला एकत्र फिरायला बोलावले होते
पोलिसांनी दिलेल्या माहितीनुसार, गुरुवारी रात्री हर्षिता तिच्या मित्र सुजल आणि जयसोबत कोलार परिसरात कारमध्ये फिरत होती. जय गाडी चालवत होता. कोलारमधील होली क्रॉस स्कूलजवळील पुलावर एक गाय गाडीसमोर आली. वाचवण्याचा प्रयत्न करत असताना गाडी कालव्यात पडली. जय आणि सुजल यांनी हर्षिताला बाहेर काढले आणि रुग्णालयात नेले. जयने पोलिसांना सांगितले की तो आणि सुजल एमबीएचे विद्यार्थी आहेत आणि हर्षिताच्या फोनवरूनच ते तिला भेटायला आले होते.
इतर महत्वाच्या बातम्या
महत्त्वाच्या बातम्या
