हुकूमशाही, सनातनी विचाराचा साखळदंड फक्त शिक्षणानेच मोडू शकतो, दुसरं काहीच घेऊ नका, फक्त शिक्षण घ्या; जितेंद्र आव्हाड, पृथ्वीराज बाबा चर्चेत असतानाच कमल हसन यांच्या विधानाने लक्ष वेधलं
Kamal Hassan: मक्कल नीधी मय्यम (एमएनएम) पक्षाचे प्रमुख आणि अभिनेते कमल हसन म्हणाले की, शिक्षण हाच एकमेव मार्ग आहे ज्याद्वारे आपण हुकूमशाही आणि सनातन विचारसरणीच्या साखळदंड तोडू शकतो.
Kamal Hassan: काँग्रेसचे ज्येष्ठ नेते आणि माजी मुख्यमंत्री पृथ्वीराज चव्हाण यांनी भगवा दहशतवाद म्हणू नका त्याला सनातन दहशतवाद म्हणावं अशी प्रतिक्रिया मालेगावमध्ये माजी भाजप खासदार प्रज्ञा ठाकूरसह आणि इतर सर्व आरोपींची निर्दोष सुटका झाल्यानंतर प्रतिक्रिया दिली होती. स्वतंत्र भारतातील पहिला दहशतवादी नथुराम गोडसे असल्याचा हल्लाबोल सुद्धा पृथ्वीराज बाबा यांनी केला होता. त्यांच्या वक्तव्यानंतर महाराष्ट्रात प्रतिक्रिया उमटली. या वादामध्ये राष्ट्रवादीचे ज्येष्ठ नेते जितेंद्र आव्हाड यांनी सुद्धा उडी घेत होय, सनातनी दहशतवाद मान्य करावाच लागेल असे म्हणत सडकून टीका केली. त्यामुळे पुन्हा एकदा महाराष्ट्रामध्ये सनातनी विचारांवरून चर्चा सुरू झाल्या असतानाच आता अभिनेते कमल हसन यांनी केलेल्या वक्तव्याचे सुद्धा चर्चा रंगली आहे. हुकूमशाही आणि सनातनी धर्माचा साखळदंड फेकून द्यायचा असेल, तर शिक्षण हा त्याच्यावर एकमेव मार्ग असल्याचे त्यांनी म्हटलं आहे.
हातात दुसरे काहीही घेऊ नका, फक्त शिक्षण घ्या
मक्कल नीधी मय्यम (एमएनएम) पक्षाचे प्रमुख आणि अभिनेते कमल हसन म्हणाले की, शिक्षण हाच एकमेव मार्ग आहे ज्याद्वारे आपण हुकूमशाही आणि सनातन विचारसरणीच्या साखळदंड तोडू शकतो. शिक्षण हे एकमेव शस्त्र आहे जे हुकूमशाही आणि सनातन धर्माच्या साखळदंड तोडू शकते. हातात दुसरे काहीही घेऊ नका, फक्त शिक्षण घ्या. त्याशिवाय आपण जिंकू शकत नाही, म्हणून आपल्याला शिक्षण आपल्यासोबत घट्ट ठेवावे लागेल. कमल हसन पुढे म्हणाले, काही इतर गोष्टी हाती घेऊन विजय मिळवता येणार नाही. बहुमत तुम्हाला पराभूत करेल, म्हणून सर्वांनी मिळून ज्ञान आणि एकतेचा मार्ग निवडला पाहिजे."
कन्नड भाषेची उत्पत्ती तामिळमधून झाली
कमल हासन त्यांच्या विधानांमुळे चर्चेत येण्याची ही पहिलीच वेळ नाही. जूनच्या सुरुवातीला, त्यांच्या 'ठग लाईफ' चित्रपटाच्या ऑडिओ लाँच कार्यक्रमादरम्यान, त्यांनी म्हटले होते की कन्नड भाषेची उत्पत्ती तामिळमधून झाली. ज्यावर कन्नड समर्थक संघटना आणि नेत्यांनी तीव्र प्रतिक्रिया दिल्या होत्या. कार्यक्रमाच्या सुरुवातीला कमल हासन यांनी तमिळमध्ये 'उयिरे उरावे तमिले' असे म्हटले, ज्याचा अर्थ असा आहे की माझे आणि माझे जीवन तमिळ आहे. त्यानंतर त्यांनी कन्नड अभिनेता शिवराजकुमार यांच्या उपस्थितीचा उल्लेख केला आणि सांगितले की शिवराजकुमार माझ्या कुटुंबाचा एक भाग आहेत, जो दुसऱ्या राज्यात राहतो, म्हणून जेव्हा मी म्हटले की माझे जीवन आणि माझे कुटुंब तमिळ आहे, तेव्हा तुम्हीही त्यात समाविष्ट आहात, कारण तुमची भाषा तमिळमधून जन्माला आली आहे. या विधानानंतर त्यांच्या चित्रपट कमल हासन यांच्या विधानाचा तीव्र निषेध झाला. बंगळुरूमध्ये लोकांनी त्यांच्या चित्रपटाचे पोस्टर फाडले. तथापि, असे असूनही, कमल हासन यांनी त्यांच्या विधानाबद्दल माफी मागण्यास नकार दिला.
इतर महत्वाच्या बातम्या
महत्त्वाच्या बातम्या
