चेन्नईतील मयलापोर साईबाबा मंदिराच्या कळसाला भीषण आग; आग आटोक्यात आणण्यासाठी अग्निशमन दलाचे शर्थीचे प्रयत्न
आगीची माहिती मिळताच अग्निशमन दलाच्या गाड्या घटनास्थळी रवाना करण्यात आल्या. ही आग आटोक्यात आणण्यासाठी तीन अग्निशमन दलाचे जवान शर्थीचे प्रयत्न करत आहेत.
Saibaba temple in Chennai Mylapore : तामिळनाडूची राजधानी चेन्नईतील मैलापूर साईबाबा मंदिराच्या कळसावर आज (12 नोव्हेंबर) संध्याकाळी आग लागली. तीन अग्निशमन केंद्रातील 20 हून अधिक अग्निशमन दल आग विझवण्यात व्यग्र आहेत. मंदिराच्या कळसाला आग लागल्याचे पोलिसांनी सांगितले. अग्निशमन विभागाच्या म्हणण्यानुसार, आगीची माहिती मिळताच अग्निशमन दलाच्या गाड्या घटनास्थळी रवाना करण्यात आल्या. ही आग आटोक्यात आणण्यासाठी तीन अग्निशमन दलाचे जवान शर्थीचे प्रयत्न करत आहेत.
मंदिराच्या कळसाला आग लागण्याचे कारण शोधण्याचा प्रयत्न सुरू असल्याचे अग्निशमन विभागाने सांगितले. आगीच्या घटनेचा एक व्हिडिओ देखील समोर आला आहे, ज्यामध्ये मंदिराच्या कळसावरून आग स्पष्टपणे बाहेर पडताना दिसत आहे. मंदिर पाहिल्यावर हे स्पष्ट होते की येथे बांधकाम सुरू होते, कारण बांबूच्या काड्यांपासून बनवलेलं पायाड देखील व्हिडिओमध्ये दिसते. त्यामुळे आग वेगाने पसरल्याचे समजते.
@ChennaiTraffic @chennaicorp @CMOTamilnadu Sudden fire at Mylapore Sai baba temple. pic.twitter.com/AUMY4Byub0
— Mariappan (@thecommonmanPM) November 12, 2023
रविवारी देशातील अनेक भागात आगीच्या घटना घडल्या. गुजरातमधील सुरत शहरातील एका व्यावसायिक इमारतीमध्ये असलेल्या सिनेमा हॉलमध्ये रविवारी सकाळी आग लागली, त्यामुळे सिनेमागृहातील स्क्रीन आणि अनेक खुर्च्या जळून खाक झाल्या. मात्र, सुदैवाची बाब म्हणजे या घटनेत कोणतीही जीवितहानी झाल्याचे वृत्त नाही.पण आगीवर नियंत्रण मिळवताना अग्निशमन दलाचे दोन जवान जखमी झाले आहेत. त्यांना किरकोळ दुखापत झाली आहे.
गुजरात, हरियाणासह या ठिकाणी आग
हरियाणातील सोनीपत येथे 14 मजली निवासी इमारतीच्या सातव्या मजल्यावर आग लागली. अग्निशमन विभागाच्या गुप्त माहितीमुळे 15 जण सुखरूप बचावले. सोनीपतच्या बहलगढ पोलीस ठाण्याचे प्रभारी निरीक्षक देवेंद्र यांनी सांगितले की, 15 जणांना वाचवण्यात आले. ही आगीची घटना शनिवारी रात्री घडली. काही वेळाने आग आटोक्यात आल्याचे त्यांनी सांगितले. आग विझवण्यासाठी दिल्लीतील काही अग्निशमन गाड्याही घटनास्थळी पोहोचल्या.
आंध्र प्रदेशातील विशाखापट्टणम येथे रविवारी पहाटे प्लॅस्टिक बॉल बनवणाऱ्या कारखान्यात भीषण आग लागली. मात्र या जाळपोळीच्या घटनेत जीवित वा वित्तहानी झाल्याचे वृत्त नाही. आंध्र प्रदेश इंडस्ट्रियल इन्फ्रास्ट्रक्चर डेव्हलपमेंट कॉर्पोरेशन (एपीआयआयसी) झोनमध्ये असलेल्या एव्हरग्रीन पॉलिमर कंपनीला शनिवारी आणि रविवारी मध्यरात्री पहाटे दोनच्या सुमारास आग लागली.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
