IAS Sonia Sethi Transferred: ऐन अतिवृष्टीच्या काळात मदत आणि पुनर्वसन विभागाच्या सचिव सोनिया सेठी यांची बदली; काँग्रेसकडून प्रश्नांची सरबत्ती

IAS Sonia Sethi Transferred: आपत्ती काळात मदत आणि पुनर्वसन विभाग मोठी भूमिका बजावत असतो. मात्र याच काळात मदत आणि पुनर्वसन विभागाच्या प्रमुख सोनिया सेठी यांची अचानक बदली करण्यात आली आहे.

IAS Sonia Sethi Transferred

Source : ABP Majha

Marathwada Rains : मराठवाड्यासह (Marathwada) राज्यातील अनेक ठिकाणी अतिवृष्टीसह मुसळधार पावसाने एकच दाणादाण उडवल्याचे चित्र आहे. या अतिवृष्टीचा सर्वाधिक फटका हा शेतकऱ्यांना झाला असून बळीराजा पुरता हवालदिल झाला आहे. परिणामी, सरकारकडून तातडीने पंचनामे करून आर्थिक नुकसानभरपाई मिळेल अशी, अशा शेतकऱ्यांना आहे. दरम्यान, आपत्ती काळात मदत आणि पुनर्वसन विभाग मोठी भूमिका बजावत असतो. मात्र याच काळात (Marathwada Rain) मदत आणि पुनर्वसन विभागाच्या प्रमुख सोनिया सेठी (IAS Sethi Transferred) यांची अचानक बदली करण्यात आली आहे. राज्यात ओल्या दुष्काळ सदृश्य परिस्थिती ओढवली असताना अशा महत्वाच्या वेळी मदत आणि पुनर्वसन विभागाच्या प्रमुखांची बदली करण्यात आल्याने अनेक उलट सुलट चर्चांना सुरुवात झाली आहे.

काँग्रेसकडून सरकारच्या निर्णयावर जोरदार टीका(Congress Criticizes Government Decision)

राज्यात गेल्या काही दिवसांपासून अनेक भागात मुसळधार पावसामुळे निर्माण झालेल्या पूरपरिस्थिती दरम्यान महाराष्ट्र सरकारने शुक्रवारी आपत्ती व्यवस्थापन, मदत आणि पुनर्वसन विभागाच्या अतिरिक्त मुख्य सचिव सोनिया सेठी यांची बदली केली. दरम्यान याच मुद्दयांवर बोट ठेवत काँग्रेसने सरकारच्या या निर्णयावर जोरदार टीका केली. राज्य सरकारच्या आदेशानुसार, विनिता वेद सिंघल यांनी सेठी यांची जागा घेतली आहे. सेठी यांना महानगरपालिका संचालित बृहन्मुंबई वीज पुरवठा आणि वाहतूक उपक्रमाचे महाव्यवस्थापक बनवण्यात आले आहे. काँग्रेसचे प्रवक्ते सचिन सावंत यांनी एका निवेदनात म्हटले आहे की, बदलीचा हा निर्णय वेळेवर आणि औचित्यावर प्रश्नचिन्ह उपस्थित करतो, विशेषतः अशा वेळी जेव्हा राज्यातील अनेक भाग गंभीर पुराचा सामना करत आहेत.

प्रशासन आणि राज्य यंत्रणेतील समन्वयाचा अभाव-सचिन सावंत

पूरग्रस्त भागात मदत कार्यात समन्वय साधणे, नुकसानीचे मूल्यांकन करणे आणि पुनर्वसन उपाययोजनांवर देखरेख करणे ही विभागाची भूमिका महत्त्वाची असताना, ही बदली अचानक का करण्यात आली? पुढे सावंत यांनी विचारले की हे एक नियमित प्रशासकीय निर्णय आहे की शिक्षेचा एक प्रकार आहे. ते म्हणाले की पूर परिस्थिती बिकट होत चालली आहे, अनेक जिल्ह्यांतील नागरिकांना गंभीर अडचणींचा सामना करावा लागत आहे आणि या निर्णयामुळे विभागात गोंधळ निर्माण होऊ शकतो. सावंत यांनी दावा केला की, "नवीन अधिकाऱ्याला विभागाचे कामकाज समजून घेण्यासाठी अतिरिक्त वेळ लागेल, ज्यामुळे महत्त्वाचे मदत आणि पुनर्वसन काम मंदावेल. हा निर्णय खराब प्रशासन आणि राज्य यंत्रणेतील समन्वयाचा अभाव दर्शवितो. या बदलीमुळे सरकारच्या तयारी आणि प्राधान्यांबद्दल शंका निर्माण होतात." असेही ते म्हणाले.

आणखी वाचा