Walmik Karad : वाल्मिक कराडला मकोका, आक्रमक समर्थकांकडून परळी बंदची हाक; टायर पेटवल्या, बाजारपेठ बंद केली
Santosh Deshmukh Murder Case : मस्साजोगचे सरपंच संतोष देशमुख प्रकरणाच्या मुळाशी असलेल्या पवनचक्की खंडणी प्रकरणात वाल्मिक कराडवर मकोका लावण्यात आला आहे. त्यावरून कराडचे समर्थक आक्रमक झाले आहेत.
बीड : खंडणी प्ररकरणात अटक करण्यात आलेल्या वाल्मिक कराडवर मकोका (Walmik Karad Mcoca) लावल्यानंतर त्यांच्या समर्थकांनी परळी बंदची हाक दिली आहे. परळी शहरात सध्या कडकडीत बंद झाली असून कराडच्या समर्थकांनी रस्त्यांवर टायर पेटवून या गोष्टीचा निषेध केला. वाल्मिक कराडवर पवनचक्की कंपनीकडून दोन कोटींची खंडणी मागितल्याचा आरोप आहे. तसेच संतोष देशमुख हत्या प्रकरणाच्या मुळाशी हेच खंडणी प्रकरण असल्याचा संशय पोलिसांना आहे.
आज मकरसंक्रांत असल्याने बाजारपेठ गर्दीने सजली होती. मात्र वाल्मिक कराडवर मकोका लावल्यानंतर परळी बंदची हाक समर्थकांनी दिली. त्यामध्ये मुख्य बाजारपेठ मोंढा, टावर, बाजार समिती रोड, बस स्टँड रोड सगळं बंद झालं.
वाल्मिक कराडवर मकोका अंतर्गत कारवाई
संतोष देशमुख हत्याप्रकरणी अखेर वाल्मिक कराडवर मकोकातंर्गत गुन्हा दाखल करण्यात आला आहे. वाल्मिक कराडवर मकोका लावावा अशी देशमुख कुटुंबीयांसह सर्वपक्षीय नेत्यांची मागणी होती. याआधी वाल्मिक कराड हा खंडणी प्रकरणात पोलिसांना शरण गेला होता. मात्र त्याच्याविरोधात हत्येचा गुन्हा दाखल करण्यात यावा अशी मागणी होती. त्यासाठी देशमुख कुटुंबानं सोमवारी पाण्याच्या टाकीवर चढून आंदोलन देखील केलं होतं.
या आधी संतोष देशमुख हत्या प्रकरणानंतर या प्रकरणातील सात आरोपींवर मकोका अंतर्गत गुन्हा दाखल करण्यात आलं होतं. आता वाल्मिक कराडलाही या कायद्याच्या अंतर्गत आणण्यात आलं आहे.
हत्येत अजून कुणी सामील असल्यास कारवाई करावी
वाल्मिक कराडवर मकोका अंतर्गत कारवाई सुरू केल्यानंतर संतोष देशमुखांच्या कुटुंबीयांनी त्यावर प्रतिक्रिया दिली आहे. या प्रकरणात अजून कुणाचा समावेश असल्याच त्याच्यावरही कारवाई करण्यात यावी अशी मागणी संतोष देशमुख यांची कन्या वैभवी देशमुखने केली आहे.
वाल्मिक कराडच्या आईचा ठिय्या
पवनचक्की खंडणी प्रकरणात मुख्य आरोपी असलेल्या वाल्मिक कराडला सोडण्यात यावं, त्याला जातीय राजकारणाचा बळी केला जातोय असा आरोप करत वाल्मिक कराडच्या आईने आणि पत्नीने परळी पोलिस स्टेशनसमोर ठिय्या मांडला होता. आता वाल्मिक कराडवर मकोका अंतर्गत कारवाई करण्यात आल्यानंतर त्याच्या पत्नीने निषेध व्यक्त केला आहे.
दरम्यान, संतोष देशमुखांच्या हत्येचा तपास करण्यासाठी नवीन एसआयटी स्थापन करण्यात आली आहे. त्यामध्ये वाल्मिक कराडशी संपर्कात असलेल्या अधिकाऱ्यांना वगळण्यात आलं आहे.
ही बातमी वाचा:
Before You Go
Rahul Gandhi On PM Modi Special Report : पंतप्रधान मोदींची खिल्ली उडवली, भाजप राहुल गांधींवर संतापली
महत्त्वाच्या बातम्या
