Manoj Jarange : येवल्याचं येडपट माझी शाळा काढतंय, याला मंत्री कुणी केला? बीडच्या सभेत जरांगेंचा भुजबळांवर तुफान हल्ला
Manoj Jarange Beed Sabha : आजची बीडमधील सभा ही मराठ्यांच्या एकजुटीचा महाप्रलय आहे असं मनोज जरांगे म्हणाले.
Manoj Jarange Beed Sabha : बीडमध्ये आज मराठ्यांच्या एकजुटीचा महाप्रलय जमला असून मराठा आरक्षण (Maratha Reservation) आता कसं आणायचं ते बघाच, मराठा आरक्षण मिळवणारच असा इशारा मनोज जरांगे (Manoj Jarange) यांनी दिला. मराठा समाज आतापर्यंत शांत आहे, पण सरकारने झोपू नये असंही ते म्हणाले. ते येवल्याचं येडपट माझी शाळा काढतंय, याला मंत्री कुणी केला? असा सवाल करत जरांगे यांनी राज्याचे मंत्री छगन भुजबळांवर (Chhagan Bhujbal) तुफान हल्ला केला.
मनोज जरांगे म्हणाले की, "मराठा समाजाला डाग लावण्यात आला आहे, कुणी म्हणतंय आमची घरं जाळली, तर कुणी म्हटलं हॉटेल जाळली. आपल्यावर खोटे आरोप करण्य़ात आले. मराठा समाजाने आतापर्यंत शांततेत मोर्चे काढले, तो समाज कुणाची घरं कशाला पेटवेल? यांच्याच लोकांनी हॉटेलं जाळली आणि नाव मराठा समाजावर घातलं. सरकारही यांचंच ऐकतंय. पण आता मराठा समाज जागा झाला आहे. त्यामुळे मराठा आरक्षण कसं आणायचं ते बघाच."
नादाला लागाल तर राजकीय अस्तित्व संपवणार
राज्य सरकारला इशारा देताना जरांगे म्हणाले की, "सरकारने शहाणपणाची भूमिका घ्यावी. त्या एकट्याचं ऐकून जर तुम्ही आमच्या विरोधात भूमिका घेणार असाल, आरक्षणामध्ये आडकाठी करणार असाल तर शहाणे व्हा. मराठा समाजाला ताटकळत ठेऊ नका. नाहीतर शांततेत तुमचा सुफडा साफ केला जाईल. तुमचं राजकीय अस्तित्व संपवलं जाईल. तुम्ही ठरल्याप्रमाणे मराठा समाजाला आरक्षण द्या, नाहीतर पुढचं आंदोलन तुम्हाला 100 टक्के जड जाणार."
मी मॅनेज होत नाही हा सरकारचा प्रॉब्लेम
मी यांना मॅनेज होत नाही हाच यांचा प्रॉब्लेम आहे. मी जिवंत असेपर्यंत मराठा आरक्षण मिळवून देणारच. मराठा समाज आणि माझं नातं हे माय-लेकाचं आहे. मराठा समाजाच्या पुढच्या पीढीला आरक्षण मिळवून देणार. या आधीच्या पीढीचे आयुष्य आरक्षणाविना उद्ध्वस्त झालं. आता मराठा जागा झाला आहे.
देव जरी आडवा आला तरी ओबीसीतून आरक्षण घेणार
देव जरी आडवा आला तरी मराठ्यांना ओबीसीतूनच आरक्षण मिळणार, आपण तेच घेणार असं मनोज जरांगे म्हणाले. मराठ्यांनी यांनी मोठं करायचं आणि मराठ्यांचे मुडदे पडत असताना यांनी त्याकडे पाहायचं नाही, आता तसं करायचं नाही. सरकार गांभिर्याने घेत नाही, पण आता त्यांना वठणीवर आणण्याची ताकद मराठ्यांमध्ये आहे असं मनोज जरांगे म्हणाले. मराठ्यांची मतं घेऊन त्या भुजबळासारख्यांना मोठं केलं जातंय. आमच्या जीवावर मोठं व्हायचं आणि आमचे पडणारे मुडदे बघत बसताय.
शांततेत आंदोलन करा, ते ब्रह्मात्र आहे
सरकारने पुन्हा एकदा डाव रचला. मराठा समाजातील आंदोलकांना नोटिसा दिल्या. ट्रॅक्टर घेऊन सभेला गेला तर तो जप्त केला जाईल असं त्यात म्हटलंय. महाराष्ट्रातल्या मराठ्यांनी आंदोलन करायचं पण शांततेत, ते ब्रह्मात्र आहे. शांततेत आंदोलन केल्यास ते थांबवायचं कुणाच्यात हिंमत नाही.
Manoj Jarange Patil Beed Sabha LIVE: मनोज जरांगे पाटील यांची बीड निर्णायक इशारा सभा लाईव्ह ABP majha
महत्त्वाच्या बातम्या
