Pankaja Munde Dasara Melava Live Updates : माझ्यामुळे तुमच्या अपेक्षा भंग होतो, पंकजा मुंडेंनी व्यक्त केली नाराजी
Pankaja Munde Dasara Melava Live Updates : माजी मंत्री आणि भाजप नेत्या पंकजा मुंडे आज बीडमध्ये दसरा मेळाव्याला संबोधित करणार आहेत. या दसरा मेळाव्याकडे राजकीय वर्तुळाचं लक्ष लागलं आहे.
LIVE
Background
Pankaja Munde Live Updates : भाजपच्या राजकीय पटलावरावरून काहीशा दूर असलेल्या माजी मंत्री पंकजा मुंडे (Pankaja Munde) दसरा मेळाव्याला संबोधित करणार आहेत. याआधीच्या दसरा मेळाव्यात (Dasara Melava) पंकजा यांनी आपल्या मनातील खदखद व्यक्त केली होती. त्यानंतर आता, मंगळवारी होणाऱ्या दसऱ्या मेळाव्यात कोणत्या मुद्यावर भाष्य करणार याकडे राजकीय वर्तुळाचे लक्ष लागले आहे.
राज्यात दसऱ्यानिमित्ताने होणाऱ्या काही दसरा मेळाव्यांना महत्त्व आहे. यामध्ये राष्ट्रीय स्वयंसेवक संघाचा मेळावा, शिवसेना ठाकरे गटाचा मेळावा आणि गोपीनाथ मुंडे यांनी सुरू केलेला दसरा मेळावा याचा समावेश होतो. 2019 विधानसभेच्या निवडणुकीत पंकजा मुंडे यांना पराभवाचा धक्का बसला होता. त्यानंतर पंकजा मुंडे या महाराष्ट्र भाजपमध्ये सक्रिय नसल्याचे चित्र दिसून आले. पंकजा मुंडे यांच्या पराभवासाठी भाजपमधील एक गट कार्यरत असल्याची चर्चा रंगली होती. त्यानंतर पंकजा मुंडे यांना विधान परिषदेची आमदारकी देऊन त्यांचे राजकीय पुनर्वसन होणार असल्याची चर्चा रंगली होती. मात्र, पंकजा यांना भाजपकडून संघटनात्मक जबाबदारी सोपवण्यात आली. पंकजा मुंडे यांच्या मध्य प्रदेशची जबाबदारी आहे. मात्र, पंकजा या मध्य प्रदेशमध्ये फार सक्रीय नसल्याचेही म्हटले जात आहे.
दसरा मेळाव्यात पंकजा कोणत्या मुद्यावर करणार भाष्य?
सावरगावच्या दसरा मेळाव्यात पंकजा मुंडे या कोणत्या मुद्यावर भाष्य करणार, याकडे सगळ्यांचे लक्ष लागले आहे. सध्याची राजकीय स्थिती आणि आरक्षणाच्या मुद्द्यावर भाष्य करणार असल्याचे म्हटले जात आहे. पंकजा मुंडे आपल्या भाषणातून राजकीय आणि सामाजिक संदेश ही देणार असल्याची चर्चा आहे.
बीडच्या सावरगाव घाट येथे पंकजा मुंडे यांचा दसरा मेळावा पार पडणार आहे. पंकजा मुंडे या सकाळी वैजनाथाचं दर्शन घेऊन त्यानंतर गोपीनाथ मुंडे यांच्या समाधी स्थळावर दाखल होतील आणि अभिवादन करतील. त्यानंतर सावरगाव घाट येथे दसरा मेळाव्यात सहभागी होऊन संबोधित करणार आहेत. पंकजा मुंडे यांनी शिवशक्ती यात्रा काढली होती आणि यात्रेला मोठा प्रतिसाद मिळाला. त्यानंतर त्यांच्या कारखान्यावर कारवाई झाली होती. सध्या महाराष्ट्रामध्ये जी राजकीय परिस्थिती निर्माण झाली आहे यावर पंकजा मुंडे नेमकं काय बोलणार याकडे सर्वांचे लक्ष लागलं आहे. पंकजा मुंडे यांनी गोपीनाथ गडावरील देवीचे होम हवन केले.
Pankaja Munde Dasara Melava Live Updates : आता मी थांबणार नाही - पंकजा मुंडे
मी थकणार नाही, मी रुकणार नाही, मी कुणासमोर कधी झुकणार नाही, अशी घोषणा पंकजा मुंडेंनी केली. माझ्या जनतेला न्याय देण्यासाठी मी मैदानात उतरणार असल्याचं पंकजा मुंडे म्हणाल्या आणि त्याचं भाषण संपवलं.
Pankaja Munde Dasara Melava Live Updates : आता मी मैदानात दिसणार - पंकजा मुंडे
माझ्या जनतेला न्याय देण्यासाठी मी मैदान उतरणार आणि तुमची साथ असेल तर मला तिथून कोणी हटवू शकत नाही, असं पंकजा मुंडेंनी त्यांच्या कार्यकर्त्यांना म्हटलं.
Pankaja Munde Dasara Melava Live Updates : आता पडणार नाही, पाडणार - पंकजा मुंडे
वेळ पडल्यास कापूस वेचायला जाईन, ऊस तोडायला जाईन, पण मेहनतीचं खाईन, असं पंकजा मुंडे म्हणाल्या. माझ्या जनतेसाठी मी आता मैदानात उतरणार असल्याचं पंकजा मुंडेंनी जाहीर केलं. यावेळी मी पडणार नाही, मी पाडणार असल्याचं पंकजा मुंडे म्हणाल्या.
Pankaja Munde Dasara Melava Live Updates : माझं सर्वस्व हे माझ्या जनतेचं - पंकजा मुंडे
निवडणुकीत जिंकण्यासाठी निष्ठा, नितीमत्ता गहाण ठेऊ शकत नसल्याचं पंकजा मुंडेंनी म्हटलं. माझ्यावर इतर कुणाचं कर्ज नाही, तर माझ्यावर कर्ज तुमचं आहे, असं पंकजा मुंडेंनी जनतेला उल्लेखताना म्हटलं.
Pankaja Munde Dasara Melava Live Updates : माझ्यामुळे माझ्या लोकांना त्रास - पंकजा मुंडे
मी लोकांचे पैसे नाही, आशीर्वाद मात्र नक्की घेणार असल्याचं पंकजा मुंडे म्हणाल्या. माझ्या लोकांना माझ्यामुळे फक्त त्रास होत असल्याचं त्या म्हणाल्या. पंकजा मुंडेची निष्ठा इतकी लेचीपेची नाही, माझ्याकडे पद नसतानाही माझी जनता माझ्यासोबत असल्याचं पंकजा मुंडे म्हणाल्या.
महत्त्वाच्या बातम्या
ट्रेंडिंग न्यूज
