कोल्हापुरात वाहून गेले, कर्नाटकात सापडले; 4 महिन्यांनी आढळला मृतदेह, केवळ हाडाचा सांगाडाच
Kolhapur News : कोल्हापूर जिल्ह्यातील अकीवाट येथील ऑगस्ट महिन्यातील महापुरात एक ट्रॅक्टर अपघातात वाहून गेल्याची घटना घडली होती. या घटनेनंतर यांच्या मृतदेहाचे अवशेष 4 महिन्यांनी कर्नाटकात आढळला आहे.
Kolhapur News : कोल्हापूर जिल्ह्यातील अकीवाट (ता. शिरोळ) येथील ऑगस्ट महिन्यातील महापुरात एक ट्रॅक्टर अपघातात वाहून गेल्याची घटना घडली होती. यात इकबाल बाबासो बैरागदार (वय 56) हे देखील वाहून गेले होते. दरम्यान या घटनेनंतर यांच्या मृतदेहाचे अवशेष कर्नाटकातील इंगळी (ता. चिकोडी, जि. बेळगाव) येथे कृष्णा नदीच्या पात्रात सापडला आहे. मृतदेहाजवळ सापडलेल्या मोबाईल, सुपारीच्या डब्याने आणि कपड्यांवरील खुणांवरून त्यांची ओळख पटली आहे.
4 महिन्यांनी आढळला मृतदेह, केवळ हाडाचा सांगाडाच
मिळालेल्या माहितीनुसार, 2 ऑगस्ट 2024 रोजी बैरागदार आणि त्यांचे सहकारी ट्रॅक्टरने बस्तवाड शेताकडे जात असताना पुलावरून ट्रॅक्टर नदीत कोसळला होता. या अपघातात चार जण बचावले, तर सुहास पाटील यांचा उपचारादरम्यान मृत्यू झाला. आण्णासाहेब हसुरे आणि इकबाल बैरागदार वाहून गेले होते. हसुरे यांचा मृतदेह तीन दिवसांत सापडला, मात्र बैरागदार यांचा शोध लागला नव्हता.
शासनाने शोधमोहीम थांबवल्यानंतर बैरागदार यांचे नातेवाईक खचले नाहीत. त्यांनी चार महिन्यांपासून कृष्णा नदीकाठावर पत्रके वाटणे, प्रसिद्धीमाध्यमांतून माहिती देणे, आणि चौकशी करणे असे प्रयत्न सुरू ठेवले. मंगळवारी इंगळी येथे मृतदेहाचे अवशेष सापडल्याचे समजताच नातेवाईकांनी ओळख पटवली. अशातच आता बैरागदार यांच्या मृतदेहावर अकिवाट येथे अंत्यसंस्कार होणार असल्याची माहिती पुढे आली आहे.
मद्यधुंद अवस्थेत असलेल्या कार चालकांची 9 जणांना धडक; चार जण गंभीर जखमी
ठाण्यातील उल्हासनगरच्या कॅम्प नंबर चारच्या व्हीनस चौकात भीषण अपघात झाल्याची घटना आज पहाटेच्या सुमारास घडली आहे. एका मद्यधुंद कार चालकाने भरधाव कार चालवून 9 जणांना धडक दिलीय. यामध्ये चार जण गंभीर जखमी असून त्यांच्यावर विविध रुग्णालयात उपचार सुरू आहेत. याप्रकरणी विठ्ठलवाडी पोलीस ठाण्यात अपघाताचा (हिट अँड रन) गुन्हा दाखल करून पोलिसांनी तपास सुरू केला आहे.
मिळालेल्या माहितीनुसार, आज पहाटे पाचच्या सुमारास हा अपघात झालाय. कार चालक व्हीनस चौक परिसरातून कार भरधाव वेगाने घेऊन जात असताना त्याने रस्त्यावरून जाणाऱ्या रिक्षा आणि काही नागरिकांना जोरदार धडक दिली. कारचालक मद्यधुंद अवस्थेत असल्याने हा अपघात झाल्याची माहिती जखमीने दिलीय. यातील दोघांवर खाजगी तर दोघांवर शासकीय रुग्णालयात उपचार सुरू आहेत. अपघात इतका भीषण होता की कारचा चक्काचुर झालाय. या अपघातात कार चालकासह चार जण गंभीरित्या जखमी झाले असून त्यांच्यावर रुग्णालयात उपचार सुरू आहेत. आता याप्रकरणी विठ्ठलवाडी पोलीस ठाण्यात गुन्हा दाखल करण्यात आला असून पोलीस अधिक तपास करत आहेत.
हे ही वाचा
महत्त्वाच्या बातम्या
ट्रेंडिंग न्यूज
