Electric Car : 412 किमी ताशी वेगासह 'ही' आहे जगातील सर्वात वेगवान इलेक्ट्रिक कार; जाणून घ्या काय आहे या कारचं वैशिष्ट्य

Fastest Electric Car : Rimac Nevera ही हायपरकार केवळ 1.95 सेकंदात 0-100 किमी/ताशी वेग गाठू शकते. या कारमध्ये 4 इलेक्ट्रिक मोटर्स वापरण्यात आल्या आहेत.

Fastest Electric Car

Fastest Electric Car : सध्या ऑटो क्षेत्रात इलेक्ट्रिक वाहनांना (Electric Car) ग्राहकांची जास्त मागणी आहे. इलेक्ट्रिक वाहनांमध्ये मग ते दुचाकी वाहन असो किंवा कार ग्राहक यांची रेंज फार मोठी आहे. मात्र, या इलेक्ट्रिक वाहनांमध्ये सर्वात वेगवान इलेक्ट्रिक कार कोणती हे तुम्हाला माहित आहे का? अशीच एक कार आहे जी जगातील सर्वात जलद गतीने धावणारी कार म्हणून ओळखली जाते. ती कार म्हणजे Rimac Nevera. या कारच्या निर्माता कंपनीने असा दावा केला आहे की, ही कार 412 किमी/तास वेगाने धावू शकते. कंपनीने या इलेक्ट्रिक वाहनाच्या वेगाची चाचणी जर्मनीमधील ऑटोमोटिव्ह टेस्टिंग पॅपेनबर्ग ट्रॅकवर केली आहे. या कारची लांबी 4 किमी आहे. ही कार केवळ 1.95 सेकंदात 0-100 चा वेग पकडू शकते. असा कंपनीने दावा केला आहे. या कारमध्ये आणखी कोणती वैशिष्ट्ये खास आहेत ते पाहा. 

Rimac Nevera कारचा स्पीड किती?

Rimac Nevera या प्रोडक्शनमधील इलेक्ट्रिक कारने एक मैल अंतर पार करणारी सर्वात वेगवान कार असण्याचा मान मिळवला आहे. ही हायपरकार केवळ 1.95 सेकंदात 0-100 किमी/ताशी वेग गाठू शकते. या कारमध्ये 4 इलेक्ट्रिक मोटर्स वापरण्यात आल्या आहेत. ते मिळून ही कार 1,914 bhp इतकी पॉवर जनरेट करते. ज्या ग्राहकांनी ही कार खरेदी केली आहे त्यांना या कारमधून 352 किमी/ताशी इलेक्ट्रॉनिकली-मर्यादित टॉप स्पीड मिळाला आहे. 

जगातील सर्वात वेगवान कार

आजपर्यंत जगातील सर्वात वेगवान कार Koenigsegg Agera RS आहे. या कारची चाचणी 2017 मध्ये झाली होती. चाचणी दरम्यान, या कारने 447.18 किमी / तासाचा वेग प्राप्त केला. या कारची मोटर 1,360 Bhp पॉवर जनरेट करते. दुसरीकडे, सुपर कार निर्माता बुगाटीने 2019 मध्ये त्यांच्या चिरॉन सुपर स्पोर्ट कारची चाचणी केली होती. या दरम्यान, 300 किमी/तास पेक्षा जास्त वेग गाठला गेला. एसएससी तुआतारा कारने 2020 मध्ये 508.73 किमी/ताशी वेग गाठला होता. मात्र, ही कार रस्त्यावर धावण्यास सक्षम नव्हती, त्यामुळे या कारचा वेगवान कार म्हणून उल्लेख केला जाऊ शकत नाही.   

पाहा व्हिडीओ : 

महत्वाच्या बातम्या :