Mahindra Scorpio N चा मोठा विक्रम, अवघ्या 30 मिनिटांत झाली एक लाख कारची बुकिंग, कंपनीने केली 1800 कोटींची कमाई
Mahindra Scorpio N Booking: Mahindra Scorpio-N चे चाहते झपाट्याने वाढत आहेत, नुकत्याच लाँच झालेल्या या कारची क्रेझ इतकी आहे की, बुकिंग विंडो उघडताच अवघ्या 30 मिनिटांच्या आत 1 लाख वाहनांची विक्री झाली आहे.
Mahindra Scorpio N Booking: देशातील आघाडीची वाहन उत्पादक कंपनी महिंद्रा अँड महिंद्राने आपल्या नवीन SUV The All New Scorpio-N ने बाजारात धुमाकूळ घातला आहे. नुकत्याच लाँच झालेल्या या कारची क्रेझ इतकी आहे की, बुकिंग विंडो उघडताच पहिल्या 25000 युनिट्सचे बुकिंग एका मिनिटात झाले. तर पुढील 30 मिनिटांत स्कॉर्पिओ-एनचे एकूण एक लाख युनिट्स बुक झाले आहेत. अवघ्या 30 मिनिटात कंपनीने अंदाजित 1800 कोटी रुपयांची कमाई केली आहे. आतापर्यंत XUV700 SUV बद्दल लोकांमध्ये जबरदस्त क्रेझ होती. मात्र आता Scorpio-N बद्दल ही ग्राहकांची उत्सुकता दिसून आली आहे.
Scorpio-N ने XUV700 ला मागे टाकले
नवीन महिंद्रा स्कॉर्पिओ Z2, Z4, Z6 आणि Z8 सारख्या 4 ट्रिम लेव्हलच्या एकूण 9 प्रकारांमध्ये सादर करण्यात आली आहे. ज्यांच्या किंमती 11.99 लाख ते 19.49 लाख रुपये (एक्स-शोरूम) आहेत. नवीन महिंद्रा स्कॉर्पिओ एन ची डिलिव्हरी 26 सप्टेंबरपासून सुरू होईल. कंपनीने डिसेंबर 2022 पर्यंत 20,000 लोकांपर्यंत Scorpio-N पोहोचवण्याचे लक्ष ठेवले आहे. मात्र Scorpio-N ची ज्या प्रकारे क्रेझ पाहायला मिळत आहे, ते पाहता Scorpio-N ने कंपनीची दुसरी कार SUV XUV700 ला वेटिंग पिरिअडमध्ये मागे टाकले आहे. सध्या महिंद्रा स्कॉर्पिओ-N साठी प्रतीक्षा कालावधी 2024 पर्यंत वाढवण्यात आला आहे.
इंजिन
ही SUV 2.0-लीटर Amstallion टर्बो पेट्रोल आणि 2.2 liter mHawk डिझेल या दोन इंजिन पर्यायांमध्ये उपलब्ध असेल. पेट्रोल इंजिन 200PS कमाल पॉवर आणि 380 Nm चा पीक टॉर्क निर्माण करू शकते, तर डिझेल इंजिन 175PS कमाल पॉवर आणि 400 Nm पीक टॉर्क निर्माण करण्यास सक्षम आहे. हे इंजिन 6-स्पीड मॅन्युअल ट्रान्समिशन आणि इन-क्लास शिफ्ट-बाय-केबल तंत्रज्ञानानं सुसज्ज 6-स्पीड ऑटोमॅटिक ट्रान्समिशनच्या पर्यायात उपलब्ध असतील.
फीचर्स
Mahindra Scorpio-N ला 7-इंच फुल डिजिटल इन्स्ट्रुमेंट कन्सोल, एअर प्युरिफायर, स्टीयरिंग माउंटेड कंट्रोल्स, प्रीमियम 3D सोनी साउंड सिस्टम, बॉक्सी सिल्हूटसह ड्युअल-झोन क्लायमेट कंट्रोल फ्रंट बंपर आणि केबिनमध्ये नवीन फ्रंट फॅशिया मिळाला आहे. 18-इंच ड्युअल-टोन अॅलॉय व्हील मोठ्या चाकांच्या कमानीसह ऑफर केले जातात. सुरक्षिततेसाठी, नवीन Scorpio N मध्ये हिल डिसेंट असिस्ट, 6 एअरबॅग्ज, ट्रॅक्शन कंट्रोल, EBD सह ABS, ISOFIX चाइल्ड सीट माउंट, इलेक्ट्रॉनिक स्टॅबिलिटी प्रोग्राम, हिल होल्ड कंट्रोल यांसारख्या वैशिष्ट्यांचा समावेश आहे.
संबंधित बातम्या:
Mahindra कडून Scorpio N ऑटोमॅटिक आणि 4WD व्हेरियंटची किंमत जाहीर, जाणून घ्या
Car : Mahindra Scorpio N की XUV700 कोणती कार सर्वात भारी?
Before You Go
Vande Mataram Special Report : वंदे मातारमबाबत काँग्रेसचा ठराव, अमित शाहांचा हल्लाबोल
महत्त्वाच्या बातम्या
