अवघ्या 4.5 लाखात घरगुती इलेक्ट्रिक कार, 5 रुपयात 60 किमीची रेंज
Electric Car: गरज ही शोधाची जननी आहे असं म्हणतात. पेट्रोल आणि डिझेलच्या वाढत्या किमतीच्या काळात या महागाईतून जनतेला दिलासा मिळू शकेल अशा साधनांची गरज आहे.
Electric Car: गरज ही शोधाची जननी आहे असं म्हणतात. पेट्रोल आणि डिझेलच्या वाढत्या किमतीच्या काळात या महागाईतून जनतेला दिलासा मिळू शकेल अशा साधनांची गरज आहे. हीच गरज लक्षात घेऊन केरळमधील एका 67 वर्षीय व्यक्तीने अवघ्या 5 रुपयांत 60 किमीचा प्रवास करणारी इलेक्ट्रिक कार बनवली आहे.
केरळच्या कोल्लम जिल्ह्यात राहणाऱ्या अँटोनी जॉनने हा पराक्रम केला आहे. त्याने आपल्या घरी इलेक्ट्रिक कार डिझाईन केली आहे. ते तयार करण्यासाठी त्यांना साडेचार लाख रुपये खर्च आला आहे. या गाडीत 2-3 जण बसू शकतात. या कारचे सर्वात मोठे वैशिष्ट्य म्हणजे ही कार केवळ 5 रुपयांमध्ये 60 किलोमीटर धावू शकते.
व्हिलेज वरथा या मल्याळम भाषेतील यूट्यूब चॅनलने अँटोनी जॉनने डिझाइन केलेल्या कारची कथा शेअर केली आहे. करिअर सल्लागार असलेले अँटोनी जॉन यांना त्यांच्या कार्यालयात पोहोचण्यासाठी दररोज 60 किलोमीटरचा प्रवास करावा लागतो. ऑफिसला जाण्यासाठी ते इलेक्ट्रिक स्कूटर वापरत असे. मात्र कडक ऊन, पाऊस अशा खराब हवामानात त्यांना इलेक्ट्रिक स्कूटरवरून ये-जा करताना त्रास सहन करावा लागत होतो.
या समस्यांपासून सुटका मिळवण्यासाठी अँटोनी जॉन यांनी सन 2018 साली इलेक्ट्रिक कार बनवण्याचे काम सुरू केले. अँटनी जॉनने इलेक्ट्रिक कार बनवण्यासाठी सर्व माहिती आणि साहित्य गोळा करण्यास सुरुवात केली. या कामासाठी त्यांनी एका गॅरेजशी संपर्क केला. गॅरेजच्या मेकॅनिक्ससोबत मिळून त्यांनी इलेक्ट्रिक कारची रचना केली आणि मेकॅनिक्ससोबत मिळून कार बनवण्याचे काम सुरू केले.
अनेक वर्षांच्या मेहनतीनंतर अँटोनी यांची मेहनत फळाला आली आणि त्यांची इलेक्ट्रिक कार तयार झाली. या कार मध्ये सामान्य कार प्रमाणे स्टीयरिंग, ब्रेक, क्लच, एक्सीलरेटर, हेडलाइट्स आणि इंडिकेटर यांसारखी सर्व वैशिष्ट्ये आहेत. ड्रायव्हिंग सीटच्या मागे दोन लोकांसाठी बसण्याची जागा आहे. या कारचा कमाल वेग ताशी 25 किलोमीटर आहे आणि त्यातील बॅटरीची रेंज 60 किलोमीटर आहे. बॅटरी घरीच चार्ज करता येते आणि ती पूर्ण चार्ज होण्यासाठी जास्त वेळ लागत नाही.
अँटनी यांनी सांगितले की, ही इलेक्ट्रिक कार बनवण्यासाठी 4.5 लाख रुपये खर्च झाले आहेत पण आपण मिळवलेल्या यशाने आपण समाधानी असून लवकरच दुसऱ्या इलेक्ट्रिक वाहनावर काम करण्याचा मनोदय त्यांनी व्यक्त केला आहे.
Before You Go
Nashik Potholes Special Report:नाशिकच्या खड्ड्यांवरुन राजकारण तापलं, राऊतांची टीका, महाजनांचा पलटवार
महत्त्वाच्या बातम्या
