मटण खाऊन आलास, म्हणून भारत फायनलमध्ये हरला, लहान भावाची हत्या, महाराष्ट्र हादरला!
अमरावतीतल्या अंजनगाव बारीत धक्कादायक घटना घडली. वर्ल्डकप हरल्याच्या रागात मोठ्या भावानं सख्ख्या लहान भावाची हत्या केली आहे.
Amravati Crime News : टीम इंडियाचा (Team India) वर्ल्डकप फायनलमध्ये (ICC World Cup 2023 Final) पराभव झाला आणि देशातील 140 कोटी जनतेचा हिरमोड झाला. संपूर्ण देशाचे डोळे पाणावले. वर्ल्डकप सुरू झाल्यापासूनच फॉर्मात असलेल्या टीम इंडियाचा फायनलमधला परफॉरमन्स अनेकांना पचवताच आला नाही. वर्ल्डकप हरल्याच्या रागात अमरावतीत (Amravati) तर एक धक्कादायक घटना घडली आहे. वर्ल्डकप हरल्यामुळे दोन भावांमध्ये वाद झाला आणि वाद एवढा विकोपाला गेला की, मोठ्या भावानं रागाच्या भरात स्वतःच्या सख्ख्या लहान भावाची हत्या केली आहे.
आपणच वर्ल्डकप जिंकणार असा विश्वास असलेल्या प्रत्येकाचाच अपेक्षाभंग झाला आणि कांगारूंनी मोठ्या शिताफिनं टीम इंडियाकडून वर्ल्डकप हिसकावला. अनेकांना हा पराभव पचवणं कठिण गेलं. काही धायमोकलून रडले, तर काहींनी थेट गोंधळ घातला, कोणी टीव्ही फोडला, तर कोणी आदळआपट करुन राग काढला. अमरावतीत मात्र धक्कादायक प्रकार घडला. वर्ल्डकप हरल्यामुळे दोन भावांमध्ये वाद झाला आणि वाद विकोपाला गेल्यानं भावानंच भावाची हत्या केली.
अमरावतीतल्या अंजनगाव बारीत धक्कादायक घटना घडली. अमरावतीतल्या अंजनगाव बारीत ही धक्कादायक घटना घडली आहे. मटण खाऊन आले म्हणून भारत हरला, असं म्हणत दोन सख्ख्या भावाभावांमध्ये वाद झाला. रागाच्या भरात मोठ्या भावानं सख्ख्या लहान भावावर लोखंडी सळईनं हल्ला केला. यामध्ये लहान भावाचा मृत्यू झाला. तर वडील गंभीर जखमी झाले आहेत.
प्रकरण नेमकं काय?
टीम इंडिया आणि ऑस्ट्रेलिया हा वर्ल्डकपचा अंतिम सामना आपण गमावला. तुम्ही मटण खाऊन आले म्हणूनच आपण हरलो, असं म्हणत अमरावती जिल्ह्यातील बडनेरा पोलीस ठाण्याच्या हद्दीत येणाऱ्या अंजनगाव बारी येथे एका घरी वाद झाला. वादातून मोठ्या भावानं आपला सख्ख्या लहान भाऊ आणि वडिलांवर हल्ला केला. या मारहाणीत अंकित इंगोले (वय 28) याचा मृत्यू झाला तर वडील रमेश इंगोले गंभीर जखमी झाले आहेत. पोलिसांनी मोठ्या भावाला तात्काळ अटक केली आहे. दरम्यान, अमरावतीच्या अंजनगाव बारी येथील या धक्कादायक घटनेनं खळबळ उडाली आहे, तर यात मोठा भाऊ प्रवीण यास पोलिसांनी अटक केली आहे.
महत्त्वाच्या इतर बातम्या :
महत्त्वाच्या बातम्या
