Amravati News : 'जिल्हाधिकाऱ्यांनी दिली उद्धट वागणूक' ,अमरावतीमधील जिल्हाधिकारी कार्यालयावर धडकलेल्या प्रहार संघटना आणि संत्रा उत्पादक शेतकऱ्यांचा आरोप

Amravati News : अमरावतीमध्ये सत्र्याच्या मुद्द्यावर प्रहार संघटना आक्रमक झाल्याचं पाहायला मिळालं आहे.

Amravati News

अमरावती : अमरावती (Amravati) जिल्ह्यात संत्र्याच्या (Orange) मुद्द्यावर प्रहार संघटना आक्रमक झाल्याचं पाहायला मिळालं आहे. त्याच पार्श्वभूमीवर प्रहार संघटनेच्या (Prahar) वतीने जिल्हाधिकाऱ्यांच्या कार्यालयावर धडक देण्यात आली. यावेळी जिल्हाधिकारी आमच्याशी उद्धटपणे वागल्याचं यावेळी प्रहार संघटना आणि शेतकऱ्यांनी सांगितलं आहे. ज्यावेळी या कार्यकर्त्यांनी जिल्हाधिकारी कार्यालयाला धडक दिली त्यावेळी पोलिसांसोबत देखील या कार्यकर्त्यांची बाचाबाची झाली. शेवटी पोलिसांनी त्यापैकी पाच जणांना आतमध्ये सोडलं. पण त्यावेळी जिल्हाधिकाऱ्यांनी आम्हाला उद्धटपणे वागणूक दिल्याचं या कार्यकर्त्यांनी म्हटलं आहे. 

प्रहार संघटना आक्रमक

विदर्भातील मुख्य आर्थीक उत्पन्न देणाऱ्यांपैकी संत्र एक आहे. पण बदलेल्या हवामानामुळे आणि दरवर्षी होणाऱ्या फळगळतीमुळे संत्रा उत्पादक शेतकरी अत्यंत अडचणीत सापडल्यांचं चित्र आहे. त्यामुळे त्यांना अनेक अडचणींचा सामना करावा लागत आहे. त्यातच आता बांग्लादेश सरकारने आयात शुल्क वाढ केल्याने संत्रा निर्यात जवळपास बंद झाली आहे. विदर्भातील संत्र्याकरीता बांगलादेश हा एकमेव आयात करणारा देश आहे. संत्रानिर्यात झाल्यास स्थानिक बाजारपेठांमध्ये शेतकऱ्यांना संत्र्यासाठी चांगला दर मिळतो.  परंतु आता जवळपास निर्यात बंद झाल्याने स्थानिक बाजारपेठेत देखील संत्र्यांचे दर घटले आहेत. 

हवामानातील बदलांमुळे दरवर्षी सुरु असणारी वाढती फळगळ, उत्पादन खर्चात झालेली प्रचंड वाढ यामुळे आधीच संत्रा उत्पादक शेतकरी अडचणीत आला आहे. तेव्हा संत्रा उत्पादक शेतकऱ्यांना भरीव मदत करण्याकरिता ऊस उत्पादक शेतकऱ्यांच्या साखर निर्यातीला देण्यात येत असेलल्या अनुदानाच्या पार्श्वभूमीवर संत्रा निर्यातदारांना देखील अनुदान देण्यात यावे अशी मागणी संत्रा उत्पादक शेतकरी सध्या करत आहेत. त्याच पार्श्वभूमीवर प्रहार संघटना आता आक्रमक झाल्याचं पाहायला मिळत आहे. त्यामुळे प्रहार संघटनेच्या कार्यकर्त्यांनी जिल्हाधिकारी कार्यालयावर धडक दिली. 

कोणत्या आहेत प्रमुख मागण्या?

बांगलादेशात जाणाऱ्या संत्र्यावरील निर्यात शुल्क हटविणे, महाराष्ट्र ग्रामीण रोजगार हमी योजनेअंतर्गत संत्रा फळ पिकाचे वयोमर्यादेनुसार कोणतीही दोन वर्षात आंतर मशागतीसाठी अनुदान द्यावे, सोबतच सोयाबीन आणि मागील संत्रा फळाचे अनुदान मिळावे याकरिता प्रहार जनशक्ती पक्षाचे कार्यकर्ते जिल्हाधिकारी कार्यालयावर धडकले. 

 संत्रा उत्पादक शेतकऱ्यांच्या प्रश्नावरुन  माजी मंत्री बच्चू कडू यांचा प्रहार जनशक्ती पक्ष आक्रमक झाला आहे. संत्रा उत्पादक शेतकऱ्यांना न्याय देण्यासाठी प्रहार संघटनेच्या वतीनं अमरावतीच्या जिल्हाधिकारी कार्यालयावर धडक मोर्चा काढण्यात आला आहे. यावेळी मोठ्या सख्येनं कार्यकर्ते या मोर्चात सहभागी झाले आहेत.  

हेही वाचा: