नगरमध्ये शिंदेंच्या शिवसेनेत मोठा बदल, दिलीप सातपुतेंना पदावरून हटवलं, सचिन जाधवांकडे शहर प्रमुखपदाची जबाबदारी

Ahmednagar News : शहर शिवसेनाप्रमुख दिलीप सातपुते यांना पदावरून हटविण्यात आले असून सचिन जाधव यांची शहर शिवसेनाप्रमुखपदी नियुक्ती करण्यात आली. विधानसभेच्या पार्श्वभूमीवर ही खांदेपालट करण्यात आली.

Dilip Satpute and Sachin Jadhav

अहमदनगर : आगामी विधानसभा निवडणुकीच्या (Vidhan Sabha Election) पार्श्वभूमीवर नगर शहर शिवसेना शिंदे गटात (Shivsena Shinde Camp) मोठा बदल करणात आला आहे. शहर शिवसेनाप्रमुख दिलीप सातपुते (Dilip Satpute) यांना पदावरून हटविण्यात आले असून मुख्यमंत्री एकनाथ शिंदे (CM Eknath Shinde) यांच्या आदेशानुसार नगर शहराच्या प्रमुखपदी सचिन जाधव (Sachin Jadhav) यांची नियुक्ती करण्यात आली आहे.

एकनाथ शिंदे यांच्या नेतृत्वाखाली आमदारांनी उद्धव ठाकरे (Uddhav Thackeray) यांची साथ सोडून भाजपाशी (BJP) हातमिळवणी केली. त्यानंतर पक्ष आणि चिन्ह शिंदे गटाला मिळाले. त्यानंतर दिलीप सातपुते यांची नगर शहरप्रमुख म्हणून नियुक्ती करण्यात आली होती. आता आगामी विधानसभा निवडणुकीच्या पार्श्वभूमीवर शहर संघटनेत खांदेपालट करण्यात आली आहे. 

सचिन जाधव यांची नगर शहरप्रमुख नियुक्ती

संपर्क प्रमुखपदाची धुरा सांभाळणारे सचिन जाधव यांच्यावर नगर शहरप्रमुख म्हणून जबाबदारी सोपवण्यात आली आहे. एक वर्षासाठी ही नियुक्ती करण्यात आल्याचे आदेशात म्हटले आहे. शहरात संघटना बांधणीसाठी प्रयत्न करणार आहे. तसेच, नगर शहर हा शिवसेनेचा (Shiv Sena) बालेकिल्ला असल्याने नगरची जागा शिवसेनेला मिळावी, यासाठी पक्षाकडे आग्रह धरणार असल्याचे जाधव यांनी यावेळी सांगितले आहे.

इतर महत्वाच्या बातम्या