Travel : काय सांगता! भारतीय रेल्वेकडून चक्क परदेश वारीची संधी! तेही बजेटमध्ये..ऑगस्टमध्ये 'बाली' टूर पॅकेज प्लॅन करा.

Travel : IRCTC ने नुकतेच परदेशातील एक पॅकेज लाँच केले आहे, ज्यामध्ये तुम्ही बजेटमध्ये प्रवास करू शकता. पॅकेजची संपूर्ण माहिती जाणून घ्या.

Travel lifestyle marathi news Opportunity to travel abroad from Indian Railways

Travel : भारतीय रेल्वेकडून कमी बजेटमध्ये भारतातील विविध ठिकाण एक्सप्लोर करण्याची संधी दिली जाते. भारतीय रेल्वे IRCTC च्या माध्यमातून तुम्ही केवळ देशातच नाही तर परदेशातही प्रवास करण्यासाठी प्लॅन करू शकता. हो.. हे खरंय... कारण भारतीय रेल्वे म्हणजेच IRCTC कडून ऑगस्टमध्ये परदेशात जाण्याची संधी मिळणार आहे. आणि विशेष म्हणजे तुम्ही परदेशात तुमच्याच बजेटमध्ये जाऊ शकता. कसं ते जाणून घ्या सविस्तर...

 

ट्रॅव्हल प्रेमींसाठी सुवर्णसंधी..!

अलीकडेच IRCTC ने आपल्या सोशल मीडियावर बाली टूर पॅकेजची माहिती शेअर केली आहे. ऑगस्टमध्ये तुम्ही बालीच्या सुंदर ठिकाणांना भेट देऊ शकता. या पॅकेजमध्ये प्रवासापासून ते निवास आणि जेवणापर्यंत सर्व गोष्टींचा समावेश आहे. तुम्ही ते IRCTC च्या अधिकृत साइटवरून बुक करू शकता.

 

IRCTC ने नुकतेच एक पॅकेज लाँच केले

बाली हे अतिशय सुंदर ठिकाण आहे. हे डेस्टिनेशन नक्कीच ट्रॅव्हल प्रेमींच्या यादीत समाविष्ट आहे, म्हणून जर तुम्ही बालीच्या सौंदर्याचा शोध घेण्याचा विचार करत असाल, तर IRCTC ने नुकतेच एक पॅकेज लाँच केले आहे ज्यामध्ये तुम्ही प्रवास बजेटमध्ये करू शकता. पॅकेजची संपूर्ण माहिती जाणून घ्या.

पॅकेज कालावधी- 5 रात्री आणि 6 दिवस

प्रवास मोड- फ्लाइट

तुम्ही कधी प्रवास करू शकाल – 28 ऑगस्ट 2024

 

 

Has Bali been on your bucket list for long?

It's time to check it off your bucket list with our Blissful Bali (NDO28) tour starting on 28th August 2024 with a flight from #Delhi.

Explore the island's rich culture and beautiful sights over the course of 5 nights and 6 days,… pic.twitter.com/FaWTFgUXnP

— IRCTC (@IRCTCofficial) May 15, 2024

 

तुम्हाला 'या' सुविधा मिळतील

राहण्यासाठी हॉटेलची सोय असेल.

जेवणाची सुविधा उपलब्ध असेल.

तुम्हाला ट्रॅव्हल इन्शुरन्सची सुविधाही मिळेल.

प्रवासासाठी इतके शुल्क आकारले जाईल

या ट्रिपमध्ये तुम्ही एकटे प्रवास करत असाल तर तुम्हाला 97,000 रुपये मोजावे लागतील.

तर दोन लोकांना प्रति व्यक्ती 91,000 रुपये द्यावे लागतील.

तीन लोकांना प्रति व्यक्ती 91,000 रुपये फी भरावी लागेल.

तुम्हाला मुलांसाठी वेगळी फी भरावी लागेल. बेडसाठी (5-11 वर्षे) तुम्हाला 82,000 रुपये द्यावे लागतील आणि बेडशिवाय तुम्हाला 78,000 रुपये द्यावे लागतील.

IRCTC ने ट्विट करून माहिती दिली

IRCTC ने या टूर पॅकेजची माहिती देणारे ट्विट शेअर केले आहे. ज्यामध्ये असे म्हटले आहे की, जर तुम्हाला बालीचे सुंदर दृश्य पहायचे असेल तर तुम्ही IRCTC च्या या अप्रतिम टूर पॅकेजचा लाभ घेऊ शकता.

 

तुम्ही असे बुकिंग करू शकता

तुम्ही या टूर पॅकेजसाठी IRCTC च्या अधिकृत वेबसाइटवरून बुक करू शकता. याशिवाय, IRCTC पर्यटक सुविधा केंद्र, क्षेत्रीय कार्यालये आणि प्रादेशिक कार्यालयांमधूनही बुकिंग करता येते. पॅकेजशी संबंधित अधिक माहितीसाठी, तुम्ही IRCTC अधिकृत वेबसाइटला भेट देऊ शकता.

 

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )