Travel :  एक उनाड दिवस! वन डे पिकनिक मध्ये रिलॅक्स व्हाल! नाशिकच्या 'या' ठिकाणांचं सौंदर्य काही मिनिटांत भुरळ घालेल

Travel : आज आम्ही तुम्हाला नाशिकच्या आजूबाजूच्या काही अद्भुत ठिकाणांबद्दल सांगणार आहोत, ज्या तुम्ही एका दिवसाच्या सहलीत पाहू शकता. जेणेकरून तुम्ही रिलॅक्स व्हाल

Travel lifestyle marathi news Check out these amazing places in

Travel : रोजच्या धकाधकीच्या जीवनाला माणूस कंटाळतो.. नाही का? दोन क्षण निवांत, रिलॅक्स मिळावे यासाठी माणून सुखाच्या शोधात भटकंती करतो. पण आज आम्ही तुम्हाला महाराष्ट्रातील अशा एका ठिकाणाबद्दल सांगत आहोत. जिथे तुम्ही एक उनाड दिवस तुमच्या मर्जीप्रमाण जगू शकता. तुम्ही एका दिवसात सहल पूर्ण करू शकता. तसेच विविध ठिकाणं एक्सप्लोर करून रिलॅक्स होऊ शकता. यामुळे तुमचा थकवा दूर पळून जाईल, जाणून घ्या या ठिकाणांबद्दल

एका दिवसाच्या सहलीत नाशिकमधील ही ठिकाणं पाहून थकवा होईल दूर

नाशिक हे महाराष्ट्रातील एक प्रसिद्ध आणि लोकप्रिय शहर आहे. नाशिक शहराच्या आजूबाजूला अनेक अद्भुत आणि आश्चर्यकारक ठिकाणे आहेत, जी तुम्ही एका दिवसाच्या सहलीत शोधू शकता. या प्रसिद्ध शहरामध्ये दर 12 वर्षांनी भरणाऱ्या कुंभमेळ्याचेही आयोजन केले जाते. नाशिक हे गोदावरी नदीच्या काठावर वसलेले आहे. नदीच्या काठावरचे स्थान आणि येथे असलेली अनेक पवित्र मंदिरे यामुळे दररोज हजारो देशी-विदेशी पर्यटक भेटीसाठी येतात. नाशिक हे धार्मिक कारणांमुळे पर्यटकांमध्ये खूप प्रसिद्ध आहे हे खरे आहे, पण तुम्हाला तुमची नाशिकची सहल आणखी मजेशीर बनवायची असेल तर हा लेख जरूर वाचा. या लेखात, आम्ही तुम्हाला नाशिकच्या आजूबाजूच्या काही अद्भुत ठिकाणांबद्दल सांगणार आहोत, ज्या तुम्ही एका दिवसाच्या सहलीत पाहू शकता.

 

रतनवाडी

नाशिकच्या आजूबाजूला असलेल्या कोणत्याही सुंदर आणि मनमोहक ठिकाणाला भेट द्यायची झाली तर त्यात रतनवाडीचे नाव नक्कीच येते. महाराष्ट्रातील अहमदनगर जिल्ह्यात असलेले हे एक सुंदर गाव आहे, ज्याचे सौंदर्य तुम्हाला काही मिनिटांत भुरळ घालेल. रतनवाडी हा डोंगराळ भाग असल्याने येथे दररोज हजारो पर्यटक येतात. रतनवाडीत तुम्हाला सर्वत्र हिरवळ दिसेल. मे आणि जून-जुलैच्या कडाक्याच्या उन्हातही इथलं वातावरण एकदम आल्हाददायक असतं. रतनवाडीमध्ये तुम्ही रतनगड किल्ला आणि आर्थर लेक यासारखी अद्भुत ठिकाणे पाहू शकता. येथे तुम्ही ट्रेकिंग आणि हायकिंगचाही आनंद घेऊ शकता.

अंतर- नाशिकच्या मुख्य शहरापासून रतनवाडीचे अंतर सुमारे 85 किमी आहे.

सापुतारा

तसं पाहायला गेलं तर सापुतारा हे महाराष्ट्रातील एक ठिकाण नाही, तुमच्या माहितीसाठी आम्ही तुम्हाला सांगतो की हे सुंदर ठिकाण गुजरातमध्ये आहे. नाशिकपासून जवळ असल्याने येथे अनेक लोक येत असतात. सापुतारा हे गुजरातचे एकमेव हिल स्टेशन मानले जाते, जे महाराष्ट्राच्या सीमेवर आहे. होय, हे महाराष्ट्राच्या सीमेवर सह्याद्रीच्या पर्वतराजीत वसलेले एक सुंदर हिल स्टेशन आहे. निसर्गप्रेमींसाठी हे एखाद्या सुंदर स्वर्गापेक्षा कमी नाही. कडक उन्हातही येथील तापमान 30 डिग्री सेल्सियसच्या आसपास असते.

अंतर- नाशिक ते सापुतारा हे अंतर सुमारे 91 किमी आहे.

सिल्वासा

सिल्वासा एक असे ठिकाण आहे. जिचे सौंदर्य जाणून घेतल्यावर प्रत्येकाला भेट द्यायला आवडेल. होय, दमण आणि दीवमध्ये असलेले सिल्वासा हे एक अद्भुत ठिकाण आहे, जिथे भेट देणे एक वेगळाच आनंद आहे. सिल्वासा हे पोर्तुगीज संस्कृतीने प्रेरित असलेले सुंदर शहर आहे. सिल्वासा केवळ दमण आणि दीवचेच नव्हे तर आसपासच्या राज्यांचेही सौंदर्य वाढवते. निसर्गप्रेमींसाठी सिल्वासा एखाद्या सुंदर स्वर्गापेक्षा कमी नाही. तुम्हाला तुमची उन्हाळी सुट्टी नाशिकच्या गजबजाटापासून दूर शांत ठिकाणी घालवायची असेल तर तुम्ही इथे नक्की पोहोचले पाहिजे.

अंतर- नाशिक ते सिल्वासा हे अंतर सुमारे 127 किमी आहे.

डहाणू

जर तुम्ही नाशिकहून एका दिवसाच्या सहलीवर अरबी समुद्राला भेट देण्याचा विचार करत असाल तर तुम्ही डहाणूला पोहोचावे. होय, आगर सागरच्या काठावर वसलेले डहाणू हे महाराष्ट्रातील प्रसिद्ध आणि लोकप्रिय पर्यटन स्थळ आहे. अरबी समुद्राच्या किनाऱ्यावर वसलेले डहाणूचे सौंदर्य इतके लोकप्रिय आहे की, महाराष्ट्राच्या कानाकोपऱ्यातून पर्यटक येथे मौजमजा करण्यासाठी येतात. हे एक शांत ठिकाण देखील आहे. डहाणूमध्ये, तुम्ही डहाणू बीच, महालक्ष्मी मंदिर, बोर्डी बीच आणि डहाणू किल्ला यासारखी अद्भुत ठिकाणे देखील पाहू शकता. डहाणू बीच किंवा बोर्डी बीचवरून तुम्ही आश्चर्यकारक सूर्योदय आणि सूर्यास्त पाहू शकता.

अंतर- नाशिक ते डहाणू हे अंतर सुमारे 147 किमी आहे.

 

 

 

टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )

हेही वाचा>>>