Relationship Tips : 'मित्र वणव्यामध्ये गारव्यासारखा!' पण बनावट मैत्री कशी ओळखाल? वेळ, आयुष्य दोन्ही खराब करू शकतात.

Relationship Tips : आयुष्यात काही मित्र असेही असतात जे तुमचा वेळ, आयुष्य दोन्ही खराब करू शकतात. ज्याच्यासोबत तुम्ही आनंदी नसाल तर अशा मित्रांपासून अंतर ठेवणे चांगले.

Relationship Tips lifestyle marathi news How to recognize fake friendship

Source : Other

Relationship Tips : दुःख अडवायला उभऱ्यासारखा...मित्र वणव्यामध्ये गारव्यासारखा..! सोशल मीडियावर गाजलेले हे गाणे सर्वांनाच माहित आहे. या गाण्याचा अर्थ खरंच खूप सुंदर आहे. मित्र हा असतोच असा, जो आपलं दु:ख अडवून एखाद्या पर्वताप्रमाणे आपल्यासोबत खंबीर उभा राहतो. प्रत्येकाच्या आयुष्यात चांगला मित्र महत्त्वाचा असतो. आयुष्यात एक मित्र असा असतो, ज्याच्यासोबत तुम्ही आयुष्यातील सर्व सुख, दु:ख आणि तक्रारी शेअर करू शकता, पण दुसरीकडे, आयुष्यात काही मित्र असेही असतात जे तुमचा वेळ, आयुष्य दोन्ही खराब करू शकतात. एक असा मित्र, ज्याच्यासोबत तुम्ही आनंदी नसाल तर अशा मित्रांपासून अंतर ठेवणे चांगले. जाणून घ्या बनावट मैत्री कशी ओळखायची?

अशा मैत्रीचा फायदा काय?

काही लोकांचे मित्र मंडळ खूप मोठे असते. केवळ शाळा, महाविद्यालयातच नाही तर ऑफिस आणि प्रवासातही ते सर्वांशी सहज मैत्री करतात, पण जेव्हा जेव्हा त्यांना संकटात मित्राची साथ लागते तेव्हा कोणीही त्यांच्या पाठीशी उभे राहत नाही. अशा मैत्रीचा फायदा काय? मात्र काही मित्र तुम्हाला सांगत राहतात किंवा त्यांच्या बोलण्यातून, कृतीतून दाखवत असतात की ते फक्त त्यांच्या स्वार्थासाठी तुमच्याशी जोडलेले आहेत. आपण फक्त त्यांना ओळखणे आवश्यक आहे. अशा मित्रांसोबत राहणे म्हणजे तुमचा मौल्यवान वेळ वाया घालवण्यासारखे आहे. शक्य तितक्या लवकर त्यांच्यापासून अंतर ठेवा.

 

बनावट मैत्री कशी ओळखाल?

असे मित्र ज्यांच्यासाठी तुम्ही नेहमी एका पायावर उभे राहता, पण जेव्हा तुम्हाला त्यांची गरज असते, तेव्हा त्यांच्याकडे नेहमीच काहीतरी निमित्त तयार असते. अशा मित्रांपासून शक्य तितक्या लवकर स्वतःला दूर करा.

तुमचा व्देश करणाऱ्या मित्रांपासून दूर राहा. तुमच्या आनंदात सहभागी होण्याऐवजी तुमच्याशी स्पर्धा करा. निरोगी स्पर्धेमध्ये काहीही नुकसान नाही, परंतु जर ती स्पर्धा तुम्हाला त्रास देत असेल तर अशा मित्रांना अनावश्यक ताण घेण्यापेक्षा लांबून नमस्कार करणे चांगले आहे.

असे लोक, जे तुमच्या कामाचे आणि कर्तृत्वाचे कौतुक करण्याऐवजी त्यांची खिल्ली उडवतात, ते तुम्हाला मूर्ख बनवितात. अशा लोकांना सोबत घेऊन काही उपयोग नाही.

जर तुम्हाला तुमच्या मित्रासमोर व्यक्त होण्यास सक्षम वाटत नसेल. ते तुमचा न्याय करतील की काय अशी भीती आहे, मग अशा मैत्रीचा काय उपयोग. चांगली मैत्री म्हणजे प्रत्येक सुख-दु:ख वाटून घेणे.

असा मित्र ज्याच्या सोबत असूनही आनंद वाटत नाही, मन शांत होत नाही. यावरून तुम्ही चुकीच्या व्यक्तीशी मैत्री जपत आहात हे देखील दिसून येते.

 

हेही वाचा>>>

 

 

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )