Iron Rich Food : लाल रंगाची फळं आहेत आरोग्याचा खजिना, लोहाची कमतरता दूर होण्याबरोबरच पाहा फायदे
Iron Rich Food : लाल रंगाची फळं आणि भाज्यांमध्ये लोह चांगल्या प्रमाणात आढळते. त्यामुळे हिमोग्लोबिन वाढते आणि रक्ताची कमतरता पूर्ण होते.
Iron Rich Food : शरीर निरोगी ठेवण्यासाठी रंगीबेरंगी फळं आणि भाज्या खाव्यात. तुमच्या आहारात हिरवी, लाल, पिवळी, नारंगी फळे आणि भाज्यांचा समावेश असावा. यातून शरीराला आवश्यक असलेले सर्व जीवनसत्त्व आणि इतर पोषक तत्त्व मिळतात. लाल रंगाची फळं आणि भाज्या खाल्ल्यास शरीरातील रक्ताची कमतरता दूर होऊ शकते. लाल रंगाची फळं आणि भाज्यांमध्ये लोह चांगल्या प्रमाणात आढळते. त्यामुळे हिमोग्लोबिन वाढते आणि रक्ताची कमतरता पूर्ण होते. ही लाल रंगाची फळे आणि भाज्या त्वचेला निरोगी आणि चमकदार बनवण्यास मदत करतात. लाल रंगाची फळे आणि भाज्या खाल्ल्याने उच्च कोलेस्ट्रॉल, मधुमेह आणि ऑस्टिओपोरोसिस रोगांचा धोका कमी होतो. याचे फायदे काय आहे ते पाहा.
लाल रंगाची फळे आणि भाज्यांचे फायदे
1. बीट - गडद लाल बीटमध्ये भरपूर लोह असते. यामध्ये अँटीऑक्सिडंट्स मुबलक प्रमाणात आढळतात. बीटरूटमध्ये फायबर, पोटॅशियम, व्हिटॅमिन सी, नायट्रेट्स आणि फोलेट भरपूर प्रमाणात असते. बीटरूट रक्तदाब कमी करण्यास मदत करते.
2. टोमॅटो - टोमॅटोमध्ये लाइकोपीनचे प्रमाण जास्त असते, जे प्रोस्टेट कर्करोग, अन्ननलिका कर्करोग आणि कोलन कर्करोग दूर करण्यास मदत करते. टोमॅटोमध्ये व्हिटॅमिन सी देखील आढळते. त्वचा सुंदर करण्यासाठी टोमॅटोचा आहारात समावेश करा.
3. डाळिंब - लाल रंगाच्या फळांमध्ये डाळिंबाचा समावेश होतो. डाळिंबात भरपूर प्रमाणात अँटीऑक्सिडंट असतात, ज्यामुळे कर्करोगाचा, विशेषतः प्रोस्टेट कर्करोगाचा धोका कमी होतो. डाळिंबात दाहक-विरोधी संयुगे असतात जे सूज कमी करतात. डाळिंब खाल्ल्याने अॅनिमिया दूर होण्यास मदत होते आणि ऑक्सिडेटिव्ह ताण टाळता येतो.
4. टरबूज - टरबूज खाल्ल्याने अनेक आरोग्यदायी फायदे होतात. टरबूजमध्ये लायकोपीन आढळते. ज्यामुळे हृदयविकाराचा धोका कमी होतो. टरबूज खाल्ल्याने एलडीएल कोलेस्ट्रॉल कमी होते, ज्यामुळे स्ट्रोकचा धोका कमी होतो. टरबूज खाल्ल्याने मॅक्युलर डिजेनेरेशन आणि लठ्ठपणाचा धोकाही कमी होतो.
5. सफरचंद - सफरचंद हे आरोग्यासाठी सर्वात फायदेशीर फळ मानले जाते. सफरचंदांमध्ये अँटिऑक्सिडंट्स, आहारातील फायबर आणि फ्लेव्होनॉइड्स भरपूर असतात. सफरचंद खाल्ल्याने कर्करोग, मधुमेह, उच्च रक्तदाब आणि हृदयविकाराचा धोका कमी होतो.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.
महत्वाच्या बातम्या :
महत्त्वाच्या बातम्या
