National Nutrition Week 2023 : तुमच्या 'या' 5 वाईट सवयी तुमच्या अन्नातून सर्व पोषण दूर करतात; आजच ही सवय बदला
National Nutrition Week 2023 : पोषणाच्या पूर्ततेबद्दल लोकांना जागरूक करण्यासाठी, भारत सरकारने राष्ट्रीय पोषण सप्ताह साजरा करण्यास सुरुवात केली होती.
National Nutrition Week 2023 : सध्या देशभरात राष्ट्रीय पोषण सप्ताह सुरु आहे. आपण अनेकदा अन्नाशी संबंधित अशा चुका करतो, ज्यामुळे त्याचे पौष्टिक मूल्य कमी होते. तुमच्या खाण्याच्या चुकांमुळे तुमच्या अन्नाचे पौष्टिक मूल्य कमी होते, परिणामी आपण कुपोषणाचे बळी ठरतो. त्यामुळे तुमच्या आहाराच्या बाबतीत अशा काही सवयी बदलणं गरजेचं आहे ज्या आरोग्यासाठी घातक आहेत. या सवयी कोणत्या ते जाणून घ्या.
अन्न गुणवत्ता आणि कॅलरी या दोन्हीकडे लक्ष द्या
अन्नाच्या गुणवत्तेवर लक्ष केंद्रित करून कॅलरी कमी केल्याने तुम्हाला ऊर्जा आणि पोषणाची कमतरता भासू शकते. तसेच, कॅलरींवर लक्ष दिल्याने आणि अन्नाच्या गुणवत्तेकडे दुर्लक्ष केल्याने तुम्हाला खूप कमी प्रमाणात कॅलरीज वापरता येतात. या दोन्ही परिस्थितीत तुमचे नुकसान होऊ शकते. त्यामुळे संतुलन राखणे आवश्यक आहे.
प्रथिनांकडे दुर्लक्ष करणे
शरीर निरोगी ठेवण्यासाठी प्रथिनांचा पुरेसा पुरवठा करणे अत्यंत आवश्यक आहे. प्रथिनांच्या कमतरतेमुळे खराब झालेली त्वचा, ठिसूळ झालेली हाडे आणि स्नायू आणि कमकुवत प्रतिकारशक्ती होऊ शकते. तुमची प्रथिनांची गरज पूर्ण करण्यासाठी तुम्ही दररोज तुमच्या आहारात अंडी, दुबळे मांस, दूध आणि काजू यांसारख्या पदार्थांचा समावेश केला पाहिजे.
अन्नापेक्षा पूरक आहार निवडणे
जेव्हा शरीरात पोषक तत्वांची कमतरता असते, तेव्हा लोक लगेच सप्लिमेंट्स घेणे सुरू करतात. पूरक आहार घेण्यापेक्षा पौष्टिक आहाराकडे लक्ष देणे अधिक महत्त्वाचे आहे. पूरक आहार घेण्यापूर्वी नेहमी डॉक्टरांचा सल्ला घ्या.
अन्नातून चरबी कमी करणे
बरेच लोक, निरोगी राहण्यासाठी, आहारातून निरोगी चरबी देखील कमी करतात. तुमच्या शरीरासाठी इतर पोषक घटकांप्रमाणेच चरबीही महत्त्वाची आहे. शरीर फॅटी ऍसिड तयार करू शकत नाही. म्हणून, चरबीयुक्त आहार आपल्या शरीराला आवश्यक चरबी मिळविण्यास मदत करतो. तापमानाचे नियमन, ऊर्जा साठवण आणि जीवनसत्व शोषण यासाठी निरोगी चरबी शरीरासाठी महत्त्वपूर्ण असतात. फॅटी फिश, एवोकॅडो, ड्रायफ्रूट्स आणि दुग्धजन्य पदार्थ त्याची कमतरता भरून काढू शकतात.
जास्त साखरेचा वापर
साखरेचे जास्त प्रमाणात सेवन करणे आपल्या आरोग्यासाठी अत्यंत घातक ठरू शकते. यामुळे मधुमेह, लठ्ठपणा, हृदयविकार आणि प्रतिकारशक्ती कमी होणे यांसारख्या आजारांना आमंत्रण मिळू शकतं. त्यामुळे साखरेच्या वापराबाबत काळजी घ्यावी.
महत्त्वाच्या बातम्या :
महत्त्वाच्या बातम्या
