Mango Recipes : मॅंगो बर्फी.. मँगो कँडी...आंबा शिरा..! तोंडाला पाणी सुटलं? आंब्यापासून बनवलेल्या 'या' अप्रतिम रेसिपी पाहा, उन्हाळ्याचा आनंद घ्या

Mango Recipes : आंब्याच्या मोसमात या अप्रतिम पाककृती करून पाहा. कुटुंबातील सदस्य आनंदी राहतील. बोटं चाटत राहतील

mango Recipes food lifestyle marathi news

Mango Recipes : आंबा म्हटलं की तोंडाला कसं पाणी सुटतं.. हो ना? उन्हाळ्याच्या हंगामात (Summer) कोणत्याही फळाचा सर्वाधिक उल्लेख असेल असेल तर त्याचे नाव 'आंबा' आहे. आंबा हा उन्हाळी हंगामातील सर्वांचे आवडते फळ आहे. पण तुम्हाला माहित आहे का? आंब्यांच्या मदतीने तुम्ही उत्कृष्ट आणि स्वादिष्ट पाककृती बनवू शकता. होय, आज या लेखात आम्ही तुम्हाला आंब्यापासून बनवलेल्या काही स्वादिष्ट आणि अप्रतिम पाककृतींबद्दल सांगणार आहोत, ज्या तुम्ही घरी सहज बनवू शकता.

 

लहानांपासून मोठेही बोटं चाखत राहतील अशा रेसिपीज....

आंब्यापासून बनणारे हे पदार्थ बनविण्यासाठी तुम्हाला जास्त मेहनत करण्याची गरज नाही..बरं का..! कुटुंबातील सदस्यांनाही ही रेसिपी खूप आवडेल. विशेषत: लहान मुलांना जास्त उत्साहाने खायला आवडेल. तर जाणून घ्या आंब्यापासून बनणाऱ्या काही खास रेसिपीज... (Mango Recipes In Marathi)

आंबा बर्फी (मॅंगो बर्फी)

आंबा बर्फीची सोपी पाककृती

साहित्य

आंब्याचा पल्प, दूध - 1/2 कप, साखर - 1/2 कप, किसलेले खोबरे - 3 कप, वेलची पावडर - 1/2 कप, बेसन - 2 चमचे, लोणी - 1/2 चमचा.

बनवण्याची पद्धत

सर्व प्रथम मिक्सरमध्ये आंब्याचा पल्प, दूध आणि बेसन घालून नीट मिक्स करून घ्या.
आता त्यात किसलेले खोबरे आणि साखर टाकून नीट मिक्स करून प्लेटमध्ये काढा.
येथे एका पातेल्यात बटर घालून गरम करा. लोणी गरम झाल्यानंतर, दोन्ही मिश्रण एकत्र करा आणि सुमारे 10 मिनिटे शिजवा.
10 मिनिटांनंतर वेलची पूड घाला आणि घट्ट होईपर्यंत शिजवा आणि प्लेटमध्ये काढून पसरवा. 
आता बर्फीच्या आकारात कापून घ्या आणि थोडा वेळ थंड झाल्यावर खायला द्या.

 

मँगो कँडी

साहित्य

आंब्याचा पल्प - 1 कप, नारळाचे दूध - 1/2 कप, साखर - 2 चमचे, द्राक्षाचा रस - 1/2 कप, फूड कलर - एक चिमूटभर, बेकिंग सोडा - 1/2 टीस्पून, वेलची पावडर - 1/2 टीस्पून, साखर 1 कप

बनवण्याची पद्धत

सर्व प्रथम मिक्सरमध्ये आंब्याचे पल्प, नारळाचे दूध, द्राक्षाचा रस इत्यादी घालून चांगले मिक्स करावे.
आता हे मिश्रण कँडीच्या मोल्डमध्ये ठेवा आणि सुमारे 30-35 मिनिटे रेफ्रिजरेटरमध्ये ठेवा.
येथे एका पॅनमध्ये साखर आणि पाणी घालून साखर चांगली वितळवून घ्या.
यानंतर साच्यातून कँडी काढून साखरेत बुडवून प्लेटमध्ये ठेवा.
स्वादिष्ट मँगो कँडी सर्व्ह करण्यासाठी तयार आहे.

आंब्याचा शिरा

साहित्य

रवा-1 कप, तूप-1/2 कप, आंब्याचा पल्प-1 कप, दूध-1 कप, ड्रायफ्रूट्स-1 कप, वेलची पावडर-1/2 टीस्पून, 

बनवण्याची पद्धत

सर्व प्रथम कढईत तूप टाकून गरम करा. तूप गरम झाल्यावर त्यात रवा घालून सोनेरी होईपर्यंत परता.
आता त्यात आंब्याचा पल्प आणि दूध घालून थोडावेळ ढवळत शिजवा. 
साधारण 8 मिनिटांनंतर बाकीचे साहित्य घालून शिजवा आणि गॅस बंद करा.
आता ते एका प्लेटमध्ये काढा. वर ड्रायफ्रुट्स टाका आणि सर्व्ह करा.

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )

महत्त्वाच्या इतर बातम्या :