![ABP Premium](https://cdn.abplive.com/imagebank/Premium-ad-Icon.png)
Jara Jivantika Pujan 2022 : आज श्रावणातील शेवटचे जरा-जिवंतिका पूजन; जाणून घ्या पूजा विधी आणि महत्त्व
Jara Jivantika Pujan 2022 : जरा जिवंतिका पूजन दर शुक्रवारी करण्याची प्रथा आहे. त्यानुसार आज श्रावणातील शेवटचा शुक्रवार आहे.
![Jara Jivantika Pujan 2022 : आज श्रावणातील शेवटचे जरा-जिवंतिका पूजन; जाणून घ्या पूजा विधी आणि महत्त्व Jara Jivantika Pujan 2022 know last friday puja vidhi and importance of the day marathi news Jara Jivantika Pujan 2022 : आज श्रावणातील शेवटचे जरा-जिवंतिका पूजन; जाणून घ्या पूजा विधी आणि महत्त्व](https://feeds.abplive.com/onecms/images/uploaded-images/2022/08/25/22dd29e39ebcbbbd5f19b2e6205b5fdd1661440248233358_original.jpeg?impolicy=abp_cdn&imwidth=1200&height=675)
Jara Jivantika Pujan 2022 : श्रावण (Shravan 2022) महिना हा हिंदू पंचांगानुसार वर्षातला पाचवा महिना. 29 जुलै रोजी सुरु झालेला श्रावण महिना आता संपत आला आहे. श्रावणातील विविध सण, पूजा विधीची सुरुवात ही जरा-जिवंतिका पूजनाने झाली होती. दर शुक्रवारी केल्या जाणाऱ्या याच जरा-जिवंतिका पूजनाचा (Jara Jivantika Puja 2022) आजचा शेवटचा शुक्रवार आहे. याच निमित्ताने जरा जिवंतिका पूजेचे महत्त्व जाणून घेऊयात.
जरा जिवंतिका पूजा विधी (Jara Jivantika Pujan Vidhi 2022) :
महाराष्ट्रात अशीच जिवतीची पूजा श्रावणातील प्रत्येक शुक्रवारी केली जाते. त्यासाठी आजूबाजूला बरीच लहान मुले असलेला जिवंतिका म्हणजे जिवतीचे चित्र भिंतीवर लावले जाते अथवा गंधाने काढले जाते. असे चित्र काढून मग तिची पूजा करावी. ह्या पूजेसाठी दूर्वा, फुले, आघाड्याची पाने असणे आवश्यक मानले जाते. ह्मा तिन्हींची माळ करून ती जिवतीला घालावी. पुरणा-वरणाचा नैवेद्य दाखवावा. मग पूजेला बोलाविलेल्या स्त्रियांना हळद कुंकू देऊन जेवू घालावे.
जरा जिवंतिका पूजनाची कथा (Story Of Jara Jivantika Pujan 2022) :
जरा जिवंतिका पूजनाच्या संदर्भात ज्योतिर्भास्कर जयंत साळगांवकर (Jayant Salgaonkar) यांनी सांगितलेली कथा अशी सांगते की, जरा ही मूळची राक्षसी होती. ती मगध देशात असे. मगध नरेश वृद्धाला शरीराचे दोन वेगवेगळे भाग असलेला मुलगा झाला. तो जन्मताच त्याला नगराबाहेर फेकून देण्यात आले. त्यावेळी ह्या जरा राक्षसीने ती दोन शकले एकत्र जुळविली आणि त्या अर्भकाला जीवदान दिले. म्हणून ते बालक ‘जरासंध’ ह्मा नावाने ओळखले जाऊ लागले. पुढे मगध देशात जरा राक्षसीचा महोत्सव केला जाऊ लागला. लोक तिला अनेक मुलांची आई समजू लागले. घरोघरी तिची पूजा होऊ लागली.
महत्वाच्या बातम्या :
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)