तुम्हाला 100 वर्षांपेक्षा जास्त जगायचंय? 101 वर्षाच्या डॉक्टरने सांगितली 7 रहस्य, जाणून घ्या सविस्तर माहिती 

Health Tips : तुम्हाला जर 100 वर्ष जगायचं असेल तर काय करावं लागेल? यासंदर्भातील सविस्तर माहिती 101 वर्षाचे डॉक्टर जॉन शार्फेनबर्ग यांनी दिली आहे.

Health Tips

Source : Getty Images

Health Tips : आत्ताच्या काळात माणूस 100 वर्षांपेक्षा जास्त दिवस जगू शकेल का? असा जर कोणी प्रश्न विचारला तर त्याचं उत्तर नाही असेच बहुतांश लोक देतील. कारण, बदलती जीवशैली, विविध आजारांची वाढ, माणसिक तणाव अशा विविध कारणांनी अनेकजण मृत्यू न येण्याच्या वयातच सोडून जातात. दरम्यान, तुम्हाला जर 100 वर्ष जगायचं असेल तर काय करावं लागेल? यासंदर्भातील सविस्तर माहिती 101 वर्षाचे डॉक्टर जॉन शार्फेनबर्ग यांनी दिली आहे. 1923 मध्ये चीनमध्ये जन्मलेले आणि हार्वर्डमध्ये शिक्षण घेतलेले डॉ. शार्फेनबर्ग यांनी त्यांचे बहुतेक आयुष्य सार्वजनिक आरोग्य आणि पोषणाचा अभ्यास करण्यात घालवले आहे. जाणून घेऊयात सविस्तर माहिती.

100 वर्षांहून अधिक काळ जगणे कसे शक्य आहे आणि तेही निरोगी, स्वतंत्र आणि सक्रिय राहून? 101 वर्षीय डॉक्टर आणि सार्वजनिक आरोग्य तज्ज्ञ डॉ. जॉन शार्फेनबर्ग यांच्याकडे याचं उत्तर आहे. युद्धे, साथीचे रोग आणि बदलत्या आरोग्य ट्रेंडने भरलेल्या आयुष्यात, डॉ. शार्फेनबर्ग यांनी दीर्घायुष्यासाठीचा त्यांचा दृष्टिकोन सात सुसंगत जीवनशैली सवयींमध्ये मांडला आहे. त्यांचे तत्वज्ञान अनुवंशशास्त्र किंवा लहरींवर आधारित नाही, तर ते दैनंदिन, विचारशील निवडींवर लक्ष केंद्रित करते.

101 वर्षीय डॉक्टर जॉन शार्फेनबर्ग यांनी दिलेल्या टिप्स 

जॉन शार्फेनबर्ग हे अनेक दशकांपासून या टिप्स फॉलो करत आहेत. आता ते जगभरातील लोकांसोबत शेअर करतात. 1923 मध्ये चीनमध्ये जन्मलेले आणि हार्वर्डमध्ये शिक्षण घेतलेले डॉ. शार्फेनबर्ग यांनी त्यांचे बहुतेक आयुष्य सार्वजनिक आरोग्य आणि पोषणाचा अभ्यास करण्यात घालवले आहे. ते सध्या कॅलिफोर्नियामध्ये राहतात, स्वतःची कार चालवतात, आंतरराष्ट्रीय स्तरावर व्याख्याने देतात आणि "व्हिवा लॉन्गेविटी" नावाचे एक YouTube चॅनेल चालवतात जिथे ते दीर्घ आणि निरोगी आयुष्याचे रहस्य शेअर करतात.

तंबाखूला नाही म्हणा

डॉ. शार्फेनबर्ग नेहमीच धूम्रपानापासून दूर राहिले आहेत, जे ते मृत्यूचे एक प्रमुख प्रतिबंधात्मक कारण मानतात.

अल्कोहोल पूर्णपणे बंद करा

त्यांनी कधीही अल्कोहोल घेतलेला नाही, कारण त्यामुळे कर्करोग आणि इतर गंभीर आजारांचा धोका वाढतो.

बागकाम आणि बाहेरचे काम

बागकाम आणि जीम बाहेरचा व्यायाम हा त्यांच्या फिटनेसचा मंत्र आहे. विशेषतः 40 ते 70  वयोगटात सक्रिय राहणे महत्वाचे आहे.

अधूनमधून उपवास

वजन आणि पचन क्रिया व्यवस्थित राखण्यासाठी ते फक्त नाश्ता आणि दुपारचे जेवण करतात. रात्रीचे जेवण टाळतात.

शाकाहारी

ते वयाच्या 20 व्या वर्षापासून वनस्पती-आधारित आहार (दुग्धजन्य पदार्थ आणि अंडी समाविष्ट आहे, परंतु मांस नाही) पाळत आहे.

साखरेचा कमी वापर

डॉ. शार्फेनबर्ग हे साखरेपेक्षा फळे आणि नैसर्गिक पर्यायांना प्राधान्य देतात. ज्यामुळं लठ्ठपणा आणि हृदयरोग रोखता येतो.

कमी चरबीयुक्त पदार्थ 

आहारात कमी चरबीयुक्त पादर्थांचे प्रमाण असेत, यामुळं हृदयरोग रोखण्यास मदत करते.

दीर्घायुष्याचे श्रेय नशिबाला नाही तर शिस्त आणि साधेपणाला

डॉ. शार्फेनबर्ग यांची जीवनशैलीवुन हेच समजते की, निरोगी वृद्धत्वासाठी अतिरेकी आहार किंवा महागड्या उपचारांची आवश्यकता नसते. त्यांचे 101 वर्षांचे दीर्घ आयुष्य सातत्य, संयम आणि कालांतराने त्यांनी पाळलेल्या मूलभूत तत्त्वांवर आधारित आहे. रात्रीचे जेवण वगळणे किंवा त्यांच्या बागेची काळजी घेणे यासारख्या त्यांच्या पद्धती आपल्याला व्यावहारिक धडे देतात. लहान आणि सातत्यपूर्ण बदल आपल्या आरोग्यावर कसा मोठा सकारात्मक परिणाम करु शकतात. डॉ. शार्फेनबर्ग त्यांच्या दीर्घायुष्याचे श्रेय नशिबाला नाही तर शिस्त आणि साधेपणाला देतात.

महत्वाच्या बातम्या: