Health : वजन झटक्यात होईल कमी! हा ज्यूस बेस्ट ऑप्शन, ब्रेकफास्टच्या वेळी घेतल्यास फायदा होईल

Health : तुम्ही वजन कमी करण्यासाठी प्रयत्न करत असाल तर या खास ज्यूसचा आहारात समावेश केल्याने तुम्हाला खूप मदत होऊ शकते.

Health lifestyle marathi news

Health : आजकालचे धकाधकीचे जीवन, बदलती जीवनशैली, व्यायाम न करणे, खाण्याच्या अयोग्य वेळा या सर्व गोष्टींमुळे वजन झपाट्याने वाढत चाललंय, अशात व्यक्तीला मात्र इन्संट वजन कमी करायचंय. आज आम्ही तुमच्यासाठी अशा एका ज्यूसबद्दल सांगणार आहोत, ज्याचे सेवन तुम्ही नाश्त्याच्या वेळी केले तर तुमचे वजन नियंत्रित राहण्यास मदत मिळू शकते. कमी वेळात आरोग्यदायी हा ज्यूस कसा बनवायचा? त्याची रेसिपी काय? जाणून घ्या..

 

वाढत्या वजनाने हैराण असाल तर काळजी करू नका

वजन कमी करणे हे आजकालच्या सर्वात कठीण कामांपैकी एक आहे. लोक जिममध्ये घाम गाळण्यात तासनतास घालवतात, तज्ञांनी सुचविलेल्या डाएट प्लॅनचे पालन करतात पण त्यांचे वजन कमी होताना दिसत नाही. जर तुम्हीही वाढत्या वजनाने हैराण असाल तर काळजी करू नका, आम्ही तुमच्यासाठी एक अतिशय चवदार सी ज्यूसची रेसिपी घेऊन आलो आहे, जे प्यायल्याने वजन कमी होण्यास मदत होते. डायटीशियन सिमरन भसीमने तिच्या इंस्टाग्राम अकाऊंटवर याबाबत माहिती दिली आहे.

आंबा-पुदिन्याचा ज्यूस वजन कमी करण्यासाठी उपयुक्त

तज्ज्ञांच्या मते, जर तुम्ही नाश्त्यात आंबा-पुदिन्याचा रस प्यायला तर वजन कमी होण्यास मदत होते. आंब्यामध्ये भरपूर आहारातील फायबर असते, जर तुम्ही सकाळी त्याचे सेवन केले तर तुम्हाला जास्त वेळ भूक लागत नाही, ते एनर्जी बूस्टरसारखे काम करते. यामध्ये असलेले पुदिना पचनक्रिया सुधारते. हे तुमच्या शरीरातील टॉक्सिन म्हणजेच अशुद्ध घटक कमी करण्यास मदत करते. या पद्धतीमुळे वजन कमी होण्यास मदत होते. हे लक्षात ठेवा की फक्त मर्यादित प्रमाणात सेवन केल्याने तुम्हाला फायदा होईल.

 

आंबा-पुदिन्याचा रस बनवण्यासाठी साहित्य

आंबा पल्प - 1 वाटी
एक कप पाणी
पुदिन्याची पाने -10 ते 12
लिंबाचा रस - 1 टीस्पून
बर्फाचे तुकडे - आवश्यकतेनुसार

आंबा-पुदिन्याचा रस बनवण्याची पद्धत

सर्व प्रथम आंबा चिरून घ्या.
आता ब्लेंडरमध्ये एक कप पाणी घाला.
त्यात आंब्याचे तुकडे घाला.
या मिश्रणात लिंबू पिळून घ्या.
त्यात पुदिन्याची पाने घालून चांगले एकजीव करा.
रस तयार आहे, एका ग्लासमध्ये काढा.
बर्फाचे तुकडे घाला आणि आनंद घ्या

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )

महत्त्वाच्या इतर बातम्या :