Health: एक असा जीवाणू... जो शरीराला देतो 4 फायदे, अन् त्याच्याच कमतरतेमुळे 'या' समस्या उद्भवतात, जाणून थक्क व्हाल

Health: हे जीवाणू, जे नैसर्गिकरित्या मानवी शरीरात आढळतात. या  जीवाणूंमुळे आपले आरोग्य चांगले ठेवण्याचे काम करतो. फायदे जाणून थक्क व्हाल

Health lifestyle marathi news probiotics bacterium gives 4 benefits to the body

Source : Google

Health: आपले शरीर हे अनेक प्रकारच्या तत्त्वांनी बनले आहे. जसं की आपल्याला माहित आहे, विविध ऋतूंमध्ये विविध आजार आपलं डोकं वर काढतात. विविध प्रकारचे जीवघेणे विषाणू आपल्याला शरीरात जाऊन त्याचे गंभीर परिणाम आपल्याला पाहायला मिळतात. खरं तर आपल्या शरीराला सर्व प्रकारच्या आवश्यक घटकांची आवश्यकता असते. मात्र असे काही घटक आहेत, ज्यांची कमतरता तुम्हाला गंभीर आजारी बनवू शकते. हा असाच एक आवश्यक घटक आहे. याच्या कमतरतेमुळे आपल्या शरीराला कोणते नुकसान होऊ शकते ते जाणून घेऊया...

मनुष्याला अनेक आवश्यक घटकांची आवश्यकता

तसं पाहायला गेलं तर निरोगी राहण्यासाठी, मनुष्याला अनेक आवश्यक घटकांची आवश्यकता असते, ज्याला पोषक तत्वे म्हणतात. पोषक तत्वांमध्ये जीवनसत्त्वे, कॅल्शियम, खनिजे आणि इतर अनेक घटक असतात. या घटकांपैकी एक विशेष घटक म्हणजे प्रोबायोटिक. हा घटक आपल्या शरीरासाठी महत्त्वाचा आहे, कारण तो आपल्याला संक्रमण आणि रोगांशी लढण्याची क्षमता देतो. या घटकाबद्दल सर्व काही जाणून घेऊया.

पचनसंस्थेवर सकारात्मक प्रभाव 

प्रोबायोटिक्स हे एक प्रकारचे जीवाणू आहेत, जे चांगले जीवाणू मानले जातात आणि शरीरासाठी महत्वाचे आहेत. हे जीवाणू जिवंत जीवाणू आहेत, जे नैसर्गिकरित्या मानवी शरीरात आढळतात. हा घटक आपले आरोग्य चांगले ठेवण्याचे काम करतो. या सूक्ष्मजंतूंचा पचनसंस्थेवर सकारात्मक प्रभाव पडतो, रोगप्रतिकारक शक्ती मजबूत होते आणि जीवनसत्त्वे निर्माण होतात.

प्रोबायोटिक्सच्या कमतरतेमुळे अनेक समस्या उद्भवू शकतात, जाणून घेऊया

पचन समस्या

प्रोबायोटिक्सच्या कमतरतेमुळे पचनसंस्थेमध्ये अडथळा निर्माण होतो, ज्यामुळे अतिसार, बद्धकोष्ठता आणि पोटदुखी यांसारख्या समस्या उद्भवू शकतात.

कमकुवत प्रतिकारशक्ती

प्रोबायोटिक्स रोगप्रतिकारक शक्ती मजबूत करण्यास मदत करतात. त्यांची कमतरता रोगप्रतिकारक शक्ती कमकुवत करू शकते, ज्यामुळे रोगांचा धोका वाढू शकतो.

त्वचेच्या समस्या

प्रोबायोटिक्सच्या कमतरतेमुळे त्वचेशी संबंधित समस्यांचा धोकाही वाढतो.

मानसिक आरोग्य प्रभावित होते

प्रोबायोटिक्सच्या कमतरतेचा मानसिक आरोग्यावरही खोल परिणाम होतो. या घटकाच्या कमतरतेमुळे चिंता, नैराश्य आणि इतर मानसिक समस्या उद्भवू शकतात.

प्रोबायोटिक्सचे फायदे माहित आहेत?

जर प्रोबायोटिक्स तुमच्या शरीरात पुरेशा प्रमाणात असतील तर तुम्ही सहजासहजी आजारी पडणार नाही. त्यांच्या मदतीने तुम्ही निरोगी राहाल. प्रोबायोटिक्सचे काही फायदे आहेत

• प्रोबायोटिक्सच्या मदतीने आतड्यांचे आरोग्य चांगले राहते.
• प्रोबायोटिक्सचे चांगले बॅक्टेरिया तुमची पचनसंस्था निरोगी ठेवण्यास मदत करतात.
• या घटकांच्या कमतरतेमुळे यूटीआय म्हणजेच युरिन इन्फेक्शनची समस्या वाढते.
• प्रोबायोटिक्सच्या कमतरतेमुळे दातांमध्ये पोकळी निर्माण होण्याचीही तक्रार असते.

कमी प्रोबायोटिक असल्याचे दुष्परिणाम

शरीरात या तत्वाच्या कमतरतेची सर्वात मोठी चिन्हे म्हणजे वारंवार जुलाब, बद्धकोष्ठता आणि लवकर संसर्ग होणे.

प्रोबायोटिक्स कसे वाढवायचे?

• प्रोबायोटिक्सचा पुरवठा मिळविण्यासाठी, तुम्हाला तुमच्या आहारात दुग्धजन्य पदार्थांचा समावेश करावा लागेल. तुम्ही:- जसे दही, दूध आणि चीज.
• याशिवाय लिंबू पाणी पिऊ शकता. बाजरी, ज्वारी, मटार आणि लोणच्यामध्येही प्रोबायोटिक्स असतात.
• पुरेशी झोप आणि तणावमुक्त राहण्यामुळे शरीरात प्रोबायोटिक्सची पातळी वाढते.

 

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )