Anxiety and Heart Disease Symptoms Difference: एंग्झायटी आणि हृदयविकाराच्या लक्षणांमधील फरक कसा ओळखाल? जाणून घ्या A टू Z माहिती

Anxiety and Heart Disease Symptoms Difference: छातीत दुखणे, धाप लागणे, घाम येणे किंवा हृदयाचे ठोके अचानक वाढणे अशी लक्षणे जाणवली की अनेकजण घाबरून जातात.

Anxiety and Heart Disease Symptoms Difference

Source : ABP Majha

Anxiety and Heart Disease Symptoms Difference: छातीत दुखणे, धाप लागणे, घाम येणे किंवा हृदयाचे ठोके अचानक वाढणे अशी लक्षणे जाणवली की अनेकजण घाबरून जातात. ही लक्षणे एंग्झायटी (ताण-तणाव) मुळे आहेत की हृदयविकाराची सुरुवात आहे, हे समजणे अनेकदा कठीण जाते. मात्र योग्य वेळी योग्य निर्णय घेतल्यास अनावश्यक घाबराट टाळता येते आणि गरज असल्यास त्वरित उपचार मिळू शकतात. या पार्श्वभूमीवर डॉ. बिपीनचंद्र भामरे, कार्डियाक सर्जन, सर एच. एन. रिलायन्स फाउंडेशन हॉस्पिटल अँड रिसर्च सेंटर, मुंबई यांनी एंग्झायटी आणि हृदयविकाराच्या लक्षणांमधील फरक कसा ओळखायचा? याबाबत दिलेली सविस्तर माहिती जाणून घेऊयात... 

Anxiety and Heart Disease Symptoms Difference: एंग्झायटी आणि हृदयविकाराची लक्षणे का सारखी वाटतात?

• एंग्झायटी असताना शरीरात अ‍ॅड्रेनालिनसारखे तणावजन्य हार्मोन्स वाढतात, हृदयाचे ठोके जलद होतात, रक्तदाब वाढतो, श्वासोच्छ्वास वेगाने होतो आणि छातीत अस्वस्थता जाणवू शकते.
• हृदयविकारात मात्र हृदयाच्या स्नायूंकडे जाणारा रक्तपुरवठा कमी होतो. त्यामुळे छातीत जडपणा किंवा वेदना जाणवतात आणि त्या डाव्या हातात, जबड्यात, मानेत किंवा पाठीकडे पसरू शकतात. त्यामुळे घाम येणे मळमळ आणि तीव्र अशक्तपणाही येऊ शकतो.

Anxiety and Heart Disease Symptoms Difference: फरक कसा ओळखाल?

• एंग्झायटीची लक्षणं  ही ताणतणावाच्या वेळी वाढतात आणि शांत राहिल्यास, दिर्घ श्वास किंवा रिलॅक्सेशनने कमी देखील होतात.
• हृदयविकाराची वेदना दडपण/सक्विझिंगसारखी असते आणि ती चालणे, जिने चढणे अशा शारीरिक हालचालींनी वाढू शकते.
• एंग्झायटीमध्ये छातीत दुखणे बहुतेक वेळा काही तरी टोचल्यासारखे व एका ठिकाणापुरता मर्यादित असते.
• हृदयाशी संबंधित वेदना छातीत जडपणा निर्माण करतात आणि दिर्घ श्वास, ध्यान-धारणा केल्याने त्वरित कमी होत नाहीत.
• हृदयविकाराची लक्षणे दिर्घ काळ टिकू शकतात.

छातीत दुखणे नेमके कशामुळे आहे हे समजत नसेल, आणि तुम्हाला मधुमेह, उच्च रक्तदाब, धूम्रपानाची सवय किंवा कुटुंबात हृदयविकाराचा वैद्यकीय इतिहास असेल, तर विलंब न करता डॉक्टरांचा सल्ला घ्या. हृदयविकारात वेळीच उपचार करणे गरजेचे आहे.

Anxiety and Heart Disease Symptoms Difference: हृदय आणि मन दोन्ही निरोगी राहण्यासाठी उपाय

• आठवड्यातून किमान ५ दिवस व्यायाम करा.
• योग, ध्यान, श्वसनाचे व्यायाम करून ताण कमी करा.
• संतुलित आहाराचे सेवन करा; धूम्रपान व मद्यपान टाळा.
• छातीत दुखत असल्यास त्याकडे दुर्लक्ष करू नका.
• नियमित आरोग्य तपासणी करून घ्या.

भारतात अंदाजे 3 ते 4 टक्के लोकसंख्या एंग्झायटी डिसऑर्डरने प्रभावित आहे, आणि ताणतणावपूर्ण जीवनशैलीमुळे ही संख्या वाढताना दिसते. एंग्झायटी आणि हृदयविकाराची लक्षणे कधी कधी सारखी वाटू शकतात. मात्र त्यातील फरक वेळीच ओळखून त्यानुसार काळजी घेतली, तर गंभीर परिणाम टाळता येतात. हृदयाच्या आरोग्याबाबत कधीही हलगर्जीपणा करू नका आणि असामान्य लक्षणं जाणवल्यास वेळेवर उपचार घ्या आणि निरोगी रहा.

भारतात दरवर्षी सुमारे 28–30 लाख लोकांचा मृत्यू हृदयविकारामुळे होतो. एकूण मृत्यूंपैकी सुमारे 28 टक्के मृत्यू हृदयविकार आणि रक्तवाहिनीसंबंधित आजारांमुळे होतात. गेल्या काही वर्षात 30 ते 50 वयोगटातील हृदयविकाराच्या रुग्णांमध्ये लक्षणीय वाढ दिसून येत आहे. बैठी जीवनशैली , जंक फूडचे वाढते सेवन , धूम्रपान, मधुमेह आणि उच्च रक्तदाब यामुळे हृदयविकाराचा धोका वाढतो, असे डॉ. बिपीनचंद्र भामरे यांनी म्हटले आहे.  

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

आणखी वाचा